السلام عليكم ورحمة الله وبركاته
ازيكم يا شباب اتمنى من الله يكون الجميع بخير
انا مش عايز اطول كتير فى مقدمات مالهاش لازمه
انا بس كنت طالب طلب صغير من كبار وعمالقة منتدى بورصات
والمشرفين النشطاء اللى فى المنتدى ... بجد المبتدئين محتاجينكم
محتاجين ورشه للأخذ بيد كل مبتدئ لانه سواء كان قارئ عن الفوركس
او واخد فيه كورس بمجرد الاحتكاك بالسوق واللى شغالين فيه
بيضيع ودماغه بتتوه وسط زحمة المؤشرات والعملات والاخبار
وما بيبقاش عارف يبدء منين ولا ازاى وبيحبط جدااااااااا وبيحس انه ولا استفاد
اى شئ من اللى قراه او من اللى اتعلمه ... ياريت بجد تكون ورشه بسيطه
تبدء من الزيرو ليفل ... مش عايزين توصيات ولكن عايزين تواصل
بين الخبراء والمبتدئين ... يكون مثلا معلومات ومصاحب ليها تطبيق عملى فى كام صفقه
ويومين الاجازه بتاعت السوق يكون مخصص للأسئله عن اى شئ
مش مفهوم فى اى معلومه من المعلومات اللى اتقالت على مدار الاسبوع
بجد اتمنى من الاداره تهتم بالموضوع ده وتوكل المهمه لاحد المشرفين او لاحد الاعضاء
الموثوق فى خبرتهم ونجاحهم فى المجال ... عشان مش نتشتت مع اكتر من حد
الموضوع كله مش اكتر من اربع ساعات فى اليوم مثلا ساعتين للمعلومات
والشرح والساعتين التانين للتطبيق العملى مع متابعين الورشه
هيكون فى تفاعل بينا وفى نفس الوقت التطبيق العملى هيخلينا نتعلم
اسرع واسهل ونكون فاهمين احنا بنعمل ايه وناخد الجرأه فى فتح الصفقات
انا عارف ان المنتدى مليان مواضيع تعليميه لكن بصراحه انا كمبتدئ
كل المواضيع ده وورش العمل اعتقد انها لا تخاطب المبتدئ
وانا كمبتدئ كنت بخش فيها بتوه اكتر وبتعقد وابتعدت عن الفوركس تماما
فتره يمكن فوق الــ 7 شهور ولكن مازالت قناعتى
ان الفوركس ممتع جدا ومربع جدا للى بيتعلمه صح ويحترفه صح
بجد اتمنى ان اجد من يضم صوته لصوتى ويكون عنده الرغبه فى التعلم
ببساطه وبسهوله وبالتطبيق العملى بدون تعقيد
واتمنى من الاداره الاهتمام واسف لو الموضوع مش فى مكانه