رد: تجربة اخري مع شركة exness.com
اقتباس:
المشاركة الأصلية كتبت بواسطة صقر الفوركس
الشركة ممتازة جدا و المفروض انك تعمل ستوبك منذ البداية بما أنك هاوي أخبار اما انك تنتظر الخبر
وانت ناوي تقفل عقدك يدويا فهذا لعب عيال صراحة
ياعم ولا ممتازة ولا بتاع .. دي مش اول مشكلة احسها مقصودة والمنصة بتاعتهم وقفت اكتر من مرة قبل كدا ووقفت في مرة وكان معايا الاخ عمر علي التليفون وقولتله يا استاذ عمر انا دلوقتي اضمن حقي ازي المنصة وقفت وانا في عقود عايز اقفلها قعد يقولي ممكن يكون في عطل وممكن يكون مش عارف ايه يومها محصلش حاجة تقريبا بس والله لو كان حصل ممكنتش هاخد حقي برضة هيقولي وانا منين انك كنت عايز تقفل الصفقة سواء علي ربح ولا خسارة
وغيرها من المواقف الكتير يعني يبقي وقت عادي وتلاقي الاسبريد بقا عالي ومتفهمش ايه السبب طيب مفيش اخبار ولا حاجة ولا اغلاق سوق بيعلوا مع نفسهم وينزلوا مع نفسهم لدرجة ان مرة الاسترالي وصل 8 نقاط وانا كنت قاعد مستغرب ليه بيحصل كدا مع ان مفيش خبر
انا قولت اللي عندي انا ولا الشركة بتديني دولار في جيبي ولا عايز منها حاجة وكل واحد مسئول عن امواله
وبالنسبة للتهنيج بتاع الخبر ممكن نستحمل وقت الخبر بس مش قبل الخبر بخمس دقايق وبعد الخببر يقعد دقايق برضة !!
وبعتذر عن كلمة زبالة ممكن الادارة تحذفها هي شركة سيئة من تقييمي الشخصي وكل واحد حر .. بس انا اللي وصلتله فوركس يعني شركة محترمة تتداول معاها وانت مطمئن وياسلام لو تحت رعاية منتدي كبير علشان تبقي ضامن حقك منهم
تحياتي