بسم الله الرحمن الرحيم
بصراحة كدا بعد ما طلع عيني في البحث عن جان وخطوط الكماريلا والايشيموكو وديمارك والهارمونيك واليوت وغيرة وغيرة بصراحة كلها طرق جامدة جدا وانا مازلت لسة اعتمد علي الايشيموكو والكماريلا في المتجارة بس حبيت اني اريح نفسي شوية قلت اراجع شوية معلومات من ايام الكلية فبدات امسك كتب الفيزياء والرياضيات وغيرها لاني متاكد ان الشارت دا لة قوانين وبعدين لقيت حاجة مهمة جدا
بالنسبة للهندسة الفراغية لقيت معادلة بتقول البعد بين نقطتين بالصيغة المترية
معلش اعذروني في الطريقة اللي حكتبها بيها بس هو دا اخرى والله العظيم
(x2-x1)2 – (y2-y1)2 بس المعادلة دى تحت الجذر اسمحولي اكتبها بالعربي
جذر ( اكس 2 ناقص اكس 1 ) وبعدين القوس دا علية علامة تربيع - ( واي 2 ناقص واي 1) بردوا القوس دا علية علامة تربيع
طيب المعادلة دى اية بالظبط ؟؟؟
اكس هو محور الزمن واي هو محور السعر فبدات اطبق المعادلة علي شمعتين وليكن الشمعة رقم 5 والشمعة رقم 10 بعد افتتاح اليوم الجديد طبعا انا عارف ان البعد بين الشمعتين 5 ساعات بس حبيت اتاكد من المعادلة بدات باعتبار x مجهول وحليت المعادلة لقيت فعلا ان البعد بينهم 5 ساعات فرحت اوى اوى وقلت هو دا سر الفوركس بس لازم اتاكد اكتر اعتبرت ان y هو المجهول اللي هو السعر وبدات اتعامل علي اساسة طلعلي حاجة غريبة اوى لقيت الرقم دا5.01 جربت المعادلة علي كذا شمعة كل مرة يطلعلي البعد زيادة علية 0.01 او 0.02 قلت يالا مش مهم واعتبرت ان الرقم دا ملغي كانة مطلعش وبدات اطبق المعادلة علي شمعة معلومة وشمعة مجهولة يعني اقول طيب كمان 10 ساعات عايز اجيب y1 اللي هي اوبن الشمعة رقم 10 قيت السعر اللي طلعلي مش هو سعر السوق حبيت اعرف الغلط فين لقيت الغلط اني محطتش 0.01 او 0.02 في المعادلة ولما حطيتها طلع السعر مظبوط بقيت حتجنن من الرقم الاهبل الصغير دا بس هو دا اللي بيظبط الدنيا كلها فياريت حد يعرفلنا اية الرقم دا او في ثابت معين مثلا ممكن نضيفة للمعادلة دى عشان نعرف نوصل للتعديل الصح زى مثلا ثابت بولتزمان او كدا يعني ؟؟؟
والله سبحانة وتعالي الموفق ويكرمني ويكرمكم بالرزق الحلال الوفير ان شاء الله
وبدات اطرح open الشمعة الاولي من open الشمعة التانية باعتبار open هو y