المشاركة الأصلية كتبت بواسطة Mostafa Elyamny
السلام عليكم ورحمة الله وبركاته
ايه رأيكم نتكلم عن نظام يوم من ايام الرحلة ؟؟ يعني ايه ؟؟
يعني هنتخيل نفسنا هنشتغل ازاي في أي يوم من ايام الرحلة
بسم الله الرحمن الرحيم
نبدأ على بركة الله
قبل ما اتكلم عاوز اقول ان ده كلام مبدئي وان شاء الله هعمله تصميم وهنزله بإذن الله
,,,,,,,,,,,,,,,,,,,,,,,,,,,,,,,,,,,
مثلا هنتصور ان اليوم ابتدا اول فريق هيشتغل في اليوم هو
فريق الادارة والاحصاء
الجزء المختص بالادارة هيشوف ايه اخبار الفريق هل فيه اي مشاكل هل اليوم السابق كان فيه سلبيات وهكذا وكمان هيعد لليوم من أوله يعني مثلا هيشوف حجم العقد وهكذا ,,,
أما الجزء المختص بالاحصاء فهو هيقوم بترجمة اليوم السابق إلي بيانات احصائية يعني مثلا الازواج اللي اشتغلنا عليها عدد النقاط الرابحة المكسب وهكذا
وهنفتح الدكانه وهنرش على أول الصبح ونقول يا هـــــــــــــــادي
بعد كده يجي دور فريق التحليلات وكل فريق منهم هيقول تحليله لكل زوج من الازواج اللي هنشتغل عليها في الرحلة وينزلها في موضوع خاص بالتحليلات وبعد ما ينزلها
يجي دوور فريق الفرص
الجزء المختص بإيجاد الفرص هيحاول انه يشتغل من بداية اليوم ويطلع كل الفرص المتاحة حسب الاستراتيجية
هيجي بعده الجزء المختص بإنتقاء الفرص هيشوف تحليلات فريق التحليلات وهيختار انسب فرصة ممكنة علشان ندخل فيها وهيقوم بنشرها في صفحة المشروع اللي هنتفق عليها بعد كده ويتابع الفرصة لغاية لما تتقفل وكمان يكون عنده الحلول لو لاقدر الله الصفقة ضربت استوب يحاول يشوف فرصة تاني أما لو الصفقة جابت هدفها يبقى كلنا هنقفل الدكانه ونروح وده كان رسم مبدئ لليوم في الرحلة التعديلات ورادة وفي انتظار اقتراحاتكم
تحياتي
,,,,,,,,,,,,,,,,,,,,,,,,,,,,,,,,,,,,,,,,,,,,,,,