فرصة للمتابعة والملاحظة

أنا يا أخ أحمد كنت على وشك إنى أسألك على نقطة الخروج على خسارة لأنى لاحظت إنك لم تكتبها فى توصياتك. وأنا لا أعرف أنك لا تضع نقطة خروج على خسارة بصراحة فأنا حطيتها من عندى.

وبعدين أنا لم أحملك أخطائى ولا حاجه وأنا بتعلم لسه وكنت منتظر تعليقك على اللى عملته صح ولا غلط.

وبعدين سعر الشراء لحظة إغلاق الشمعة بالظبط كان 1.4801 ونزل زى ما قولت لحوالى 1.4754 يعنى الفرق بالظبط 47 نقطة وأنا قولت حوالى 50 نقطة يعنى مش بالظبط فالفرق مش كبير قوى كده.

وفى النهاية إنت دلوقتى معلمى فى هذا المجال فلما التلميذ يغلط ياريت يلاقى توجيه مش تعنيف. وثق إن ليس هدفى إنى أشوه أى عمل ليك .. إنت عملك ممتاز وتشكر عليه.

وأخيرا شكرا ليك وأسف على اللى حصل.

السلام عليكم
يا اخى انا لم اقصد اى تعنيف لا سمح الله ولا من حقى انى اوجة تعنيف ولكن اخى العزيز تصحيح لمعلوماتك التفعيل للتوصية كان كما اشار الاخ الكريم التفعيل الاول . فاغلاق شمعة الساعة 4 كان عند سعر 1.4797 وهو دة شرط تفعيل التوصية الاغلاق فوق
1.4795 حتى لو بنقطة واحد وبالتالى يصبح الدخول من الشمعة التالية والاوبن كان 1.4795 يبقى اقصى هبوط لغاية لما كنت كاتب التعليق هو 41 نقطة زى ما انا حسبت وفرق كبير بين 41 و50 يا اخى الكريم كما ان الزوج بيواجة دعم عن سعر 1.4750 اللى واقف دلوقتى امام هبوط الزوج الى اسفل وفى حالة ااستمرار اغلاقة فوق الدعم ان شاء الله هيعاود الصعود ليكمل الوصول الى الاهداف والله اعلم

وتقبل منتهى اسفى وخجلى ان ظهر كلامى بصورة انة عنيف . فانا اوكد لك انى لااقصد اى تعنيف ولا لى الحق ابدا فى اى تعنيف فما انا الا انسان احاول الاجتهاد وغير معصوم من الخطا

حصل خير يا اخ احمد عند محل الثقة انا الحمد لله كنت عامل buy من 1.4740 وحققت ربح ممتاز والي شجعني اضل هو توصيتك ولكن للاسف السوق عاكسنا في النعاية والحمد لله على كل حال ومش مشكلة يا جماعة بتتعوض بس اتوكلوا على الله وما في داعي للعصبية والتعنيف والشتم كما قام احد الاعضاء فهذا ليس من اخلاقنا كمسلمين

انا معاااااااااااااااااااك أخ احمد للنهاية والخسارة فداك يا مبدع

بعدين ما تنسوا انه تحقق اربح على باقي التوصيات ولو يا جماعة ما تكونوا طماعين البورصة ربح وخسارة

مرحبا بيك اخى لكريم
مين اللى قال ان فين لا سمح الله اى شتم لالالا ولا ممكن يحصل اى حاجة من كدة ابدا وكما ان الصفقة لسة مش خسرت ولا كسبت والسعر حتى الان والحمد لله فوق المستوى اللى انا محددة ولم ينزل حتى الان ولكن معنى كلامك اخى الكريم انك بتثبت ان الصفقة خسرت . يا جماعة هل للدرجة دة انا كلامى غير واضح او توصياتى محتاجة توضيح اكتر من كدة
انا مستنى رايكم

أنا متابع الموضوع من الصباح ومفيش اي تجاوزات من اي شخص الحمدلله واحنا كلنا مسلمين وفي ايام مباركه وكلنا أخوه والشباب هنا متعاونين والحمدلله

عندي نقطه عايز اعلق عليها وهيه مسأله موضع الخلاف وهيه الاستوب لوز , دلوقتي لو انا دخلت معاك في صفقه وطبعا وكل اللي بيتابعوك عارفين أنك شغال من غير استوب لوز .. فلو ممكن تحدد شرط للخروج من الصفقه لاني كما فرضت لو دخلت في اي صفقه لازم اكون متابع لموضوعك بشكل متواصل طول ما الصفقه مفعله ومحققتش اهدافها وده صعب طبعا اننا نفضل نتابعك بشكل مستمر ولو انت اعلنت خروجنا من الصفقه فرضا فأنا ممكن اهخرج متأخر وبخساره اكبر لقدر الله في حاله اني مكنتش موجود وقت اعلانك للخروج واغلاق الصفقه سواء على ربح أو خساره , فللتسهيل على المتابعين ياريت تحدد ان امكن شرط للخروج من الصفقه وده ليك الحريه فيه وانا مجرد رأي..

بالتوفيق أخي أحمد

لأ طبعا مفيش شتيمة ولا حاجه ولا ممكن ده يحصل كمان إحنا كلنا هنا إخوة. كل الحكاية إنى فهمت الموضوع غلط ... والأخ أحمد كان متضايق وده من حرصه على حسابات الأعضاء ومصلحتهم ... وخلاص حصل خير.

أنا مع الأخ أحمد سليمان وهى تحديد نقطة خروج على خسارة وده فى أسوأ الظروف لو حد مش متابع للموضوع ممكن يستعملها ... وطبعا ممكن تغيرها لو إنت عايز فى أى وقت بعد تحديدها الأولى. وده كمان للحماية لأن فيه أحيانا السوق بيتحرك بشكل عنيف ممكن يقفز قفزات الأخ أحمد ما يلحقش ينبهنا ليها من المنتدى. وده طبعا مجرد رأى شخصى.

السلام عليكم
اولا يشرفنى اخى احمد متابعتك لى ولكن اخى احمد انا ماشى على طريقة ولكن للاسف الطريقة دة متعبة بشكل كبير بس العائد منعها كويس والحمد لله ولما نويت ان انزل توصيات كان هدفى الاساسى هو الخروج باقل عدد نقاط خسارة والفوز باكبر عدد نقاط ربح . كما ان طريقتى بتاخد فى الاعتبار الاخبار وكما ترى حتى الان ولمدة ثلاث شمعات السعر لم يستطع النزول عن المستوى الى انا حددتة . وكما انى نبهت فى بداية توصياتى ان لو حابب تدخل معى ان تعمل بنسبة صغيرة من راس المال وكمان انا عندى استوب وهمى وبعرفة كويس ومش بتعدها لانى عندى مؤشر بيحدد افضل نقط الخروج والدخول ولو كنت اخى العزيز تابعت توصياتى الفترة الماضية كنت هتلاقى ان اكثر انعكاس كان 100 نقطة او اكتر شوية قليلة يعنى قبل اقرب دعم او مقاومة من اتجاة الدخول وان جميع نقاط دخولى قوية حتى لو لم تفعل فى نفس يوم التوصية فهى بتفعل فى اليوم التانى وان السوق يوم تفعلها بيحقق اهدافها وعندى اكتر من اثبات لكلامى وبخصوص المتابعة اعتقد ان من يرغب العمل فى سوق الفوركس علية المتابعة المستمرة للحصول على ما يريد انما يضع استوب بحجة انة مش متفرغ فدة كلام غير صحيح والكلام دة مش فى سوق الفوركس بس فى اى عمل يجب ان تتابع عملك دئما لتحصل على ما تريد انما عدم ا لتفرغ ليس فى صالح العمل. لو حضرتك سالت اى مضارب خبير هتلاقية ماشى بنفس النظام لان فى وجة نظرى فكرة الاستوب دة فكرة مش عملية لان السوق متقلب بنسبة كبيرة وممكن يبفرق نقطة او اتنين على الاستوب اللى انت محددة وتقوم ترجع تانى وتحقق الهدف واعتقد انك ليك خبرة كبيرة فى السوق واكيد شوفت حاجة زيى كدة فى عملك فاعتقد ان المتابعة المستمرة للعمل هو افضل من الاستوب بس دة مش معناة انى مثلا لا اضع استوب بعد تحقق الهدف الاول او التانى طبعا انا بعمل كدة علشان بحفظ ربحى بس ارجع واقول ان دة نظام ادارة الحساب وهو بتختلف من شخص للتانى اما بالنسبة للانعكاس اللى انت بتتكلم عنة اعتقد انة دة بيحدث فى حالة وجود خبر قوى على العملة اللى عليها التوصية وانا كما قولت سابقا اخد الاخبار بعين الاعتبار فى طريقتى
اتمنى اكون اوضحت وجة نظرى واتمنى من الكل مسامحتى لو كلامى اتفهم باسلوب شديد . يمكن دة ناتج من حرصى على الاعضاء وحسابتهم فانا مع انى لا ادير الحساب ولكن اعتبر كل من يدخل معى مسئول منى وعلشان كدة انا ببقى مضايق لما الاقى حد خسر لانة اتصرف لوحدة فانا بعتبر الخسارة دة بسببى حتى لو مش انا السبب فيها
اتمنى من الله ان يوفق الجميع

مشكور اخى انك فهمتنى و لو كان اسلوبى ظهر بشكل شديد فهو من حرصى على الحساب فانا بعتبر نفسى مسئول عن اى عضو بيدخل معى وفى حالة خسارتة تعتبر خسارة لى حتى لو التوصية حققت اهدافها اما بالنسبة للموضوع الاستوب فانا شرحت الموضوع فى ردى على الاخ احمد سليمان
ولو لاحظت اخى الكريم هتلاقى الزوج حتى الان فوق المستوى اللى انا حددتة وان شاء الله يصعد ويحقق الاهداف والله اعلم
شكرا