ازاى اتأكد من تراخيص البروكر قبل ما اشتغل معاه

فى الفترة الاخيرة مواضيع كتيرة هنا فى المنتدى كانت بتتكلم عن شكاوى من البروكرات
وانهم مش عارف قفلوا صفقات ايه فى الحساب
او انهم فتحوا صفقات على الحساب خلت الحساب صفر و الدنيا بقت فى الباى باى
او فيه مشاكل فى السحب

طبعا عارف اول نصيحة هسمعها فى المنتدى اللى هى فتح حساب مع شركة من الشركات اللى هنا فى المنتدى تحت رعاية المنتدى
وده ممتاز جدا لانه بيدى للواحد امان و ثقة فى البروكر

طب لو انا اخدت مزايا تانية من شركات تانية غير اللى فى المنتدى
و لكن المشكلة اللى هنا انى مش واثق فى البروكر
ممكن اتأكد ازاى بقى من تراخيصهم ؟

اعتقد ان الموقع بتاعهم لواحده مش كفاية
لانهم ممكن يكتبوا اللى هم عاوزينه
وانا فاكر موضوع لاخونا فادى يونان كان بيحكى فيه عن مشكلة مع شركة ويندسور
وانهم كاتبين على موقعهم تراخيص وهمية

طب انا اتأكد ازاى من البروكر و انه مسجل فى تراخيص دولية

فياريت الاخوة اهل الخبرة الكرام يوضحوا نقطتين

1 - ايه اهم التراخيص لاى بروكر ( اللى من غيرها يبقى البروكر ده نبعد عنه فورا )
2 - اتأكد ازاى من ترخيص البروكر فعلا و انه مش شهادة مضروبة

تحياتى
و ربنا يبعد عننا شر البروكرات

التوقيع

السلام عليكم ورحمه الله
عندك حق حبيبى
وعشان تتاكد من ترخيصهم وهل هو مازال سارى ام لا
اطلب من خدمه العملاء رقم الترخيص وبياناته من اسم ورابطه الرسمى
وادخل على سايت الهيئات الرقابيه واتاكد من ذلك وده مدعوم بالهيئات الكبيره
وتابع هذه الموصوع مدعوم بالروابط الرسميه للهيئات الرقابيه المشهوره
forum.borsaat.com/t613591.html

بالتوفيق ياغالى

التوقيع

كن عظيماً ودوداً قبل أن تكون عظاماً ودوداً

بحث تسجيل الشركات وتقديم الشكاوى لل FSA

برجاء الاطلاع على الرابط

التوقيع

اقتباس:

المشاركة الأصلية كتبت بواسطة Rock

السلام عليكم ورحمه الله
عندك حق حبيبى
وعشان تتاكد من ترخيصهم وهل هو مازال سارى ام لا
اطلب من خدمه العملاء رقم الترخيص وبياناته من اسم ورابطه الرسمى
وادخل على سايت الهيئات الرقابيه واتاكد من ذلك وده مدعوم بالهيئات الكبيره
وتابع هذه الموصوع مدعوم بالروابط الرسميه للهيئات الرقابيه المشهوره
forum.borsaat.com/t613591.html

بالتوفيق ياغالى

الخبير روك نور موضوعى يا جدعااااااااااااااااااان

اشكرك لاهتمامك
و جارى البحث للتأكد من تراخيص الشركة

التوقيع

اقتباس:

المشاركة الأصلية كتبت بواسطة ريان.

بحث تسجيل الشركات وتقديم الشكاوى لل FSA

برجاء الاطلاع على الرابط

ريان باشا
نورت المحكمة

اشكرك يا صديقى
ان كنت تقبل صداقتى فهى شرف لى

تحياتى

التوقيع

اقتباس:

المشاركة الأصلية كتبت بواسطة ahmed1710

ريان باشا
نورت المحكمة

اشكرك يا صديقى
ان كنت تقبل صداقتى فهى شرف لى

تحياتى

عملتلك طلب صداقه الان
وده شرف ليا حضرتك والله

التوقيع

بص يا صاحبى انا هقول لك رايى المتواضع

اخر حاجه تفكر فيها هى التراخيص لان الترخيص لن يمنع الشركه ابدا من اى مضايقه او نصب قد تسببها لك و احنا عمرنا ما شوفنا هيئه رقابيه عوضت مستخدم او عميل اتنصب عليه

و احنا شوفنا شركات كتير قوى واخده تراخيص من كل مكان فى الدنيا و مع كده نتسرق العملاء علنى و عينى عينك

لو عايز تعرف شركه صح اسال عليها بين المشتركين و اللى جربوها فى المنتديات المختلفه

اقتباس:

المشاركة الأصلية كتبت بواسطة Star-FX

بص يا صاحبى انا هقول لك رايى المتواضع

اخر حاجه تفكر فيها هى التراخيص لان الترخيص لن يمنع الشركه ابدا من اى مضايقه او نصب قد تسببها لك و احنا عمرنا ما شوفنا هيئه رقابيه عوضت مستخدم او عميل اتنصب عليه

و احنا شوفنا شركات كتير قوى واخده تراخيص من كل مكان فى الدنيا و مع كده نتسرق العملاء علنى و عينى عينك

لو عايز تعرف شركه صح اسال عليها بين المشتركين و اللى جربوها فى المنتديات المختلفه

نهاااااااااااااااااار ابيااااااااااااااااااض !!

امال ايه لازمة كل الهيصة دى ؟

ع العموم اقولك انا : حد يعرف شركة forextime ؟
و اختصارهم هو fxtm

و هنيالك يا فاعل الخير و الثواب

التوقيع

لما ما لقيتش الموضوع فى منتدى العملات العام قلبى وقع فى رجلى
وقلت موضوعى راح فين ؟!!!
الادارة حذفته ولا ايه ؟!!

لكن الحمد لله ربنا سلم

اتمنى الاقى هنا اجابة لسؤالى فى رأس الموضوع

تحياتى

التوقيع

الحذر من الشركات النصابة .. تقدر تتأكد من التراخيص من المكان المرخصين منه بالأساس
توجه لهم برسالة او ببحث بموقعهم