تاريخ التسجيل: Aug 2011
الدولة: سوريا / أبوظبي/ فرانكفورت
المشاركات: 1,362
خبرة السوق: اكثر من 10 سنوات
معدل تقييم المستوى:
14
رد: احكى عن بدايتك فى الفوركس ...
السلام عليكم
بعام 2009 كنت عم دور على مشروع صغير حتى حسن و ضعي مع وظيفتي كان عندي مبلغ قريب 40 الف دولار
كنت عم اسال و استفسر كل المشاريع كانت محتاجة مبالغ اكبر من هيك
بعدها قلت مالي غير عمي جوجل دور فيه على مشاريع تكون مدروسة هههه
الصراحة ماحصلت شي بينفع لهذا المبلغ
بعدها صرت دور بجوجل عن عمل اضافي بالبيت يعني بعد الدوام برجع عالبيت و بشتغل احسن ماقضها لهو لهق بذكر الجملة يلي حطيتها بمحرك البحث خخخخخخخخ من خليها سر
فطلعلي موضوع الفوريكس و موضوع اضغط على الاعلانات و بتربح 1 سنت على كل اعلان ههههه
اول شي جربت تبع الاعلانات لابده راس مال ولا بده شي فقط اضغط و اربح شي مغري ولكن شغلة فاضية
قمت فتحت على موضوع الفوريكس ( اودع 5000 و 500 بونص و من هالعلاك الفاضي )
فتحت احد المواقع و سجلت فيه قام رن الجوال الو مين معاك مدير حسابك ( اهلا وسهلا بمدير حسابي خير ) هههههه
والله علمني كيف نزل المنصة و كيف افتح صفقات و سكرهم بعدها قلتله انا مشغول احكي معي بعدين
الصراحة افتح المنصة و سكرها حس حالي مثل المهبول ماني عارف شيء بالمرة اضوية حمر و بعدها خضر و عواميد طالعة و عواميد نازلة وارقام بتتحرك شيء مش طبيعي ههههههههه
بعدها ياشباب قلت خليني شوف كيف بدي افتح صفقة مثل ماعلمني حبيبي ابوعلي ( مدير حسابي ) الله يجزيه الخير صار اكثر من صديق صار اخ ولله الحمد
فتحت صفقة على الذهب ( بدي صير تاجر دهب : على قولت جورج وسوف الذهب ياحبيبي بضله ذهب )
فتحت صفقة و بللشت تخضر و تربح تخضر و تربح لحتى ربحت اكثر من 1500 دولار قلت لحالي حج يامحمد ( ولي كشفتلكن عن اسمي الحقيقي يالله مو مشكلة )
قلت لحالي حاج يامحمد عم تضيع وقتك روح افتح حساب حقيقي هاي ماشاء الله باقل من نصف ساعة تقريبا 1500 دولار
بعتت ايميل لابوعلي قلتله اتصل بي
والله الرجال ماطول و اتصل فيني قلتله كيف بدي اودع فضحك قلي اشتغل على الحساب التجريبي مو اقل من شهر قلت لحالي ولي شهر بروح على حالي الاف الدولارات
قلتله بودع الفلوس بس بشتغل على التجريبي قلي لسى ماشرحتلك شي كيف بدك تشتغل هههههههخخخخخخخخخخ
قلتله ماشي بكرى احكي معي الساعة كذا انا بكون فاضي قلي رح ابعتلك ملفات و كتب اقراهم
المهم ياجماعة بعد تقريبا 15 يوم اودعت الفلوس و صرت فكر اترك شغلي و اتفرغ لتجارت الذهب و الفضة و الاحجار الكريمة هههههههههه
اول ايداع 5000 دولار خلال 4 ايام صار 7300 على تجارت الفضة فقط
بعدها حكى معي مدير حسابي قلي اني عم اخد احجام كبيرة و نصحني اشتغل على العملات
النصائح يلي قدملي اياها
1 - قلي بتحط الستوب لوز قبل ماتعمل الاوردر الصراحة ماكنت اخذ بهذه النصيحة حتى تمرجن حسابي الاول على زوج حسب مابتذكر الدولار ين او الاسترالي دولار
2 - قلي لاتشتغل على ازواج الين و الفضة و ما سمعت كلامه و الى الان لا اخسر الا من ازواج الين و الذهب و الفضة
لما اتمرجن الحساب على عملة وحدة بعد ماتحرك و عكس كثير كثير و انا عزز قلت والله انا شغلي خطا كان لازم حط استوب و اطلع من الاول
بعدها اودعت مرة تانية قلي مارح اعملك الايداع بالحساب حتى تشتغل شهر كامل على التجريبي و كان كل يوم يحكي معي اكثر من 2 ساعة على التلفون
كمان اتمرجن الحساب ب 20 يوم بسبب الذهب اللعين
فقلت هادا الفوريكس كذبة كبيرة
ولكن يااخي ابشع من التدخين بكثير بس الواحد ادمن عليه بصير اذا مافتح المنصة بصير جسمه بحكه و نمل بيمشي بجسمه هههههههههههه شعور مرعب
رحت عملت ايداع 10000 دولار صرت واثق من الشركة و الحمد لله الى الان لم اخرج من السوق بفضل الله عز وجل
هذه قصتي المتواضعة ارجوا ان تنال اعجابكم
نسيت قلكن نصيحة نصحني اياها كمان قلي لاتحط استوب اقل من 100 نقطة و اقصى حد للخسارة خليه 1-2% من راس المال لمجموع الصفقات المفوحة
التوقيع
قال تعالى
بسم الله الرحمن الرحيم
إن الذين يتلون كتاب الله وأقاموا الصلاة وأنفقوا مما رزقناهم سرا وعلانية يرجون تجارة لن تبور ليوفيهم أجورهم ويزيدهم من فضله إنه غفور شكور
صدق الله العظيم