إلى كل من يقول (المضاعفات آخرها المارجن) أقول :

إلى كل من يقول (المضاعفات آخرها المارجن) أقول :
أنا أتداول كمزود إشارة على زولو تريد (أكبر موقع يضم مزودى الإشارات) وأطّلع دائما على قائمة أوائل المتداولين .. بلا مبالغة : لايوجد متداول بارع واحد على زولو لايقوم بالتبريد .. المشكلة اللى بتقابل 99% من الناس اللى بتقول (التبريد مصيره المارجن) أنه لايلتزم بقواعد التبريد .. التبريد ممكن يدبل حسابك فى أيام لو بتعرف تبرد .. وممكن يخسرك حسابك فى ساعات لو ماتبعرفش تبرد .. أنا أتكلمت بالتفصيل فى مشاركة سابقة (بس سامحونى مش عارف أنهى واحدة) عن التبريد وكيفيته كى تضاعف به حسابك .. هلخص لكم أهم مواصفات التبريد الناجح وماتقلقش من التبريد :
1-إبدأ بالصفقة الأولى عند أقصى مناطق التشبع وليكن على rsi بيع عند 85 واشترى عند 15
2-خلى التك بروفت مناسب للفريم يعنى ما تشتغلش على الدقيقة وتخلى التك بروفت 50 نقطة لأنك لو بعت عند rsi 85 على فريم الدقيقة ممكن لو اتنقلت لفريم الساعة تلاقى نفسك عند rsi 20 وكان المفروض تشترى مش تبيع .. إذا خلى التك بروفت بتاعك بعدد الدقايق فى الفريم لو فريم الدقيقة تك بروفت نقطة او اتنين فى كل صفقة فريم الخمس دقايق تك بروفت 5 نقاط وهكذا .. ممكن التك بروفت تبقى اعلى من كدا بس المتداول الناجح ياخد تك بروفت اقل (بدون تبريد) افضل من تك بروفت أعلى (مع التبريد) التبريد فى نظرى مثل الدين (الإستدانة) لو قدرت تمشى حالك بدونه ياريت لو اضطررت إليه لقضاء مصلحتك يبقى غصب عننا .
3-كبر الـpip step على أد ما تقدر وايضا خليها مناسبة للفريم .. يعنى فى الخمس دقايق خلى الإستيب 75 نقطة مثلا .. فى الساعة خلى الأستيب 150 أو 200 نقطة مثلا .. أنا بقول مثلا .. المهم ماتجيش مثلا على فريم الساعة وانت شغال تبريد وتعمل استيب 15 نقطة ممكن تعمل 10 تبريدات والمؤشر يبلعهم ولن يبالى وبعدها تكتشف ان رصيدك فى خطر .
4-برد بنفس اللوت ولا تضاعف اللوتات ففى اللحظة التى تعتقد ان المؤشر لن (يصعد) نقطة واحدة وترمى بتقلك كله (فى البيع) ممكن يطلع له كمان 200 - 300 نقطة ولن يبالى برصيدك زى ما بنشوف فى الكندى وازواج الين مثلا .. أكثر التبريدات أمانا أن تبرد بنفس اللوت لا تضاعف اللوتات واعتمد فقط على جنى الأرباح فى شكل نقاط .
5- كن واثقا من ارتداد السعر فى صالحك وانظر إلى الشارتات لن تجد شارت واحد صاعد دائمما أو هابط دائما .. أهم شىء يكون تبريداتك بأقل لوتات يتحملها رصيدك وكل واحد وتقله .
...........
وربنا يوفقنا ويوفقكم ويوفق المسلمين جميعا .

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

نصائح مفيدة
جزاك الله خيرا ياغالى
التبريد سواء بمضاعفات او بدون يلزمها فقط اختيار نقطة دخول مدروسة

_____
.
.

التوقيع

كن عظيماً ودوداً قبل أن تكون عظاماً ودوداً

أى نعم أخى الكريم ربنا يرزقنا جميعا .. المشكلة أن فيه بعض المتداولين بيدخل ويخرج عشوائى لا يملك استراتيجية تتضمن نقاط دخول وخروج واضحة ويعتمد فقط على التبريد ولا يخرج إلا على ربح .. ودا اللى ممكن يمرجن الحساب .. قلة المعرفة والخبرة قد تلبث على بعض الجُدد .

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

السلام عليكم ورحمة الله وبركاته

كلامك اخي صحيح اذا كان التبريد مدروس ولاكن يعتمد ايضا على قدرة تحمل حسابك
ونقطه مهمة جدا ان تضع استوب لوس لو السعر غير اتجاهه هنا تستطيع استخدام التبريد

لاكن انت تعلم اغلب المتداولين حساباتهم صغيره ولا تتحمل التبريدات ويمكن يدخلوا بلوتان عاليه للعقد الاول وهذا بكون خطير على حساباتهم

فدائما نصيحتي لهم الدخول بهدف واستوب افضل الف مره من التبريد

أنا مع رأى الأخ محمد سلمان بعد العديد من التجارب

نسيت أقول صفة من صفقات التبريد الناجح ايضا :
لا تبرد إلا فى الأزواج المعروفة انها متذبذبة (طالع نازل) .. أزواج الترند زى الكندى وازواج الين ومراحل طويلة من شارت الفرانك لا تقوم بالتبريد الا مع الترند او فى حالة الفرانك برد عكس الترند بس باعدادات كبيرة جدا بيع عند RSI 100 عند 65 أو 70 على فريم الأربع ساعات .. مثلا .
أهم شىء : ازواج الترند لا تراهن على انعكاسها الا فى مواضع محددة جدا .

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

السلام عليكم اخى الكريم
الشكر والتقدير لك على هذا الموضوع
مناقشة التبريد هل مفيد العمل بيه او لا
انا معك فى ان العمل معه مفيد جدا فى بعض الازواج
وفى بعض الاوقات
بس هذا يكون صعب جدا فى هذا السوق
انا بحب العمل بطريقة التبريد
بس فى اوقات تجد التبريد سبب فى خسارة الحساب كله
من الاخر
التبريد سلاح ذو حدين مفيد لك ومضر لك
تحياتى لك

علشان كده أستاذ سمير لو كل واحد ركز تفكيره فى الوصول لإستراتيجيه أرباحها تكون اكثر من خسائرها بدون تبريد أو مضاعفات ممكن يصل الى نتيجه أفضل

السلام عليكم اخى الكريم
كلامك صح مية فى المية
بس المشكلة ان السوق ليس له راس او رجل
لو قلت هذا راس تجده اصبح رجل والعكس صحيح
وكمان ممكن تجد الراس راس والرجل رجل
وهذه هى المشكلة
المعروف ان ناتج الجمع 1+1= 2
بس فى السوق الناتج ممكن =2 او =20
طبعا من يتاجر يعرف ذلك جيدا
تحياتى لك

هههههههههههههه الله يسعدك يارب والله كلامك صحيح 100%
العمليه كلها احتمالات اذا وصل هنا وكسر ذا يرتفع وايضا غير مضمون وايضا اغلب الاوقات يغدر فيك

لاكن مع الاحتمالات فيه طرق ارباحها اكثر من خسارتها
من الطرق هي
العرض والطلب على 4 ساعات يجب رسمها يدوي مالها مؤشر
الطريقه الثانيه الدخول مع اتجاه الترند في حاله التصحيح فقط
ممكن نستخدم مؤشر الهاي واللو اليومي الاسبوعي والشهري
كلما كبر كان اقوى انا اللان اعمل بها ربحها طيب اذا لتزمب بها
الهدف ضعف الاستوب والاستوب اغلاق 4 ساعات فوق الهاي او اللو خصوصا على الاسبوعي والشهري
واذا ضرب استوب ندخل عكس الصفقه بعد الكسر