سؤال يا جماعة لو سمحت

السلام عليكم ورحمة الله وبركاته
طبعاً الكل هيقول ده عضو جديد واول مشاركة ههههههههه
بس والله انا بقالى فترة طويلة كل يوم بدخل ومش بعرف اكتب رد او اعمل موضوع بحسابى التانى مع إن انا مجليش رسالة تفعيل رحت عملت الحساب الجديد ده عشان زهقت بصراحة
نرجع للموضوع
انا كنت مع FXOPEN والان عملت حساب على FXSOL المشكلة دلوقتى انا عندى حساب شباب فى NSGB مصر ومعايا Internet card ومكتوب عليه Visa Virtuon ومكتوب عليه 15 رقم
ومكتوب تاريخ الإنتهاء ومكتوب على ما اظن اللى اسمه الـ CCV
مع العلم إن البطاقة ده لازم ابعتلها رصيد من حسابى فى نفس البنك وهى مربوطة بالحساب
هل هقدر ابعت لـ FXSOL منها على اساس إنها Debit Card !!!
ولو مش هقدر هعمل ايه دلوقتى هل هبعت عن طريق تحويل بنكى ! طيب اصلاً المبلغ كله على بعضه حوالى 420 $ ايه المصاريف اللى هتتسحب وهل هتتسحب من المبلغ ده ولا هيطلب منى فى البنك دفعها وهل مصاريف البنك هتختلف عن مصاريف FXSOL
معلش بقى طولت عليكم

وعليكم السلام ورحمة الله وبركاته

اهلا بك في بورصات
بخصوص debit card احيانا يتم قبولها في الدفع لدى الشركة ، واحيانا لا يتم قبولها ، لذلك جرب الدفع عن طريقها على موقع الشركة ، اذا لم يتم قبولها ، ستحتاج الى عمل تحويل بنكي لحسابك في الشركة
المصاريف تختلف من بنك الى اخر ، ولكنها غالبا 25 دولار ، وبامكانك دفعها من 420 او اضافتها ، حسب رغبتك

وبالتوفيق

التوقيع

شكراً استاذ محمد على ردك
بالنسبة لموضوع الـ Debit Card مفهو طلع مرفوض بالفعل
وعند التحويل من حسابى من بنك سوسيتيه جنرال يتم احتساب 3$ مصاريف إدارية و20$ قيمة الحوالة
و0.002 من قيمة الحوالة
وعند وصولها إلى بنك التابع له FXSOL يتم خصم من 15$ لـ 25$

التوقيع

اقتباس:

المشاركة الأصلية كتبت بواسطة omarara

شكراً استاذ محمد على ردك
بالنسبة لموضوع الـ Debit Card مفهو طلع مرفوض بالفعل
وعند التحويل من حسابى من بنك سوسيتيه جنرال يتم احتساب 3$ مصاريف إدارية و20$ قيمة الحوالة
و0.002 من قيمة الحوالة
وعند وصولها إلى بنك التابع له FXSOL يتم خصم من 15$ لـ 25$

العفو اخوي عمر وبعتقد انك ممكن تحكي مع البنك وتطلب فيزا خاصه بالانترانت والبنك راح يسويها لك
وفي هالحاله ماراح يكون فى مصاروفات ولا غيره

التوقيع

المشكلة فى موضوع الفيزا انه لازم اكون بشتغل وليا مفردات مرتب وإلا يكون اقل من 1500 فى الشهر وكلام كبيير من ده
هو انا بشتغل والحمدلله مرتبى حوالى 1500 ولكن ده شغل خاص ومش موثٌق يعنى مش هعرف اجيب مفردات مرتب على الاقل إلى الان ولكن لو فيه حد عنده معلومات عن البنوك المصرية وكيفية إرسال الاموال بدون حوالة ياريت يفيدنا

التوقيع

برضه حل يا جماعة عشان بعد كده اللى يدور ميتهش
ممكن تروح لأى بنك محترم وتطلب تعمل Secured Credit Card وهيطلب منك البنك عمل إيداع "وديعة" وهيكون الحد بتاع الكريديت 80% فقط يعنى تعاملاتك هتكون بـ 80% فقط من إيداعاك والباقى البنك بيحجز عليهم لغاية لمى تسلم الكريديت تانى
طبعاً لو جينا حسبناها صح فالحل ده غير عملى بتاتاً

التوقيع

أخي الكريم أفضل حل هو التعامل بالحوالات البنكيه , انا اقوم بالتحويل من البنك الأهلي ومصاريف التحويل 25$ لكن هذا الكلام من مده لاني لم اقم بالتحويل من قريب .. ممكن تروح لاقرب فرع ليك للبنك الأهلي وتسأل عن مصاريف التحويل بالظبط والحد الادنى لفتح حساب لديهم بالدولار لو لقيتها أقل من سوسيتيه جنرال ممكن تسحب قيمه المبلغ اللي تريد تحويله وفتح حساب بالبنك الأهلي والتحويل منه , والبنك الاهلي كويس بالنسبه للتحويل من والى الحساب عن تجربه , سوسيتيه جنرال اجراءاته معقده جدا عن باقي البنوك وليهم شروط وتحكمات غريبه أنا مره روحت افتح حساب عندهم قالولي لازم تشتري بوليصه تأمين الاول ..
تحياتي لك وبالتوفيق

انتبه اخي كل شركات الفوركس الامريكيه
لو اعلنت افلاسها لن تدفع لك قرش واحد وستضيع عليك كل فلوسك
وبامكانك سؤال الشركه عن ضمان لاموالك (بالاثباتات وليس بالكلام )عندها للتاكد من كلامي

التوقيع

" سبحان الله وبحمده سبحان الله العظيم "
" لا تنسى ان تصلى على سيدنا محمد صلى الله عليه وسلم "

ايه يا جماعة الكلام ده !

التوقيع

هل من الممكن ان تخبرنا اى الشركات اذا افلست قد تعيد لنا اموالنا؟؟

التوقيع

..:: مواضيــــــعى ::..