مهزله الوسطاء

ياجماعه انا حبيت اعمل سحب لمبلغ صغير وكذا وسيط يطلب منى طلب غريب جدا هو يقولك ممكن تصورلى حسابك وتصورلى الهيستورى عشان اعرف مصدر الاموال ؟؟
ولما بسال الوسيط اقوله ايه السبب يقولى من غير سبب المفروض يعنى ان محدش يدخل يخترق خصوصيه حسابك من غير وجه حق وكمان معندهوش سبب هيا رخامه وخلاص بجد لازم حل لموضوع الوسطاء ده

السلام عليكم
هلا اخى هيثم

اللى بيقولك من غير سبب ده يبقى بعتذر مش بيفهم وحافظ مش فاهم زي ما بنقول
الخطوة دي مهمه عشان الناس اللى بتسرق حسابات - بيتعامل مع صالات القمار - واللى بيسرق بيانات الفيزا - واللى بيحول من افراد بحساباتهم المتلاعبه بأى شكل من الاشكال لشخص اخر للتمويه وتيجي نتلر تقفل الحساب فقد يتعرض حساب الوسيط ده كمان للوقف والحظر لانه استلم من هذا الشخص اموال ويعتبر يشاركه فى ( جميع ما سبق )
لذلك تلاقى وسطاء يقولك سحب نتلر او سكريل شركات الا لو ضامن الشخص اللى بيتعامل معاه ....

والله اعلم ...

التوقيع

كن عظيماً ودوداً قبل أن تكون عظاماً ودوداً

تمام بصراحه سياسه البنكين سيئه جدا وكل شويه يطلبو تفعيلات لكن الوسيط حتى مقاليش على الاسباب دى وانا افتكرت من باب التدخل وانه يتشرط عليك عشان يعملك تحويل على العموم مشكور اخى روك ع التوضيح

انا اتفق مع اخي روك
الموضوع له سبب ويمكن اللي بيقولك من غير سبب عايز يوفر على نفسه شرح وخلافه
الموضوع بسيط، هو عايز يعرف حركة الحساب عشان يضمن ان الفلوس مصدرها مش سرقة أو اي شئ غير شرعي ودا حقهم..

تحياتي

التوقيع

حلم المليون

المشكلة ليست فى الوسطاء ...غالباً الوسطاء مش بيطلبوا الطلب ده الا فى حالة نتلر وسكريل وده لأن البنكين دول بالذات من أكثر البنوك المتعسفة والمتشددة مع اصحاب الحسابات وممكن يغلقوا الحساب بشكل اعمى ثم يطلبوا طلبات غريبة وده اللى انا ذكرته سابقاً فى هذا الموضوع http://forum.borsaat.com/t1073234-2.htmll
وكنت حذرت من التعامل مع نتلر او سكريل ولكن مع الأسف لا أحد يريد ان يسمع
الوسطاء يريدون حماية حساباتهم من الاغلاق العشوائى الذى يمارسه نتلر وسكريل على الحسابات..وهذا الكلام ليس فقط عند الوسطاء العرب بل فى كل مواقع ال exchange الأجنبية سيطلبون منك صورة من داخل حسابك وأحياناً صورة بطاقتك نفسها فكما ترى التعامل مع نتلر وسكريل يتم بحذر شديد من كثير من المواقع والوسطاء...لذلك مرة أخرى نصيحتى للجميع بأن لا أحد يضيع وقته مع نتلر أو سكريل وأريحوا انفسكم من صداعهم.

التوقيع

وبالنسبة للناس الذين يحاولون تبرير هذه الأفعال بأنها لتأمين الحسابات ولصالح العميل
لماذا لا نسأل انفسنا سؤال مهم هم ..لماذا كل هذه الأشياء لا تحدث الا مع نتلر وسكريل بالذات؟؟
الاجابة ببساطة هى لأن نتلر وسكريل معروفين بأنهم يتعاملون مع أسوأ بيئة تعاملات مالية فى النت وهى مواقع القمار والبوكر واللوتارى مما يسمح لاحتمالية وجود ثغرات وعمليات مشبوهة.. أضف لذلك أنه توجد بنوك كبرى عملاقة لا يحدث معها هذه الأشياء ولا تزعج عملائها باغلاق حساباتهم المتكرر لطلب وثائق وخلافه.. ومع ذلك فهى لديها انظمة فى قمة الأمان والقوة وتتعامل مع أكبر المواقع المعروفة..

اذاً فحتى فى حالة افترضنا حسن النية لديهم فالمشكلة هى مع سيستم نتلر وسكريل نفسه وأنظمتها الأمنية الفاشلة التى يحاولون تحسينها على حساب عملائهم وازعاجهم كل فترة..فهم ببساطة يريدونك انت ان تدفع ثمن أنظمتهم الفاشلة من وقتك ومجهودك.

التوقيع

انا سمعت ان التحويل من سكريل او نتلر الى البنوك فى مصر معطل

بس فى عضو ذكر فى موقع اخر قال ان ممكن تفتح فى بنك القاهرة حساب توفير

باليورو وبيبدا الحساب من 10 يورو وممكن تسحب عالية من البنك الالكترونى

ما صحة هذا الكلام للخبراء

اقتباس:

المشاركة الأصلية كتبت بواسطة amr-fx

انا سمعت ان التحويل من سكريل او نتلر الى البنوك فى مصر معطل

بس فى عضو ذكر فى موقع اخر قال ان ممكن تفتح فى بنك القاهرة حساب توفير

باليورو وبيبدا الحساب من 10 يورو وممكن تسحب عالية من البنك الالكترونى

ما صحة هذا الكلام للخبراء

تواصل مع دعمهم الفني الممتاز ستجد الرد خلال وقت قصير بإذن الله

تحياتي

التوقيع

حلم المليون

اقتباس:

المشاركة الأصلية كتبت بواسطة amr-fx

انا سمعت ان التحويل من سكريل او نتلر الى البنوك فى مصر معطل

بس فى عضو ذكر فى موقع اخر قال ان ممكن تفتح فى بنك القاهرة حساب توفير

باليورو وبيبدا الحساب من 10 يورو وممكن تسحب عالية من البنك الالكترونى

ما صحة هذا الكلام للخبراء

بالنسبة لنتلر لم يشتكى احد انه قابله مشكله فى التحويل منه الى مصر كحوالة بنكية
بالنسبة لسكريل السحب لمصر باليورو وتم اخطار جميع العملاء بذلك .

التوقيع

كن عظيماً ودوداً قبل أن تكون عظاماً ودوداً

ياجماعه بعد موريت للوسيط مصدر الاموال كان تحويل منه هو شخصيا رفض برده اتمام السحب وقالى لازم الهيستورى بتاع حسابك كله هل انتم شايفين الطلب ده عادى؟ مع ان المبلغ المطلوب تحويله صغير امال لو بحول مبلغ كبير هيعمل فيا ايه؟