11 فبراير 2011
دى بداية الطريق لبناء واصلاح مصر لنلحق بركب الدول المتقدمة بل واكثر من ذلك ان نكون الاقوى والاكثر تقدم وانى لا ابالغ ، لقد رايتم ماذا فعلتم على مدار 17 يوم علما انى لم اشارك فى اى مظاهره ولكن حان الان الوقت لكى اشارك فى بناء مصر الحديثة المتقدمة ..
مصر الان على اول طريق التقدم .. ولن تتحرك الا بسواعد وافكار ابناءها ورجالها وبناتها وشبابها وخبره شيوخها
واول خطوات الاصلاح هى التخطيط وتقديم الاقتراحات والافكار والاحلام والتعرف على المشاكل الحالية فى جميع المجالات وتقديم حلول لها واختيار افضل الحلول ..
فحان الوقت لكى يشارك كل مصرى فى الاصلاح بصوته وفكره وقلبه وروحه ..
قول رايك واقتراحك وحلمك اللى بتحلموا لحياتك واولادك ولمستقبل مصر بلدنا قول وعبر وهنتناقش ونحاول نوصل لافضل الحلول وهنعمل كل اللى علينا عشان نوصل هذه الاقتراحات والحلول لاكبر السلطات فى الدولة ..
قول رايك فى المشاكل الحالية فى جميع المجالات وقول حلمك مهما كان صغير هنحترمه لاننا كلنا واحد كلنا فى مركب واحده ..
واتمنى التفاعل والتواصل من كل المصريين اللى معانا لان ده الوقت اللى لازم نبنى فيه بلدنا .. العالم كلوا مستنى يشوف المصريين هيعملوا ايه بعد الثورة دى ودى اول خطوه عشان نثبت جدارتنا وقوتنا واننا شعب متحضر وايضا ان نثبت اننا "الشعب الذى لا يقهر" من ايام دخول الهكسوس مصر من 7000 سنة حتى 11 فيراير 2011
ودى فقط البداية ..
والله المستعان والموفق
التوقيع
قسم الاقتصاد والتجارة الخارجية
كلية التجارة وادارة الاعمال
جامعة حلوان
"" وَقُل رَّبِّ زِدْنِي عِلْمًا ""