|
متابعة لحظية للباوند دولار والله الموفق ,,,, بسم الله الرحمن الرحيم بعد التحية وتقديم فائق التقدير والاحترام لمنتدى بورصات الملم بشمل المصريين ,, انا عارف ان معظم اللى موجودين هنا مصريين وانا كمان مصرى لكن من زمان وانا بكتب واتعامل مع الفوركس باللغة العربية الفصحى بس مش مهم مسألة وقت خلونا فى المهم فى الاول كده انا مقتنع جدا ان سر النجاح والربح من الفوركس هو فى تسهيل الامور والابتعاد عن تعقيدها ثانى حاجه احب تعرفوها ان فى طريقتنا دى مش بتعتمد على اى مؤشرات نهائيا او ما شابه . معلش طولت عليكم شوية المهم الفريم المستخدم : 30 دقيقة الشارت المستخدم : line العملة : الباوند دولار طريقة العمل : كلنا عارفين ان حركة العملات فى الفترة الاسيوية بتكون فى نطاق ضيق ومحدود غالبا بيكون قمة وقاع فى بداية اوقات التدوال ويفضل يتحرك بينهم الى افتتاح اوربا ولندن ,, اكرر اوربا ولندن ,,, تالت مره اوربا ولندن . فى الفترة الاسيوية الازواج بتبقى فى مرحلة استعداد الى ان تأتى الانطلاقه المطلوب مننا نعمله بقى اننا هنفتح الشارت الساعه 8 صباحا بتوقيت مصر وهنشوف اعلى قمة اتكونت واقل قاع اتكون ونرسم خطين بالعرض عليهم طبعا على اللين شارت مش الشموع طيب وبعدين ,,, هاتكلم بالنسبة للباوند دولار طبعا كلنا عارفين ان بوصة لندن بتفتح الساعه 10 وعارفين ان فى الوقت ده بتبدى حركة الازواج فى السرعه واحنا حددنا قمة وقاع الساعه 8 الصبح نبتدى بقى الشغل الساعه 9.30 بالظبط هنحط امرين معلقين امر بيع مع كسر القاع وامر شراء مع كسر القمة BUY stop & SEEL stop ومع افتتاح اروبا الساعه 10 بالظبط ومع سرعة الحركة اختراق القمة يبقى صعود اختراق القاع بيكون هبوط والله طلع هيلاقينا عمالين كمين فى سكته بامر شراء معلق نزل هيلاقينا عاملين كمين فى سكته برده بامر بيع معلق وده اللى مخلينى اقول عليها الطريقة الاعقل لاننا كده هنمسك خيط الحركة من اوله ومش هنستنى ارتدادت اهداف الطريقة دى من 30 الى 70 نقطة ولو كان التحرك سريع ولقيته حقق 50 نقطة مثلا بنقدم الاستوب لنقطة الدخول ونعمله استوب متحرك ونسيب الصفقة طول النهار الاستوب لوس : قلنا ان عندنا امرين بس بيع وشراء يبقى لو دخلنا بيع الاستوب بيكون نقطة الشراء مضاف عليها 10 نقط والعكس واطمنوا غالبا بيكون الاستوب صغير مميزات هذه الطريقة : العمل من الساعه 8 الى الساعه 11 بالكتير اوى و السهولة فى استخراج القمة والقاع موانع استخدام هذه الطريقة : اوقات التذبذب وفى مثل هذه الاوقات سوف اتابعكم لحظة بلحظة وهندخل برده بيع او شراء نسبة نجاح هذه الطريقة : تتعدى الى الان 94.5 % سوف اضع شارت للتوضيح بعد ان تتعدى مشاركاتى 5 مشاركات شكرا ,,, |
رد: متابعة لحظية للباوند دولار والله الموفق ,,,, الحمد لله انى اول واحد يلحق يرد ويبارك فى الموضوع وبأذن الله الموضوع يكون مربح لجميع الاعضاء وحاولوا يا جماعة تتابعوا الموضوع من الاول وبأذن الله تشوفوا كل خير وماتنسوش اخونا منعم فى الدعاء ربنا يوفقنا فى جميع صفقاتنا يارب وتكون كلها ربحانة اللهم امين والف مبروك كمان مرة يا مستر منعم ومبروك علينا احنا كمان :09::09::09: |
رد: متابعة لحظية للباوند دولار والله الموفق ,,,, اهلا بيك استاذ منعم في متنداك وبيتك الاول ( وليس الثاني ) وباذن الله تسجيل حضور ومتابعة لك باذن الله تعالي |
رد: متابعة لحظية للباوند دولار والله الموفق ,,,, السلام عليكم شكرا لك استاذ منعم على الطريقة لكن لماذا نفترض انه سيخترق القمة او يكسر اللو ما هو يمكن ان الزوج يتحرك في المنطقة المحصورة بين اللو و الهاي و بكدة نكون ضيعنا علينا الفرصة باننا نصطاد الزوج في المنطقة المحصورة لعدم وجود اوامر بيع او شراء لدينا, و على الغالب ان الازواج تتحرك بين المنطقتين لو انها لم تخترق او تكسر , و كذلك يمكن ان الذيل يصيب نقطة دخولنا و يرتد و تبدا الصفقة بالخسارة , منتظر رايكم اخي العزيز مجرد راي و هو الى الخطأ اقرب |
رد: متابعة لحظية للباوند دولار والله الموفق ,,,, تسجيل حضور و متابعة و الله الموفق |
رد: متابعة لحظية للباوند دولار والله الموفق ,,,, اقتباس:
:clap: اقتباس:
ودى وتقديرى اقتباس:
الحركة العرضة والتى يتكون بها القمة والقاع اللى بقول عليهم بتكون فى نطاق ضيق تقريبا 60 او 80 نقطة علشان كده لازم ولابد وحتما كسر اى نقطة فيهم علشان ياخد الاتجاه لليوم عموما اعمل باك تيست وشوف من بداية اليوم من الساعة 00.00 لحد الساعه 8 ايه اللى بيحصل واول من لندن بتفتح ايه اللى بيحصل شكرا ,, |
رد: متابعة لحظية للباوند دولار والله الموفق ,,,, متابع معاك و ان شاء الله طريقة موفقة و اهلا بيك معانا في بورصات |
رد: متابعة لحظية للباوند دولار والله الموفق ,,,, اقتباس:
وارجوكم ان تقوموا بعمل باك تيست لما اقول حتى تتأكد من هذه الطريقة السهلة والصعب بل و المستحيل على شركات الفوركس ان تستطيع ان تكتشف طريقة لجعل هذه الطريقة بلا فائدة لانها بسيطة وسهلة سهل على كبار السوق ومافيا السوق تخريب الاسترتيجيات الصعبة لكن الصعب عليهم الاسترتيجيات السهله اهتموا بالطريقة وتاجروا بنفسكم يتجدوا الخير ان شاء الله وساضع يوميا الساعه 8 صباحا نقاط الدخول ولكن عليكم ان تخرجوها بانفسكم ايضا |
رد: متابعة لحظية للباوند دولار والله الموفق ,,,, شارت توضيحى المربع الازرق دى فترة تكون القمة والقاع اللى بنقول عليها انظروا ماذا حدث بعد الاختراق http://forum.borsaat.com/uploaded/13554_1243180199.gif |
رد: متابعة لحظية للباوند دولار والله الموفق ,,,, هاقوم اتفرج على ماتش الاهلى والاسماعيلى ونرجع ادعوا للاهلى يكسب بقى ويا ريت اللى فاضى يعمل باك تيست لنا عوده بعد الماتش شكرا ,,, |
| 04:15 PM |
Powered by vBulletin®