خارج الفوركس : معي مبلغ بالجنيه المصري اريد ادخاره بالبنك ؟ بم تنصحوني

السلام عليكم ورحمة الله
انا نازل نهائي الي مصر ومعايا مبلغ في حدود 150.000 جنيه مصري لا غير وربنا يعلم ده تحويشة سنتين غربة .. عايز اودعهم في بنك يكون بيصرف فائدة كويسة (ومحدش يدخلني في موضوع حرام ولا حلال) ايه افضل بنك بيقدم فائدة ولا البريد المصري افضل ؟؟

اعتقد ان افضل حاجه هى الوديعه ذات العائد الشهرى بتبقى حوالى فى حدود 9.75 الى 10.5% سنويا بيتم توزيع العائد شهريا او كل 3 شهور او نصف سنوى حسب ما حتختار

فى حاجه اسمها شهادات البنك الاهلى بالدولار و بيصرف عليهم عائد سنوى ممكن تشوف الموضوع ده

افضل فائدة فى البنوك حاليا هو بنك SAIB

.
اولا
البنك العربى الافريقي
بنك محترم
يقدم شهادات العائد عليها بمده 10 سنوات 150% وتبدأ فئه الشهادات 1000 جنيه
.
حساب توفير جولدن الفائده 8.0%
خدمه عملاء ممتازه ومش هتلاقى زحمه بفروعها مقارنه بالبنك الاهلى
فى مصاريف تقريبا 30 شهريا وبتتاخد كل تلات شهور
.
ثانيا
البريد المصرى
الفائده 8.5
وده اختيار جيد اذا ليس لك تعاملات بنكيه بالخارج
اقل مصاريف. اعلى عائد .مكاتب منتشره..
.
.

التوقيع

كن عظيماً ودوداً قبل أن تكون عظاماً ودوداً

البنوك علمت الناس الكسل
وعودتهم على الربا
ياباشا اشترى عقار اشترى ذهب اشترى قطعة ارض كل هذه الاشياء حلال بيور مربحه اكتر من البنك امان اكتر من البنك

التوقيع

كن مضارب ولا تكن محلل
لغة المحلل مطاطه تسع كل الاحتمالات ولاتترجم على منصة التداول
لغة المضارب حاده بيع او شراء استوب وهدف سهل تترجمها على المنصه وادارة راس المال
حساب المضارب يتمرجن وينتهى
حساب المحلل لا ينتهى ابدا ودايما هتلاقيه عامل حساب كل الظروف مهما حدث

ااشتر ارض قريبه م العمران وبد كم سنه اضععاف راس مالك

الف شكر علي ردودكم والله فيدتوني جدا
بالنسبة للعقارات والاراضي وكده والله انا لي تجربة سيئة في العقار وبعت بخسارة وثانيا ده مجال انا مفهمش فيه ومش عارف انا ايه اللي دخلني فيه قبل كده
انا محتاج اودع المبلغ واخد مصاريف شهرية لأني هفضل فترة من غير شغل .. واعتقد ان انا هرجح اني اتعامل مع البريد لأني عندي حسابات بنكية بالدولار ولو احتجت تعاملات تانية ممكن افتح حساب صغير جاري ..
بس محتاج اعرف اكتر عن شهادات العربي الافريقي 150%

الفايدة 150 % علي 10 سنوات بتتضاف امته وهل لو سحبت المبلغ قبل ال10 سنوات بيخصموا الفائدة كلها ولا ايه