عيوني تشوفك

& عيوني تشوفك &

يا برك النهار اللي تشوفك فيه
لو انها دقايق وقت عجلة و معدودة

تطيّب الجروح و راحة القلب في غاليه
و انا و انت معنى صادق للود و عهودة

يا حي الطريق اللي يجيبك لو انت تاليه
دموع الوجود و نبرة الصوت ممدودة

محبة قلوبٍ صادقة و الغلا تعطيه
شموخٍ تحدى شدة الوقت و قيودة

على كل حال صادق الشوق ما تخفيه
قلوبٍ تجاوز شوقها شوق و حدودة

خذ القلب مني وانت نصه وما يعنيه
مساحة غلاك اكبر من الشعر و بنودة

تحياتي .. زهرة احمد