السلام عليكم ورحمة الله وبركاته
استاذ سمير فكرة التعديل مستوحاة من كورس مدرب اجنبي والاكسبيرت بيعتمد على مؤشر الاستوكاستك بس بنغير فى اعداداته وطبعا معروف ان مؤشر الاستوكاستك متذبذب وهناك مستويين 20 و 80 اذا السعر نزل تحت مستوى 80 يبقى بيع واذا السعر طلع فوق مستوى 20 يبقي شراء
اما التعديل الجديد فى اعدادته بيتخليه مفيش اى تذبذب وبيكون بالظبط زى حركة السعر بدون ادنى مبالغة ومكسبه هيبقى مضمون بقدرة الله وبدون اى مخاطرة لانى جربت الاستراتيجية دى مدة كبيرة يدوى فمهما السعر عدى مستوى 20 وانت وضعت امر شراء والسعر نزل تانى تحت مستوى 20 فلابد لابد عالطول يصعد لمستوى 80
اعدادات المؤشر الجديدة هتبقى
k period 150
D PERIOD 3
SLOWING 3
الاكسبيرت هتبقي فكرته تعزيز بمضاعفات اذا المؤشر طلع فوق مستوى 20 يضع امر شراء فاذا استمر السعر حتى وصول مستوى 80 خير وبركة واتحقق هدفنا بوصول النقاط حتى مستوى 80 وطبعا نقطة جنى الارباح هتكون اول نزول لمؤشر الاستوكاستك تحت مستوى 80 بعد وصوله للهدف واذا السعر طلع عند مستوى 20 ووضع امر شراء ثم هبط تانى تحت مستوى 20 برضه يضع امر تعزيز بمضاعفات حتى اذا صعد السعر ولامس مستوى 80 يبقى احنا كده كسبانين صفقتين بمضاعفات ومضمونين بدون مخاطرة
واذا السعر نزل تحت مستوى 80 يفتح صفقة بيع اذا استمر السعر مباشرة حتى وصل لمستوى 20 خير وبركة واتحقق هدفنا بالوصول لمستوى 20 وطبعا نقطة جنى الارباح هتكون اول صعود لمؤشر الاستوكاستك فوق مستوى 20بعد وصوله للهدف اما اذا السعر نزل تحت مستوى 80 ورجع تانى طلع فوق مستوى 80 نضع امر تانى صفقة بيع تعزيز بمضاعفات فاذا نزل السعر حتى وصول مستوى 20 يبقى كده كسبنا صفقتين بيع وبمضاعفات وبدون ادنى مخاطرة والصورة من على الشارت توضح كلامى
طبعا هيقول اى عضو افرض ان المؤشر فضل متذبذب وشغال يطلع فوق مستوى 20 وينزل والاكسبيرت شغال يضع بناءا على كلاممك اوامر شراء تعزيز ومضاعفة والسعر فضل متذبذب مدة شهر مثلا كده ممكن نخسر فلوسنا والحساب يتمرجن لاقدر الله
هرد عليك اقول مستحيل لان الاعدادات الجديدة للمؤشر قوية جدا ومفيهاش اى تذبذب الا نادرا جدا وده عن تجربة يديوية لهذه الاستراتيجية القوية
ودى صور من على شارت اكثر من عملة توضح ذلك وتوضح قوة المؤشر بالاعدادات الجديدة