فقط لتواصل
بعد ماغبت عني شي سكني مدري وش هالشي!؟
؟احس الوصف ما يقدر يعبر عن اسى بُعدك
احس الليل موحش ما بقى في عتمته من ضي
واحس ان الاماني داخلي ماتت عقب هدك
اعيش بحاضري والقلب شوفه باقي بماضي
يوديه الحنين لوقت سابق كنت به عندك
بقيت ارسل رسايل واشتكي ماصار بعدك بي
ومدري لو بظل العمر كلّه انتظر ردك
انا ميت بدونك صعب اظهر اني عقبك حي
قتلني بُعدك اللي كان سيفً ذابح ابيدك
تراك انت الذي دايم تقول انك بعمري لي
كذا سهله تروح اتغيب عني تخلف ابوعدك!؟
تخليني وحيد امضي بدونك ضايع ابدربي
ومدري لو فبُعدك انت مثلي عايش لوحدك
اذا ماكنت راجع تكفى طيفك لا يمر علي
كفاني سارح وعقلي احسه جن من بعدك
بقلمي\محمود الهاشمي