ورشة المحللون المتحدون ورحلة المليون $$$

همسة صغيرة يا ايمن علشان محدش يمسك علينا غلطة من بتوع اللغة العربية الفصحي
ههههههههههههه
غير الاسم او ابعت للادارة علشان يتغير يبقي ورشة المحللين المتحدين لا المحللين هتبقي مضاف اليه
ههههههههههههه
افتكروا يا جماعة الجمايل دي و ليا 50 بيب من الدكتور اسامة

بالتوفيق ان شاء الله و اسبوع اول للورشة موفق باذن الله

التوقيع

اسكالبينج سوينج

ادعو الله سبحانه وتعالى بالتوفيق لهذا الصرح العظيم ولقد ناديت كثيرا بهذا الملتقى وقلت ان الاتحاد قوه وان لنا هدف واحد وكم من المرات طلبت ذللك واخرهم فى موضوع الاستاذ والتلميذ وقلت نحن نحارب من اجل هدف واحد طلعلى واحد وقال انا جاهز بالسلاح عموما ارجو التوفيق لكم ولى

اقتباس:

المشاركة الأصلية كتبت بواسطة ايمن البورسعيدى

يا درش الناس عارفة نفسها وبعدين فيه ناس تحليلها جيد ودخلوا المسابقة متأخر ومش هانقدر نمنعهم من المشاركة وماتسوقش التجنيد علينا بكرة تروح ويظبطوك



اهو شفت ياعم درش نقول لمحمد ايه ؟ اخرج بره؟ اذا كان انا بحب اقرأ تحليله بالكامل وشايف انه متحمس وهايبقى دينامو الورشة



هيثم باشا سخن عضلاتك الفوركسية واستعد لان الورشة هاتكون زى الجزارة هانقطع الشارت ... جهز الساطور الفوركسى



ممنوع دخول الورشة لغير المحللين ... ولا أقولك ممنوع دخول ولاد ابو اسماعيل
رد انت بقى ياعم درش نقول ايه لمستر سامى؟
طبعا يا جماعه عم سامى ده من الشخصيات المحترمة جدا فوق الوصف وعلامات الرجولة تظهر فعلا فى الشخص من مواقفه كما علمنى السوق ... وانا هازعل منه جدا وهايبقالى حق عرب عنده لو فوت صفقة ماقالش رأيه فيها

وفى انتظار ابيه نادر لانه بصراحة من الناس اللى بتعجبنى جدا دقته فى التحليل ... وباقى المحللين والله الموفق

ياأيمن بيه انت فاهم غلط خاالص
انا نفسي الناس كلها تشارك التحليل ( وخصوصا ال 19 واحد اللي اشتركوا في المسابقة ) بس انا بقول ان يتم وضع اسماء الناس في مقدمة الموضوع لان ليهم الفضل الاول .
وانا لما قلت قلت المحللين الاساسين ... يعني مش الوحيدين ؟؟؟
وهيبقي ليهم هما الاولوية طبعا .
وانا موافق علي اقتراحك واقتراح محمد بشأن ازواج معينة .. ونحاول نعرف كل يوم الاتجاه للعملات المعينة .. اللي هتبقي غالبا العملات الرئيسية اللي اقترحها محمد .
همسة .. معاكوا ليوم الثلاثاء ( والله يديم الكوسة في مصر ) .

التوقيع

الله الله الله عليكم بجد

فكرة عبقرية الصراحة

وإن شاء الله ربنا معاكم للنهاية

وسدد الله خطاكم ونفعكم ونفع بكم

........

متابع جديد !!

التوقيع

" ضاقت فلما استحكمت حلقاتها فرجت وكنت أظنها لا تفرج "

..**.. إفعل دائماً ما يمليه عليك ضميرك ..**..

---= لا تنتظر شكراً من أحد على عمل عملته .. ولكن يكفيك أن تكون راضٍ عن نفسك =---

[عذراً, فقط الأعضاء يمكنهم مشاهدة الروابط ]

كوسة .... كوسة ...... كوسة ..... يحيا القرع

أنا جييت ... الحمد لله وصلت ... أن شاء الله ورشة مباركة على الجميع ... والناس اللى كانت بتتأخر فى حل أسئلة المسابقة تنزل بتقلها بقى ...

أحمد : أيه ياعم فين الأفكار ( بص لو الهمزة مظهرتش فى كلامى أبقى حطها من عندك عشان الزرار ساعات يعلق وأنا بأكتب بسرعة - وفية مقولة فى دراسات الشعر بتقول أن الشاعر لايخطئ أبدا يعنى مثلا المحللون المتحدون المليون كدا أحنا قاصدينها عشان القافية وأنت كدا ظبطت الدنيا وعرفت الناس أن احنا عارفين ... بس حكم القافية بقى )

محمد 10000 : فين يا هندسة التحليل الأسبوعى وللا فى المسابقة بس كنت تحرجنا وتنط تجاوب أول واحد ....

أن شاء الله اجازة سعيدة للجميع ... والسبوع القادم أسبوع موفق أن شاء الله ..

التوقيع

بوكيه ورد
محمد باشا

بسم الله الرحمن الرحيم
السلام عليكم ورحمة الله وبركاته .. باذن الله أسبوع يكون سعيد علي الناس اللي متابعه معاه باذن الله تعالي
الزعيم EUR/USD
الزعيم ومازالت الحيرة مستمرة وضيق خناق البولينجر علي شارت اليوم وشارت مما يوحي بانفجار باذن الله قريب اتوقعه انفجار لاعلي بعد هبوط بسيط في اول الاسبوع .
الاول اليورو علي شارت الاسبوع .. بعد تكون شمعة شبه دوجي وتكون شمعة صاعدة للأسبوع الحالي اظنها تسريع قمم صاعدة أظن ان المجال للصعود فنيا متاح قدامنا كويس اوي ... في حال اختراق هاي الاسبوع السابق عند 1.4170 باذن الله تعالي هيكون اخترق ترند هابط علي شارت الاسبوع باذن الله و هيروح بينا لاهدافه ...1.4387 وبعدها باذن الله 1.4569 .


علي شارت اليوم وشموع تايهه .. فعلا شموع تايهه يوم طالع ويم نزال يوحي لينا بتعادل بين الدببة والثيران .. المهم انه اخترق ترند صاعد علي شارت اليوم واعاد اختباره وهيقابل ترند صاعد تاني علي شارت اليوم ايضا ... أأقرب ليه الهبوط التصحيحي ل 1.3990 باذن الله ومنها ارتداد لاعلي باذن الله من الترند للذهاب في المقاومات المذكورة .
اما في حال كسر الترند وكسر النقطة المذكور هيروح بينا لارقام سفلية لا اتوقعها بصراحة دلوقتي .. لو كسره هنتابع ساعتها مع بعض .



شارت الاربع ساعات بيدعم الهبوط المبدأي .. اللي يدينا دفعة للصعود باذن الله تعالي .


تم باذن الله .. الله كريم ,

التوقيع

السلام عليكم

متاخر كاعادة اعذرونا اجازة والنوم واجب
مبروك الورشة يا شباب
وعن طريقة العمل رايىء المتواضع كالتالى

1..نحدد زوجين او ثلاثة على الاكثر للعمل عليهم..اعتقد مش محتاجين اكثر من كدة واكيد كل اخ لة زوج مفضل يعمل علية بشكل اساسى

2..النظام ثم النظام بمعنى انة من يريد يشاركنا اهلا وسهلا نستفيد ونتعلم منة بشرط يسجل اسمة قبل ان نبدا على بركة الله
لانة لو ترك الموضوع بدون تحديد هتلاقى تحليلات واراء بدليل وبدون دليل من اى عضو حتى لو مسجل من يومين وبكدة هيكون فية تشتيت.
النقطة دى مهمة قوى ومحتاجة نظام
على ان يقوم الدكتور نسر بتحديد الاتجاة للزوج المتفق علية من اغلب المحللين.
مثال بسيط
عشر محللين مشتركين
7 يؤيدون صعود الكيبل
3 يؤيدون الهبوط
اذن يكون الاتجاة صعود ويلتزم بة الجميع

وليس كما قلت يا ايمن انة كل واحد يتابع صفقتة على مدار اليوم لانة الهدف ان تكون كل الاراء فى طريق واحد هو الى هيكون علية الاجماع باذن الله.


3..اذا امكن يكون فية هدف محدد زى ما هو موجود فى عنوان الموضوع..بمعنى انة يكون فية تسجيل للنتائج واذا بتحبوا نحدد رقم افتراضى كرصيد لبداية العمل.

والقرار عندكم
بالتوفيق للجميع ان شاء الله

التوقيع

خمس يطمسن خمس
الزور يطمس الحق
و المال يطمس العيوب
و التقوى تطمس هوى النفس
و المن يطمس الصدقة
و الحاجة تطمس المبادئ

السلام عليكم..
ما شاء الله ارى اجماع من الجميع على الورشة و استمرارها..
طبعا الكل مشارك و يتعلم و ليست المشاركة مقصورة على الستة الذين تم ذكرهم فى اول مشاركة لان لدينا من المضاربين الجامدين كتير زى ابراهيم و محمد 10000 و محمد فوزى و احمد و الكثيرين جدا جدا و لا اريد ان انسى ذكر احد..

اسمحوا لى ان ادلى برأيى فى التنظيم للورشة..
1- المشاركة ليست مقصورة على احد و لكنها باب مفتوح للعلم الغزير للجميع..
2-ادارة رأس المال هى الاساس.
3- ستكون غالبية صفقاتنا عبارة عن التحليل اليومى للازواج و ليست الصفقات الصغيرة.
4-نريد سهولة و يسر فى التعامل مع الازواج فلدينا الشبكة لنستفيد بها كثيرا و لدينا كل الازواج و الافكار واحدة فان وجد احد اى فرصة على زوج و كلنا اتفقنا عليها فلامانع من الدخول فيها فلن تفرق اسماء الازواج و ان كنا سنحاول ان نركز على الرئيسين لان هذا افضل بكثير.
5- الازواج ستكون اليورو دولار و الكيبل و اليورو ين و المجنون و الاوزى و الدولار فرنك.
6- يمنع نهائيا من الدخول على هذه الازواج اليورو فرنك و الباوند فرنك و و اليورو باوند و الهايبرز
7-امامنا فرصة طيبة ان كنتم تريدونها رحلة حقيقية فهناك 5 حسابات مجانية مقدمة من شركة FXDD يمكننا العمل عليها و مراجعة الصفقات على حسابات حقيقية و ممكن احد الرجال يتبرع بعداد للنقاط (لو حتكون فيها توصيات).
8- ان كان هناك رحلة الى اهداف معينة فيجب ان يكون هناك قبطان لها فولوا من تروه الاصلح.
9- نحاول ان نبعد قليلا عن المؤشرات فى التحليل.

بالتوفيق للجميع..
و انا معكم و بقوة فى الورشة..

الله كريم.,

التوقيع

..:: مواضيــــــعى ::..

إلى الأمام يا رجال


أرجو أن أستطيع المتابعة

فأشعر انني في وسط العمالقة

وأشعر أن الأمر سيكون صعباً أنا أفهم كل ما سيدار هنا

فمثلا لما الدكتور في الجامعة بيكلم طالب غير لما بيكلم دكتور زميله

ساعتها الطالب بيحس إنه مش فاهم حاجة من الاتنين

يعني برزالة ورخامة مني كالعادة

هطلب إن الكلام يبقى بسيط وسلس

والقصد من الكلام يبقى واضح في التحليل

علشان الواحد يتعلم صح

وميبقاش زي الأطرش في الزفة

أما لو الورشة للكبار فقط

فساعتها مش هقدر أتابعها للأسف


وإلى المزيد من التقدم

ومن نجاح إلى نجاح

ووصول لنهاية الرحلة في سلم وسلام

وعام مليء بالأرباح للكل بإذن الله

!!!

التوقيع

" ضاقت فلما استحكمت حلقاتها فرجت وكنت أظنها لا تفرج "

..**.. إفعل دائماً ما يمليه عليك ضميرك ..**..

---= لا تنتظر شكراً من أحد على عمل عملته .. ولكن يكفيك أن تكون راضٍ عن نفسك =---

[عذراً, فقط الأعضاء يمكنهم مشاهدة الروابط ]