المساعده لانى هتجنن

السلام عليكم

انا دلوقتى اجى افتح صفقه و اقول اخد 50 نقطه السعر يتحرك 10 او 20 نقطه و يتشل فى مكانه لحد ما اقفل الصفقه او ينعكس على و يضرب الستوب

اجرب اقرب الستوب لنقطة الدخول السعر ينعكس لما يضرب الستوب و يخرجنى من السوق و يكمل زى ما كنت محدد

اقول اكتفى ب 10 او 15 نقطه الاقى السعر مشى 100 ولا 200 نقطه

مش عارف اعمل ايه بجد محتاج رايكم عشان اعرف اتابع الصفقه اعمل ايه

?????????????????????????????????????????????????? ??????

تصدق لو لقيت حل للمشكلة دي قولى .... لا المشكلة ايه تلاقي يقولك اهم حاجة بلاش الطمع في الفوركس : قوووووم اييييه اخد 20 نقطه ولا 10 واقوم قافل الصفقة وأقول بارك الله فيها رزق وهووووووب تلاقيه لاسعر بعد ما قفلت والله أحيانا مباشرة طار 100 ولا 200 نقطه , طبعا ببقى هاين عليا اعمل في في نفسي كده ... أقول المرة الجاية هتطبق النصيحة التانية انت ليه بتصبر على الخسارة ومتصبرش على الربح ؟! أقوم ايه الاقي الصفقة محققه 40 نقطه أقول ولا ولعبت يازهر واصبر وهووووب استوب محترم فجاءة . طيب اقدم الستوب على الدخول يرجع يضرب ستوب ... بجد الواحد تعب نفسيا

طب احنا كده اتنين يا ريت حد يتعطف و يتكرم و يلحقنا قبل ما نتجنن بجد

انا شايف ان الامر ببساطه هو الالتزام بالصفقه على حسب ما انت محددها يعنى مثلا حضرتك على حسب تحليلك الفنى او استراتيجيتك شايف فرصه بيع بهدف 100 نقطه وحدد نقطه وقف خسارة يناسب الصفقه وسيب السعر يااما يروح للهدف او الاستوب مع المتابعه

سجلني تالت معاكم

هى دى المشكله انه فى الحاله اللى ابقى فيها قنوع يجيب نقاط بالهبل و اما اجى اتابعه يا اما ستوب او مكسب قليل جدا

يا اهلا بيك نتنى اى حد من الاخوه اصحاب الخبره يقولوا لنا نعمل ايه

انا بشوف ناس كتير بيجيبوا اهداف 200 و 300 نقطه فى الصفقه انا بس عايز اعرف اتابع الصفقه بامان ازاى

الحل هو ان تقتنع وتحمد الله فربح 10, 15, 20 نقاط قد يكون صغير ولكنه تراكمي وبالتالي أفضل من الخسارة

صغير مع صغير مع صغير سيصبحون كبير

و انا الرابع و متابع لو حد عندو حل
مع أني تمرجن لكن متابع السوق على ديمو

بص ورا الشاشة
اكيد حد قاعد لك وراءها وبيلعب لك في الشارت

_______

بص يا استاذ ستار اكيد انت بتختار نقطة دخول مش قوية (ودي كتير منا بنعملها وانا اولكم)
او
علي الاقل انت نفسك مش مقتنع بها علشان كده بتحس انها بتمشي للهدف تاتا تاتا
او بتتحدف معاك شمال علي الاستوب علي طول

الحل بسيط جدا
جزا عقودك واهداف متغيرة وانت ترتاح
مثلا انت عايز تدخل بعقد كبير خليه علي 5 عقود ميني
2 اساسيان وثلاتة فرعية
ال 2 اساسيان اجعل لهم استوبات قريبة جدا واذا تحرك السعر للهدف حرك الاستوبان للموضع الدخول
3 فرعية خليك في استوباتهم بحبوح شوية او اعمل لهم تبريد

بالتالي تقلص خسائرك
وتشل اللي قاعد ورا شاشتك