السلام عليكم
حياكم الله وبياكم
طبتم وطاب ممشاكم
أما بعد,
نتكلم بقى بالبلدي ....
يا جماعة المنتدى في خلال شهر رمضان قل نشاطه بنسبة تيجي 70 %
وده طبعا منرضاهوش لمنتدانا اللي بنستفيد منه كلنا
واللي يرضينا إن المنتدى يرجع لسابق عهده وأجمد كمان !!
وطبعا العذر الوحيد اللي هنقوله إننا ف شهر رمضان وطبعا مشغولين إذا كان بعبادات او زيارات
ربنا يباركلكم !!
لكن بعد العيد مفيش عذر للجميع !!
لازم نعيد النشاط للمنتدى مرة تانية
ونرجع كلنا نشارك في كل الموضوعات والورش اللي اتقفلت دي ترجع تشتغل وتكمل ما بدأت فيه
لأن الورشة دي زي مشروع ......
لو اتقفل قبل ما يحقق أهدافه يبقى مشروع فاشل ......
يعني عاوزين كلنا نحط إدينا في إدين بعض ونرجع الورش تشتغل تاني وتنتج
ورشة المحللون المتحدون ... راحت فين .؟!!
ورحلة المليون في ورشة الترند المكسور
وكمان ورش كتير تم الإعلان عن بدئها لكن حتى اتقفلت قبل ما تبتدي
عاوزين كمان الي ف إيده أي حاجة يعملها لأي حد عنده استفسار
يعني مش شرط مشرف هوه اللي يرد عليه
لو انت عندك المعلومة ومتأكد منها 100 %
وشفت استفسار من أي عضو جديد .. متقولش لما مشرف يبقى يدخل يبقى يرد عليه
علشان اكيد المشرف ده مش مقطوع 24 ساعة على المنتدى !!
وكمان يا ريت لو شفت موضوع شايف إنه فيه أي حاجة مخالفة لقوانين المنتدى
تاخد رابط الموضوع كوبي وتبعته لأي مشرف
علشان لما يوصل يتخذ اللازم على طول مش لسة على ما يدخل كل الموضوعات والردود !!
يعني ويا ريت لو حد عنده اقتراح يقوله يفيد المنتدى والأعضاء !!
ولو الموضوع ده مش قسمه هنا ممكن الإدارة تنقله لو تحب !!
والسلام عليكم ورحمة الله وبركاته
!!