• 5:01 صباحاً




خطوة بخطوة ابتدي تداول عمليات مربحة بطريقة سهلة و بالصور

إضافة رد
عضو نشيط
تاريخ التسجيل: Jan 2010
المشاركات: 264
الدولة: مصر
معدل تقييم المستوى: 15
abu_ali08 is on a distinguished road
20 - 01 - 2010, 01:57 PM
  #1
abu_ali08 غير متواجد حالياً  
افتراضي خطوة بخطوة ابتدي تداول عمليات مربحة بطريقة سهلة و بالصور
الأخوة الأعزاء
بالرغم من إن عالم فوركس معقد بداية من التعليم لغاية الإحتراف هحاول هنا اساعد عن طريق توضيح طريقة مضاربة بسيطة ومربحة في نفس الوقت، ومن الممكن البدء بتجربتها فورا وإن شاء الله تكون طريق للنجاح في عالم الفوركس


النظام المستعمل هنا هو مبني على الرسومات المكررة باستمرار في الفوركس أو ما يسمى بالباترن، مش هخش في تفاصيل كتير قوي عن موضوع الباترن بس إن شاء الله عن طريق الخطوات البسيطة دي هنفهم حاجات كتير قوي.


في الأول هنفتح البرنامج المفضل ليك في المضاربة، ويفضل ميتا تريدر، وبعدين نبتدي ندور على موجة طالعة أو نازلة ويكون ليها ارتداد قوي، أهم حاجة يكون في ارتداد قوي يوصل لغاية تلت الموجة الأصلية على الأقل، وبعد ما الإرتداد يوصل لتلت الموجة الأساسية يكون في إرتداد تاني في الإتجاه المعاكس بشرط إنه ميعديش أعلى نقطة وصلتلها الموجة الأساسية كما في الصورة




كما في الصورة الموجة الأساسية اسمها X , A الموجة الإرتدادية الأولى واللي المفروض توصل على الأقل لغاية تلت الموجة الرئيسية ومتعديش النقطة X اسمها A , B، وبعدين في موجة ارتداية تانية المفروض متعديش النقطة A ودي اسمها B ,C


ابتدي دور على رسم مشابه للموجة اللي احنا بنتكلم عنها، مع الوقت عينيك هتاخد على الرسومات إللي بالمنظر دة وممكن تتعرف عليها بسهولة، بس اهم حاجة الوقتي انك تلاقي موجة مناسبة نطبق عليها الدرس دة


لغاية هنا تمام، نخش بقة على أهم نقطة في الموضوع أحنا الوقتي عندنا أربع نقط X,A,B,C ومن طبيعة عمل الباترن إن هيحصل ارتداد في اتجاه الموجة الرئيسية، يعنى لو الموجة الرئيسية عندك صاعدة يبقى احنا هنفتح عملية شراء، والعكس، يبقى أهم سؤال فين نقطة الإرتداد إللي على أساسها هفتح العملية بتاعتنا.


علشان نعرف الأجابة لازم نكون ملمين بمستويات فيبوناتشي، وبردو بدون الدخول في تفاصيل الدنيا الوقتي اتقدمت وفي مواقع وأدوات كتير في النت ممكن تديك المستويات دي بمجرد أدخال البيانات إللي عندك، والنتيجة هتكون مستويات فيبوناتشي وإللي غالبا نقطة الإرتداد مش بتخرج بأي حال من الأحوال عن واحد من المستويات دي زي ما هنشوف حالا.


لغاية النقطة دي وهبتدي نستعمل[عذراً, فقط الأعضاء يمكنهم مشاهدة الروابط ]وندخل ليها القيم بتاعتنا بالترتيب زي ما في الصورة، بمجرد إدخال الأرقام والضغط على الزر الموجود، هنبص للنتيجة هنلاقي الآتي:




1- قيمة فيبوناتشي للمستويات إللي قمت بادخالها.
2- جدول يحتوي على أقرب نوع فيبوناتش بالنسبة للقيم إللي انت قمت بإدخالها
3- أهم حاجة في الموضوع، المستويات المقترحة إللي ممكن عندها يكون في انعكاس أو ارتداد للسعر وعندها هتكون انسب نقطة نفتح بيها سعر شراء.


نبتدي ناخد المستويات واحد واحد ونستعد للإنطلاق، وعند ملامسة أي من المستويات دي والإرتداد، دة يعتبر مؤشر كويس على إننا في الإتجاه الصحيح.




عندنا هنا في خمس مستويات ممكن يكون واحدة منهم هي المستوى إللي احنا بندور عليه، وفي العملية إللي عندنا دي، المستوى التاني زي ما أحنا شايفين هو كان نقطة الإرتداد المنشودة، وزي ما أحنا شايفين برضو إن مستويات الفيبوناتش دي قوية وفي معظم الأحوال مش بتخيب ظن المضاربين.


زي ما قلت دي مجرد طريقة بسيطة بتوضح عمليات المضاربة بتمشي إزاي، وإذا جربت الطريقة دي وعجبتك لازم تجربها مدة على الأقل شهرين وتشوف نسبة الربح بتاعتك ماشية إزاي قبل ما تقرر إنك تشتغل بفلوس حقيقية، ياريت الناس تجرب وتشتغل معاهم كويس إن شاء الله
رد مع اقتباس

الصورة الرمزية شادي عبده
عضو خبير
الصورة الرمزية شادي عبده
 
تاريخ التسجيل: Jan 2009
الدولة: القاهرة
المشاركات: 15,807
معدل تقييم المستوى: 31
شادي عبده is on a distinguished road
افتراضي رد: خطوة بخطوة ابتدي تداول عمليات مربحة بطريقة سهلة و بالصور
2#
20 - 01 - 2010, 04:28 PM
بالتوفيق ياأستاذ

وفقك الله

التوقيع

حلم المليون
شادي عبده غير متواجد حالياً  
رد مع اقتباس
عضو جديد
 
تاريخ التسجيل: Jan 2010
المشاركات: 1
معدل تقييم المستوى: 0
secret-attack is on a distinguished road
افتراضي رد: خطوة بخطوة ابتدي تداول عمليات مربحة بطريقة سهلة و بالصور
3#
21 - 01 - 2010, 03:08 PM
مشكوووووووووووووور اخي على الشرح السلس
secret-attack غير متواجد حالياً  
رد مع اقتباس
عضو جديد
 
تاريخ التسجيل: Jan 2010
المشاركات: 6
معدل تقييم المستوى: 0
hamashar is on a distinguished road
افتراضي رد: خطوة بخطوة ابتدي تداول عمليات مربحة بطريقة سهلة و بالصور
4#
23 - 01 - 2010, 06:11 PM
معلش لاني مبتدأ يبقى الدخول فين C or D
hamashar غير متواجد حالياً  
رد مع اقتباس
عضو نشيط
 
تاريخ التسجيل: Jan 2010
الدولة: مصر
المشاركات: 264
معدل تقييم المستوى: 15
abu_ali08 is on a distinguished road
افتراضي رد: خطوة بخطوة ابتدي تداول عمليات مربحة بطريقة سهلة و بالصور
5#
25 - 01 - 2010, 08:46 AM
النقطة D هي نقطة الدخول المناسبة، النقطة C هي نقطة ارتداد أساسية للتأكد من إن إحنا عندنا باترن ممكن نشتغل عليه
abu_ali08 غير متواجد حالياً  
رد مع اقتباس


إضافة رد

الكلمات الدلالية (Tags)
فوركس، باترن، فيبوناتشي

أدوات الموضوع


جديد مواضيع منتدى الدروس التعليمية

المواضيع المتشابهه
الموضوع كاتب الموضوع المنتدى مشاركات آخر مشاركة
الدعاء المعلم اصدار متميز لتعلم الدعاء بأسلوب أخاذ بطريقة التلقين خطوة خطوة ahmed_ar استراحة بورصات 1 18 - 10 - 2018 06:42 AM


05:01 AM