السلام عليكم
عندنا اكثر من فريم لكن البعض منا يعتمد على فريم معين ويهمل الباقي بمؤشر او استراتيجيه يستخدمها واليوم بوضح لكم شغله يمكن مالاحظها البعض وممكن المتداول يستفيد منها اذا اتقن العمليه ..
هذي صوره لفريم ال5 دقايق لاحظوا الاختراق للاسفل للدائره الاولى يسار واستمرت خطوط الموفينج هبوط والدائره الثانيه يمين تم الاختراق من الاسفل للاعلى يعطينا اشاره بأتجاه العمله صعود ..
التاليه صوره لفريم الربع ساعه
لاحظوا يااخوان انه صار الاختراق بفريم ال 5 دقايق الساعه 5:30 واستمر في الهبوط وبعدها اخترقت خطوط الموفينج بالربع ساعه للاسفل ..
بعدها ارتدت خطوط الموفينج للاعلى بفريم ال5 دقايق وصار الاختراق من الاسفل للاعلى وبعدها لحقتها خطوط الموفينج بفريم الربع الساعه للاعلى ..
الفكره يااخوان انه الفريم الاصغر يسحب الفريم الاكبر منه واللي يعتمد على فريم معين ينتظر فيه اختراق او اي استراتيجيه يقدر يسبق الزمن بالفريم نفسه ويرجع للفريم الاصغر لكي يعرف الاتجاه او هل يصبح الاختراق ام لا ..
ممكن يصير اختراق بفريم ال5 دقايق مثلا قبل لايخترق الفريم الربع ساعه فبهذي الطريقه يجب التوخي ومراقبه الفريم الاصغر واذا ارتد واخترق عكس قبل لايصير الاختراق بالفريم الاكبر منه تخرج من الصفقه لانه الاتجاه تغير للعمله ..
الفريمات من الاصغر للاكبر هي عباره عن صوره اوليه للاتجاه تقدر تستفيد منها اذا اتقنتها وتقدر تستخرج منها كم راح ينزل نقطه او يصعد نقطه ..
الفريمات الصغيره او الاصغر من الفريم اللي تستخدمه فيه فائده انك تعرف متى تخرج من الصفقه اذا اخترقت الخطوط عكس وتعرف انه الاتجاه سوف يعكس ..
الاتجاه الحقيقي للعمله يظهر اولا بفريم الدقيقه ثم الاكبر منه وهكذا ..
دمتم بخير