امس وانا قاعد سارح فى خطوط الترندات على الشارت جات فى دماغي فكرة هو ليه دايما السعر بيلامس خط الترند والواحد مش قدام الشاشة و غالبا لما بنحط امر بيع او شراء على الترند " خط ترند" غالبا بيكون غلط لان السعر متغير بسبب ميل خط الترند . فقلت لا طيب خلينا نجرب كده نعمل اكسبيرت يفتح اوامر عند ملامسة خط الترند . مش عارف هو موجود ولا مش موجود بس عموما انا عملته وقلت اشاركم بيه
طريقة تشغيله بسيطة جدا
1- حطه على الشارت
2- فى الباراميتير بتاعته اكتب حجم اللوت اللى انت عايزه وهو ده الحاجة الوحيدة اللى بتحطها فيه
نيجي بقى للمهم طريقة تشغيله بعد لما عملت الخطوتين السابقتين
ارسم خط ترند عادي جدا وخليه " Ray" على اي موجه مثلا اخر قاعين زجزاج او زي متحب
وافتح خصائص خط الترند وغير الديسكريبشن كالتالى :- مهم جدا تكتب الحاجات بالترتيب و كابيتال او سمول عشان هي دي الاوامر
1- في حالجة امر شراء هنكتب BU_TP20SL10 تفسيرها BU اختصار buy ولازم كابيتال وبعدين _ اندرسكور وبعدين TP اختصار taake profit وعدين 20 عدد نقط التيك بروفيت و بعدها SL10 دي الستوب لوز
2- في حالة امر بيع هنكتب SE_TP20SL10
3-فى حالة امر BuyStop يعنى عايزه يشتري بعد اختراق خط الترند هنكتب BS_TP20SL10
4-امر Sell Stop هنكتب SS_TP20SL10
طبعا الربح او الخسارة غير ارقامهم زي ما انت عايز
مش عارف لو فيه حاجة زيه ولا لا عموما هي فكرة جت فى دماغي وحبيت اشارك بيها
الاكسبيرت تحت التجربة ولو حد استفاد منه يبقى كويس
تحياتي
مين بيحب يضارب على خط الترند ؟ اكسبيرت
المواضيع المتشابهه 
