السلام عليكم
فى البداية احب اشكر كل الاعضاء النشطين فى المنتدى واللى بيحاولوا يساعدوا الناس فعلا و يرشدوهم للطريق الصحيح
طبعا انا خبرتى قليلة بعالم الفوركس و بصراحة حساباتى من خسارة لخسارة يعنى الحمد لله
فكرت انى اعمل توصيات تبقى على الديمو بس
يعنى محدش يشتغل عليها على الحقيقى الا لو على مسئوليته هو شخصيا (انا ممرجن كذا مرة على فكرة فمتسمعش كلامى)
الهدف فعلا انى اقدر اتواصل مع الناس و نتكلم عن الصفقات الكسبانة والخسرانة
فى نقطة صغيرة بس رغم المرجن المتكرر و ال ا ديمو
ان التوصيات ان شاء الله حتكون كويسة و حيساعدنى صديق ليا هنا فى المنتدى و هو حيتابع معاكم فى الاوقات اللى انا مش موجود فيها
حنتفق من الاول ان اى فرصة حتكون بعقدين
واحد الاستوب زى الربح
و التانى حيكون هدف 100 نقطة و الاستوب زى عدد نقاط الصفقة اللى حكتبها
يعنى مثلا بيع اليورو دولار من كذا (او فى لحظتها) عدد نقط 30 نقطة
يبقى حفتح عقدين عقد استوب = ربح = 30 نقطة
و عقد ربح = 100 نقطة و استوب = 30
ربنا يسهل للجميع ان شاء الله
و مستنى مشاركتكم و ردودكم على الصفقات