رد: اسماء الاعضاء الى معانا يوم الجمعه فى كايرو :)
اقتباس:
المشاركة الأصلية كتبت بواسطة orvant
اه انت قصدك انك بعتلى رساله عشان تحضر الدوره فى نفس يوم الدوره او الليله الى قبلها والى انا اصلا بقالى شهرين بنادى على الناس عشان يحضرو والى انا اصلا كنت برا طول اليوم عشان بستقبل ابوجواد فى المطار وكنت معاه عشان نشوف فندق مناسب وكان بقالى يومين منمتش فلما رجعت بيتنا نمت ساعتين عشان اصحى يا دوب على وقت الدوره والحق اروح هناك قبل الناس واقعد معاهم لحد اما ابوجواد يجى ولو فى اى مشاكل فى الفندق نخلصها اول باول عشان القاعه تبقى جاهزه
معلش يا باشا انا اسف على التقصير
مكنتش اعرف انك حضرتك قاعد على الجهاز وهترد بعد دقيقه لكن لازم تعرف انى ممكن اكون نازل من البيت على طول بعد الرد على الناس او فاتح من اللاب فى الشارع ارد على الناس واقفل على طول وعموما انا كاتب رقمى الساعه 9 ونص الدوره بدأت الساعه 1 ونص او 2 يعنى كان معاك اربع ساعات كان ممكن تكلمنى فيهم وتيجى ده انت لو جاى من السعوديه كنت هتلحق
بالتوفيق يا باشا
حصل خير يا استاذ اورفنت
بس معلومة بسيطة انا كتبت قبليها بيومين اول مالقيت الموضوع
انا كنت بقالى فترة مش متابع فوركس لكن لما رحت المتداول العربى و لقيت ابو جواد بطل يدخل هناك عملت بحث و لقيتكم هنا و لقيت الاكاديمية فا سجلت و كتبت رقم تليفونى لكن لقيت ناس بتتصل بيا فكرانى المنسق فا طلبت انهم يشيلوا رقم تليفونى لكنهم شالوا المشاركة كلها و لما لاقيتك بتقول اللى عايز يجى يقولى بسرعة فا رديت عليك على طول على امل انك تدينى تأكيد انى هاجى
بس كده
عامة مفيش اى مشاكل انا بس كان نفسى احضر و اتعرف عليكم و استفيد من خبرات ابو جواد
بس خيرها فى غيرها و اتمنى متكونش زعلان منى و ربنا يوفقك و تعملنا دورات تانية و تكون افضل من الاولانية