منتديات بورصات

منتديات بورصات (https://forum.borsaat.com/)
-   منتدى تداول العملات العام (https://forum.borsaat.com/f2/)
-   -   `·.¸¸.·´♣♣ ورشة بورصات العربية المتحدة ♣♣`·.¸¸.·´ (https://forum.borsaat.com/t229207.html)

Mostafa Elyamny 06 - 02 - 2011 02:57 PM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
اقتباس:

المشاركة الأصلية كتبت بواسطة maasa (المشاركة 577288)
بالتوفيق يا غالي و ورشة موفقة باذن الله


وحشني مووووووووووت والله فينك من زمان

وان شاء الله ورشة موفقة للجميع

..........

Mostafa Elyamny 06 - 02 - 2011 10:43 PM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
السلام عليكم

ايه يا جماعة محدش عاوز يستفسر عن اي حاجة ولا ايه ؟؟

..................

Mostafa Elyamny 07 - 02 - 2011 01:20 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
السلام عليكم

ان شاء الله الورشة هتبدأ عملها من بداية هذا الاسبوع

واي استفسار انا تحت امركم واي حاجة انا هعملها او عملتها غلط ياريت التوجيه والنصح والارشاد

لان المسلم مرآة اخيه المسلم


اسبوع موفق للجميع

....................

Mostafa Elyamny 07 - 02 - 2011 01:53 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
بسم الله الرحمن الرحيم

طبعا زي ما حضراتكم عارفين ان ده اول ايام اسبوع التداول وبيكون فيه تقلبات علشان كده دخولنا انهارده هيكون قليل الي حد ما إلا اذا توفرت فرص قوية .

طبعا احنا اتفقنا اننا هنشتغل علي الاخبار

طيب انهاردة وبعد ساعة ونصف تقريبا في خبرين علي عملة الاسترالي

الاول

ANZ Job Advertisements m/m

ايه ده ؟؟

هقولك انا ايه ده

ده يا استاذي الفاضل مؤشر بيقيس التغير في الوظائف المعروضة في الجرايد ووسائل الاعلام القومية في المدن الكبيرة في استراليا

طيب وده ايه تأثيره علي العملة ؟

ايه رايك قبل ما أقولك تاثيره هقولك حاجة حلوة ( متخفش مش بسبوسة )

دلوقتي انت مثلا اتعينت رئيس جمهورية استراليا وكان عندك وظائف كتير فاضية اكيد هتعلن عنها من خلال وسائل الاعلام القومية طبعا لما حضرتك تعلن عنها هيكون في اقبال علي الوظايف دي وبالتالي البطالة هتقل ومستوي العمالة هيزيد ومستوي الانتاج هيزيد وبالتالي اقتصاد دولتك هيرتفع وده طبعا هيكون له تأثير ايجابي علي العملة

اللي عاوز اقوله ان لما المؤشر ده بيزيد بيكون فيه خير للبلد وللعملة بتاعتها


أما الخبر التاني

Retail Sales m/m

(مبيعات التجزئة )

وده خبر مهم جدا وهندخل ان شاء الله صفقة معتمده عليه طبعا بطريقة الاستاذ محمود فوريكس بس للأمانة انا اخدتها من ورشة حبيبي الدكتور عمرو المحرزي

ده يا سيدي الفاضل مؤشر بيقيس التغير في القيمة الاجمالية للبيع بالتجزئة

طيب فاكر من شوية انت كنت رئيس جمهورية استراليا صح ؟

لأ دلوقتي هتكون مثلا رئيس مجلس ادارة مصنع محترم طيب نفترض انك بتنتج سلعة معينة ومبيعات بسم الله ماشاء الله كل يوم في الطالع تفتكر ايه اللي هيحصل ؟؟

اولا طبعا هتحقق عامل الربحية وده انك هتحقق ارباح عاليه لانك كل لما تبيع كتير هتكسب كتير
ثانيا هتعمل سمعة كويسة للمنتج بتاعك وبالتالي سعر المنتج هيزيد .

يعني ايه ياعم الرغاي

يعني لما مبيعاتك تزيد سعر دولتك هيزيد طبعا سعر دولتك بالنسبة لسعر دلوة اخري لان العملة بطبيعتها ملهاش سعر وطبعا كلنا عارفين المقولة الشهيره وهي Money is what Money does ( النقود هي ما تفعله النقود )
المهم ده كلام ملناش دعوه بيه حاليا بس ان شاء الله بين كل فترة والتانية هتكلم شوية في الاقتصاد لاني بعشق حاجة اسمه اقتصاد

طيب فاصل ونواصل ....

خالد العوينى 07 - 02 - 2011 02:07 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
اقتباس:

المشاركة الأصلية كتبت بواسطة Mostafa Elyamny (المشاركة 577738)
بسم الله الرحمن الرحيم

طبعا زي ما حضراتكم عارفين ان ده اول ايام اسبوع التداول وبيكون فيه تقلبات علشان كده دخولنا انهارده هيكون قليل الي حد ما إلا اذا توفرت فرص قوية .

طبعا احنا اتفقنا اننا هنشتغل علي الاخبار

طيب انهاردة وبعد ساعة ونصف تقريبا في خبرين علي عملة الاسترالي

الاول

ANZ Job Advertisements m/m

ايه ده ؟؟

هقولك انا ايه ده

ده يا استاذي الفاضل مؤشر بيقيس التغير في الوظائف المعروضة في الجرايد ووسائل الاعلام القومية في المدن الكبيرة في استراليا

طيب وده ايه تأثيره علي العملة ؟

ايه رايك قبل ما أقولك تاثيره هقولك حاجة حلوة ( متخفش مش بسبوسة )

دلوقتي انت مثلا اتعينت رئيس جمهورية استراليا وكان عندك وظائف كتير فاضية اكيد هتعلن عنها من خلال وسائل الاعلام القومية طبعا لما حضرتك تعلن عنها هيكون في اقبال علي الوظايف دي وبالتالي البطالة هتقل ومستوي العمالة هيزيد ومستوي الانتاج هيزيد وبالتالي اقتصاد دولتك هيرتفع وده طبعا هيكون له تأثير ايجابي علي العملة

اللي عاوز اقوله ان لما المؤشر ده بيزيد بيكون فيه خير للبلد وللعملة بتاعتها


أما الخبر التاني

Retail Sales m/m

(مبيعات التجزئة )

وده خبر مهم جدا وهندخل ان شاء الله صفقة معتمده عليه طبعا بطريقة الاستاذ محمود فوريكس بس للأمانة انا اخدتها من ورشة حبيبي الدكتور عمرو المحرزي

ده يا سيدي الفاضل مؤشر بيقيس التغير في القيمة الاجمالية للبيع بالتجزئة

طيب فاكر من شوية انت كنت رئيس جمهورية استراليا صح ؟

لأ دلوقتي هتكون مثلا رئيس مجلس ادارة مصنع محترم طيب نفترض انك بتنتج سلعة معينة ومبيعات بسم الله ماشاء الله كل يوم في الطالع تفتكر ايه اللي هيحصل ؟؟

اولا طبعا هتحقق عامل الربحية وده انك هتحقق ارباح عاليه لانك كل لما تبيع كتير هتكسب كتير
ثانيا هتعمل سمعة كويسة للمنتج بتاعك وبالتالي سعر المنتج هيزيد .

يعني ايه ياعم الرغاي

يعني لما مبيعاتك تزيد سعر دولتك هيزيد طبعا سعر دولتك بالنسبة لسعر دلوة اخري لان العملة بطبيعتها ملهاش سعر وطبعا كلنا عارفين المقولة الشهيره وهي Money is what Money does ( النقود هي ما تفعله النقود )
المهم ده كلام ملناش دعوه بيه حاليا بس ان شاء الله بين كل فترة والتانية هتكلم شوية في الاقتصاد لاني بعشق حاجة اسمه اقتصاد

طيب فاصل ونواصل ....

بالتوفيق اخى مصطفى
ويا ريت حد يشوفلنا خبر مبيعات التجزئة ييجى سلبى شوية علشان نصل الى 1.0050 ونخفف من خسارة صفقة الاوزى من الاسبوع الماضى وعلى فكرة الاوزى من اكثر العملات الى بتحركة الاخبار وربنا يسترها معانا

Mostafa Elyamny 07 - 02 - 2011 02:10 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
تكمله لكلامنا ان شاء الله هنحاول نخطف كام نقطة من الخبرين اللي فاتو وبلاش طمع من اولها علشان نكون علي ميه بيضه

ان شاء الله قبل الخبر بـ 5 دقايق هنعلق امرين واحد بيع واحد شراء فوق السعر بـ 20 نقطة وتحت السعر بـ 20 نقطة وبهدف 10 نقط فقط لاغير

وان شاء الله في المشاركات القادمة هنزل رقم الحساب التجريبي اللي هنشتغل عليه علشان الكل يتابع

وبالتوفيق للجميع

.............

Mostafa Elyamny 07 - 02 - 2011 02:26 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
اقتباس:

المشاركة الأصلية كتبت بواسطة خالد العوينى (المشاركة 577758)
بالتوفيق اخى مصطفى
ويا ريت حد يشوفلنا خبر مبيعات التجزئة ييجى سلبى شوية علشان نصل الى 1.0050 ونخفف من خسارة صفقة الاوزى من الاسبوع الماضى وعلى فكرة الاوزى من اكثر العملات الى بتحركة الاخبار وربنا يسترها معانا

بالتوفيق للجميع

بس التوقعات بتقول ان الخبر جاي ايجابي وان شاء الله خير

http://www.borsaat.com/vb/uploaded/51661_1297034387.gif

واتوقع لو الخبر جه ايجابي ممكن نشوف السعر راح للمقاومة اليومية عند 1.01817

http://www.borsaat.com/vb/uploaded/51661_1297034599.gif

وبالتوفيق للجميع

..............

Mostafa Elyamny 07 - 02 - 2011 02:42 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
ايه رأيكم نمسك ازواج العملات واحدة واحدة كده نتكلم عنهم من خلال الشارت

اولا اليورو دولار

نشوف الشارت وبعد كده نتكلم

http://www.borsaat.com/vb/uploaded/51661_1297035397.gif

لو شوفنا الشارت هنلاقي ان السعر واقف عند دعم 4 ساعات هتلاقوه باللون الاحمر مش باين قوي المهم السعر واقف عند الدعم ده واعتقد انه هيكسره اجلا ام عاجلا لأن السعر كسر مستوي 23 فبيو واعتقد انه متجه للمستوي التالي وهو 38.2 يعني ممكن نشوف السعر عند 1.34843 وبعد كده نشوف لو قدر يكسر المقاومة عند سعر 1.34974 وقدر يكسر مستوي 38 فبيو هنشوف فرصة كويسة حسب الاستراتيجية بتاعتنا بس مؤشر rsi بيقول غير كده خالص لانه عند مستوي 30 تقريبا يعني في تشبع

علي العموم خلينا نتابع ونشوف

وان شاء الله بالتوفيق

...............

Mostafa Elyamny 07 - 02 - 2011 02:59 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
هنقرا بعد كده زوج

الدولار فرنك

نشوف الشارت

http://www.borsaat.com/vb/uploaded/51661_1297036196.gif

لو لاحظنا في الشارت ان السعر حاليا واقف عند دعم يومي قوي ارتد منه السعر من فترة قريبة اكتر من 150 نقطة خلال فترة قليلةلا تتجاوز 48 ساعة تقريبا المشكلة مش في الدعم المشكلة ان السعر شكله كده هيكسر مستوي 50 فبيو هبوطا ولو ده حصل يعني المقاومة اتكسرت اللي اتكلمنا عنها يعني ايه يعني ممكن يكون في فرصة كويسة برضه حسب استراتيجيتنا ومؤشر rsi بياكد كلامنا لان في مرحلة تشبع لانه واصل تقريبا لـ 70 المهم لو حصل ومستوي 50 شاف نفسه راح شال السعر من تحت لفوق وده احتمال ضعيف لان لو حصل هيلاقي واحد واقف علي الباب اسمه مستوي 61 فبيو ولو قدر يهرب منه هيلاقي واحد واقفله تحت العمارة اسمه ترند هابط يومي وده عامل زي الوحش يعني معتقدش ان السعر ممكن يوصله الا اذا خد حبوب شجاعه من اللي خد منها فؤاد المهندس في الفيلم فكرينه ؟؟

.................

Mostafa Elyamny 07 - 02 - 2011 03:17 AM

رد: `·.¸¸.·´♣♣ورشة بورصات العربية المتحدة♣♣`·.¸¸.·´
 
نشوف اللي بعده

زوج

الباوند دولار

نشوووووف الشارت

http://www.borsaat.com/vb/uploaded/51661_1297037582.gif

لو ركزنا في الشارت هنلاقي ان السعر في منطقة لا يحسد عليها خالص طيب ليييه ؟؟

نلاقي ان السعر بين مقاومة يومية قوية وبين ترند هابط اسبوعي وكمان هنلاقي عمنا rsi في المنتصف يعني بيقول انا معاكم فوق تحت معاكم

طيب والسيناريو المتوقع ايه ؟

اعتقد ان السعر فرصته في الهبوط اقوي الي حد ما علشان المقاومة هترده لتحت شوية والترند مهيصدق انه يتلايم علي السعر وهينزله تحته وبالمثل مستوي 23 فبيو واعتقد ان الانتظار في الحالات اللي زي كده حلو جدا كفاية اننا نوقف نشوف الضرب من بعيد

..............


02:22 AM

Powered by vBulletin® Version 3.8.9
Copyright ©2000 - 2019, Jelsoft Enterprises Ltd.
SEO by vBSEO 3.6.0 ©2011, Crawlability, Inc.