شكر واجب

أولا الموضوع ده كان نفسي أكتبه من زمان بس مكنتش لاقي فرصة علشان أكتبه
بس الحمد لله الفرصة جااات بعد ماكسبت في المسابقة وخدت المركز الأول

أنا لغاية شهر 10 2015 مكنتش أعرف المنتدي ولا كنت بدخل عليه ولا أي حاجة من ديه
المهم أحد أصدقائي وأعتقد معظم الناس هنا عرفاه هو كان سبب إني أدخل المنتدي ده واعمل موضوعي الأول فيه وبصراحة شجعني إني أدخل المسابقة بتاعة شهر 6 اللي فات
واللي إنتوا متعرفهوش بقي إن هو معلمي انا اول مرة اتمرجنت لجأت ليه هو وقولتله انا اتمرجنت قالي ولا يهمك انا معاك وهعلمك
وفعلا بدأ معايا انا ومجموعة من الأصدقاء وكان كل يوم يعملنا وبينار ويشرحلنا العرض والطلب وشرحلنا الفيبوناتشي وشرحلنا الدايفرجنس وشرحلنا حااااجات كتير أوي كنت أول مرة أسمع عنها
بصرراحة مكنش بيزهق أهم حاجة عنده إننا نشتغل صح كان بيزعق معايا كتير وكان بيستفزني أكتر علشان أبقي كويس
وكان اللي مش فاهم حاجة بيعيدهالوا مرة و2 و 10 لغاية لما تثبت في دماغه ويطبقها صح
كنا بندخل مع بعض صفقات لايف كان بيوجهنا لكل حاجة صح
عمره ماقال لحد انا زهقت او انا تعبت مكنش بيبخل علي حد بمعلومة
والحمد لله الحمد لله الحمد لله
معظم الناس اللي طلعت من تحت إيده دلوقتي شغالين علي حسابات الله أكبر والحمد لله نسبة الأرباح المميزة وممكن زيادة كمان
فاللي بيزرع حاجة صح وبجد بتأتي بثمارها بعد كده
والحمد لله أنا في المسابقة اللي قبل ديه خدت مركز ثالث
وفي المسابقة ديه خدت مركز اول وكله بفضل الله ومجهودي وبفضل الراجل اللي علمني
#ومن_علمني_حرفا_صرت_له_عبدا
طبعا كله منتظر يعرف مين هو الراجل اللي مفيش منه كتير ده
الراجل ده هو mahmoud elsayd صاحب ورشة فوركسندرنيا
http://forum.borsaat.com/members/631954.html
بجد الراجل ده يستحق كل الشكر والتقدير والإحترام
#شكرا_ياحوده ������

التوقيع

ورشة شارتات فوركسية بطريقة إحترافية
http://forum.borsaat.com/t1048450.html

السلام عليكم ورحمة الله
لايشكر الله من لا يشكر الناس
اولا الف مبروك ليك الجايزة
انا مريت سريعا على موضوعك بعد الفوز ولقيته ما شاء الله ولا اروع ..
هذا الموضوع لفتة طيبة منك تدل على طيب اصلك
بارك الله لك ارباحك وعلمك
وبارك الله في من علمك
اتمنى لك التوفيق دائما
دمت طيبا
تقبلى مروري .. واحترامي

التوقيع

وعليكم السلام ورحمة الله أ/أحمد
الله يبارك في حضرتك ربنا يكرمك
وشرفتني والله بمرورك علي ورشتي والحمد لله إنها نالت إعجاب حضرتك وده بيزدني شرف والله
وبجد مش عارف أقول لحضرتك إيه علي كلامك ده
ربنا يكرمك ويباركلك
وربنا يوفقنا جميعا لما فيه خير بإذن الله

الف مبروك استاذ احمد

و كل التقدير لك على هذا الموضوع

و الاستاذ محمود كلنا تعلمنا منه ( و ان كان بشكل غير مباشر )

فشكرا لك و للاستاذ محمود و لكل من تفضل علينا بالشرح و التعليم

الله يبارك في حضرتك ا/ mesry
ربنا يكرمك شكرا جدا لحضرتك

الله يبارك في حضرتك أ/Soka
وشكرا جدا علي الكلام الجميل ده ربنا يكرمك <3
إن شاء الله ممكن علي الإسبوع الجاي اسافرله واوصله سلام حضرتك
وهخليه يدخل علي المنتدي علشان يشوف الموضوع ده كمان
شكرا لحضرتك ^_^

أولاً ألف مبروك على الجايزة
تستاهلها بجدارة وأنا بجد بجد بجد فرحت لك أوى وفرحت إن إنت إتغيرت عن زمان وبقيت عارف دلوقت وفهمت السوق صح
وإن شاء الله من تقدم لتقدم
وإنت دلوقت ماشى على نفس مسيرتى ، أنا برضه فى أول مسابقة كسبت المركز الثالث ، وتانى مسابقة كنت المركز الأول
إنت إبن حلال يا أحمد وتستاهل كل خير ، وبإذن الله أزوركم فى القاهرة قريب

التوقيع

تمبلد الورشه الرسمى
http://forum.borsaat.com/uploaded/6...1446462606.rar

حبيب قلبي ياحوده الله يبارك فيك 😍😍
ربنا يخليك ياصديقي
وشرف ليه طبعا إني أكون زيك
تنور القاهرة كلها ياصديقي 😍😍