دعوة للنقاش...... الاستوب لوز هل هو منقذ ام كارثه

حبيت افتح الموضوع ده بعد ما كثرت الاراء حول الاستوب لوز انا كنت فاكر انى الوحيد اللى مبستخدمش ستوب لوز لكن لقيت بعد كده ناس كتير بردو مش بتستخدمه وناس كتير مقتنعه انه سبب اساسى لمرجنة حسبات كتير عارف ان فى ناس شيفاه انه بيحمى حسبها لكن للاسف بيضيع صفقات ياما منا بردو وعارف ان اغلب الناس حتقولى كارثة الفرنك احب اقول ان الكوارث دى مش بتحصل كل يوم ولا كل شهر حتى مع ان اثناء كارثة الفرنك معظم البروكرات اعتبرت ان الاستوبات مش موجوده يعنى مكنش ليه لزمه بردو وحسابات ناس اتمرجنت وانا مفتكرش ان بنك او مؤسسه كبيره حتيجى تخش صفقه ب 50 مليون مثلا وتقولهم حوتولى الاستوب على خسارة 10 مليون عشان لو خسرت مخسرش اكتر من كده فهنا السؤال هل الاستوب اقنعونا بيه عشان يكسبوا فلوسنا وليه احنا مبنفكرش بشكل مختلف اتجاهه ليه بنصدق انه بيفدينا خساره مع انه مسبب لمعظم الخساره انا وقفت خسارتى لما وقفت استخدامه وحاليا الاستوب بتاعى هو عينى هى اللى اللى بتبقى شايفه التحرك التوقع هل السعر حيرتد ولا يكمل خساره بينما الاستوب مجرد امر اعمى مبيفرقش التجار الكبار كلهم بيشتغلوا بالخورزميات واحنا بردو مصممين على الستوب المهم كل واحد يقولنا على البديل اللى بيستخدمه انا عن نفسى بامن صفقاتى بصفقه كبيره شغاله مع مع الصفقات الصغيره.

السلام عليكم اخى

هرد عليك من وجهة نظر شخصية

انا مثلا احيانا بدخل صفقات .. وفجأة الكهرباء تقطع ... او النت ...او يجيك مشوار طارئ او اى شئ يحدث
تفتكر هنا الاستوب لوز منقذ ام كارثة ؟

الاستوب لوز انا اشوفه يريح البال بانك داخل الصفقة وحاسب احتمالية المكسب والخسارة

ومش معقول تتابع الصفقة 24 ساعة ....

فاجعة الفرنك فريدة من نوعها .... والسعر حينها كان بيقفز مش بيتحرك

فمش من الممكن انه نستغل حادثة شاذة لتدمير مفهوم مهم لحماية حساباتنا

وده موضوع كنت عامله من اسبوع كنا بنتناقش فيه على الستوب لوز
http://forum.borsaat.com/t807202.html

طيب الان مثلا انا في كارثه زي بتاعت الفرنك .........
بعد الامور هديت ونفرض مثلا قرروا يعوض الناس انا كنت حاطط استوب 50 مثلا
و زيد من الناس مش حاطط استوب الاولي في التعويض مين ؟؟

التوقيع

تصدق لو قلتلك انى بنام وانزل مشوير من غير محط استوب ولما باجى بفتح بلاقى مثلا السعر انعكس اكتر من 50 نقطه ورجع فى اتجاهه تانى يعنى لو كننت حطيت استوب كنت حخسر اكيد

وفى اوقات تانية بيبقى متوقع انه يرتد لكن بتلاقى عكس عليك 400 نقطة ,, صح ولا غلط ,, بص للميزات والعيوب !

متفق معاك لو بتسخدم ستوب ولكن انا اختلف معاك فى نقطه واحده الستوب البعيد وديه الحاله الوحيده اللى بستخدمه فيها بحط استوب للحساب مش للصفقه وده فى حالات قليله اوى زى وقت الاخبار اللى حتطلع النهارده انما لو داخل فى صفقه وواثق منها مش حستخدمه خالص

400 نقطه مش فى ساعه او اتنين وحتى لو عكسهم زى محضرتك بتقول مش حياثرو جامد لانى ببقى مامن صفقاتى بصفقات تانيه انا قولت ان فى بدايل افضل مقولتش منستخدمش لا ستوب ولا طرق امان تانيه

سؤال وجيه بس اعتقد لو كنت بتستخدم هيدج مكنتش حتحتاج للتعويض كنت ممكن تشترى الشركه بعدها