تاريخ التسجيل: Sep 2009
الدولة: مصر
المشاركات: 683
خبرة السوق: 1 الى 3 سنوات
معدل تقييم المستوى:
15
رد: موفنج 5 - طريقى للمنافسة فى مسابقة يونيو 2011
السلام عليكم
بدأنا العمل على فريم الربع ساعة وكانت اعدادات الموفنج 5 simple / close والمستويات 10/20 & -10/-20 وبدأنا العمل بصفقة على اليوروين وبحمد الله حققت 15 نقطة و صفقة الباوند لا تزال مفتوحة والخسارة 16 نقطة حتى الان وكان هناك فرصة لتعويض هذه الخسارة الساعة 21 بتوقيت البرنامج لكن لم اكن متواجد .. كل شئ نصيب وان شاء الله معوضة ..
المهم السوق الان هادى وفرصة نتوسع شويه فى التجربة ونشوف فريم الساعة والاربع ساعات واليومى وزى ما قلنا ان لكل فريم اعدادات خاصة وهى للمستويات فقط يعنى كل اللى ها نغيره ارقام المستويات لان حركة السعر تختلف من فريم لاخر وكلما كبر الفريم زادت مساحة حركة السعر
على فريم الربع ساعة كان اعداد المستويات 10/20 & -10/-20 يعنى 10 نقاط ثم 20 نقطة فوق خط الموفنج ويالمثل تحت وامر التداول بيكون لما السعر يلامس خط ال 20 .. طيب ايه لازمة 10 .. مجرد تنبيه لما السعر يتخطى خط العشرة يبقى احتمال يروح لخط ال 20 فننتظر السعر لاخذ الامر ..
ولان فريم الساعة حركة السعر اكبر نلاحظ ان متوسط ابتعاد السعر عن الموفنج 5 فى حدود 40 الى 50 نقطة وانا بقول متوسط مش اقصى حد ثم يرتد السعر مرة اخرى ممكن عشرين وممكن اكتر بكتير فى نفس الشمعة او التى تليها او الثالثة بالكتير قوى يبقى هنا هناخد الامر لما السعر يبعد عن خط الموفنج 40 نقطة فوق الخط بيع وتحته شراء
بالتالى اعدادات مستويات الموفنج على الساعة تكون 20 / 40 & -20 /-40 ويكون خط العشرين هو خط التنبيه
وزى ما قلنا فى الساعة فى ال4 ساعات نلاحظ متوسط ابتعاد السعر عن الموفنج من 80 ال 100 نقطة ثم برتد تبقى مستويات الموفنج 40 /80&-40 /-80 والامر يكون من خط ال 80 بيع او شراء
ثم اخيرا اليومى وتكون المستويات 100 /200 & -100 / -200 والامر من ال 200
طيب احنا ها نقعد نغير كل شوية فى الاعدادات لا احنا ها نعمل لكل فريم تلمبت خاص بيه لما نروح لاى فريم ندوس على التلمبت الخاص بيه ها يتحط على الشارت وخلاص
وطريقة عمل التلمبت انك بعد ما تخاص الاعدادات ويبقى الشكل على الشارت تقف بالماوس على الشارت ثم كليك يمين اختار قالب ثم حفظ القالب ومن مربع الحوار الذى سيظهر اختار اسم للقالب ثم اوكى خلاص اتحفظ طيب عاوز احط التلمبت او القالب ده على الشارت بسيطة قوى من اقصى يمين البرنامج فوق هتلاقى مربع غلى يمين شكل الساعة اضغط على المربع ومن القايمة اللى ها تظهر اختار القالب اللى انت عاوزه
طبعا انا لسة ما خلصتش كلام لان الطريقة دى عيبها لحد الان انك تكون ملازم للشاشة وعاوزه تفرغ وده شئ صعب شويه عشان كده بحاول ادرس اكبر عدد من الازواج وايه اللى يناسبة من اعدادات علشان يبقى فى اكثر من فرصة ممكن الاقيها لما اكون امام الشاشة
ورغم انى مش شايف متابعة من حد الا انى ها استمر فى الموضوع واذا كان فى حد متابع من بعيد فانا بكرر ان الطريقة تحت التجربة وياريت يجرب معى ويفدنى برايه لو كان عنده وقت
على فكرة صفقة الباوند الخسارة اصبحت 8 نقاط فقط ربنا يسهل وتصل للهدف
دمتم بكل خير