@@ ... لنفكر خارج الصندوق .. الحرب بين شركات الفوركس و المستهدف EXNESS @@

http://forum.borsaat.com/t1059695.html

انا مصرر على اني اقول رأيي و اعتقد ان منتدي بورصات يجب ان يسمح بهذا

هذا رأيي :



شوفوا يا جماعة انا هقولكم نصيحة مهمة جدا


( ليس هكذا تسقط الشركات )


انا دارس ماركيتينج بحكم الكلية بتاعتي قبل ما ادخل الفوركس و الحمد لله عندي خبرة كويسة في السوق دة و عارف كويس ان بين شركات الوركس منافسات قد لا تكون شريفة في كثير من الاوقات.

بداية قسما بالله العظيم انا لا لي صلة بأكسنس ولا بغيرها و اللى مش عايز يصدق هو حر


لكن اللى انا شايفه دة مش طبيعي

من يومين عضو معروف بكراهيته لشركة اكسنس و لكل من يضارب فيها حتي لو كانوا صحابه فى المنتدي يقوم العضو دة يفتح موضوع زي دة

http://forum.borsaat.com/t1059594.html



و يحكيلنا قد ايه شركة اف اكس دي دي ( شركة المنتدي الرسمية ) قد ايه نزيهة و عادلة رغم ان مفيش حاجة اسمها شركة عادلة و نزيهة لهذا الحد من التلميع.

فى حين ان اى لو كنت انا مثلا عملت موضوع زي دة عن اكسنس بكم تجارتي معاها كان زماني اخذت من الشتائم ما يكفي لسنتين و على الاقل كنت اخدت بان كمان


و بعدها بيومين نلاقي الموضوع دة


على فكرة الاسئلة دي بالنسبة لى مش مهمة بالقدر اللى يخليني اسيب حسابي فى اكسنس لاني عارف انا بتاجر مع شركة عاملة ازاي و ناس محترمين قد ايه و من سنوات مش من ايام عشان كدة الحشد و التجييش ضدها و ضد ممثليها لا يشغلني شخصيا

لكن الغريب ان فى ناس مصدقة نفسها و بتقول ان اكسنس بتسقط بسبب الموضوع دة

شوفوا يا جماعة .. لو عايزين تسقطوا اكسنس ما يكونش موضوع في منتدي واحد زي بورصات لان مع احترامي منتدي بورصات رغم اهميته لا يمثل اكثر من 2% من القيمة التسويقية لتجارة الفوركس فى الشرق الاوسط

بفكركم تاني انا قولت اني واحد دارس تسويق و عارف بقول ايه عشان كدة بقولكم ان الحشد و التجييش هنا لتلميع شركة و الاساءة لشركة تانية بممثليها كوصف كل من يقول انها شركة كويسة علي انه ينتمي للشركة و ان هو هو عمر و الكلام دة صدقوني انتوا ماشيين فى الطريق الغلط

لاسقاط شركة زي اكسنس لابد من عمل الاتي على الاقل :


1- مواضيع ضخمة فيما لا يقل عن 10 منتديات عربية شهيرة

2-اكسنس مواضيعها و منشوراتها مالية الفيسبوك و جروباته و كل ما ادخل جروب الاقي عمر بيرد على الناس يبقى لازم ضرب الشركة فى جروبات الفوركس على الفيسبوك و صفحات الفوركس الشهيرة

3- عمل اعلانات ضخمة علي جوجل تنصح الناس بعدم التداول مع اكسنس و الاتجاه لشركة اخري فى تفكيركم مع التحذير من اكسنس بشدة

4- عمل اعلانات مدفوعة فى المواقع الفوركسية الشهيرة و المدونات المعروفة للتحذير من اكسنس و حث الناس على الابتعاد عنها

5- منع اكسنس من اقامة المعارض و الندوات فى الشرق الاوسط لاني واحد من الناس شوفت اكسنس فى معرض فى الامارات من فترة و الناس حواليها كتير



دي 4 طرق من وجهة نظري من الممكن ان تحد من تدفق العملاء على شركة زي اكسنس و لو على الاقل بنسبة 30% و ذلك لكي نسقط اكسنس

اما بقى لو حبينا نسقطها تماما بنسبة 100% يبقى لازم نروح لاسواق اسيا و اوروبا


لكن المضحك اني اشوف عضو خياله واسع اوي يقولك ان غرفة عمليات اكسنس مجتمعة عشان ترد على الموضوع .. هنا ينتحر المنطق و كان لابد لى من الرد

هما صحيح ممكن يكونوا عاملين غرفة عمليات بس فى الحدائق و المتنزهات لان انهاردة اجازة يا صديقي

اما بقى بخصوص الاسئلة دي و على فكرة انا مش بشكك فى نية صاحب الموضوع قد يكون غرضه غير ذلك لكن الحشد و التجييش فى الموضوع واضح و الغرض منه اوضح من الشمس لنفس الاعضاء اللى بيلمعوا شركة تانية بعينها و دة طبعا فى رأيي لان اكسنس بدأت تسحب البساط من شركات عملاقة و دي مصالح منتديات و مصالح ناس يبقى لازم ضرب اكسنس و ممثليها بأى طريقة.


اما عن الاسئلة, انا ما اقدرش ارد بالتفصيل فيها لاني ما اعرفش حاجة عن خصوصيات اكسنس لكن اللى اقدر اقوله بحكم متاجرتي معها من فترة طويلة انها من افضل الشركات اللى اتعاملت معاها ولا يهمني ابدا اذا كان اسمي على منصة او غيره رغم ان الناس بيقولوا ان الرقابة ليها حق الاطلاع و ان الترخيص البريطاني فعلا الشركة حصلت عليه و الدليل مثلا مشاركة العضو دة

http://forum.borsaat.com/t1059695-8.html#post2335557


لكن ازاي .. لازم نقول انهم كذابين و ان تراخيصهم كذب فى كذب

و لازم نسئ للشركة و للدعم و لكل اللى يقول كلمة فى حقهم لازم نصفه انه تبع الشركة

الطريقة لم تعجبني لانها قديمة ( و غير مجدية ) شوفوا ال4 نقاط اللى نصحت بيهم كل اللى عايز يسقط اكسنس او يجعلها لا تسحب البساط من شركات اخري لهم مصالح معها.. فكروا بشكل اوسع.

و دة كان ردي الثاني الذى حذف



صدقوني و الله يا جماعة لو عايزين نسقط اكسنس فعلا انا ممكن ابقي معاكم

بس نختار ناس واقعية مش خيالهم واسع و يقولوا ان اكسنس كلها واقفة على رجل عشان موضوع واحد فى منتدي واحد

الحشد لازم يكون للمنتديات المجاورة .. نروح و نسمع اراء الناس هناك

لازم يكون فى جروبات الفوركس لان عمر اكسنس منتشر بشكل رهيب فى الجروبات دي و بيرد على الناس

كل لما افتح جروب فوركس الاقي عملاء لاكسنس

تقريبا معظم الوسطاء المعرفين بتوع الشركات عندهم ايبيهات مع اكسنس


الشركة منتشرة بشكل ضخم على تويتر ايضا و فى المنتديات التانية دة غير المعارض و الندوات بتاعتهم

الشركة دي كبيرة جدا و فعلا بتسحب البساط من شركات معينة يعز علينا اننا نخسرها

انا معاكم بس تكون الطريقة اكثر ذكاءا .. مش كل اللى يقول كلمة كويسة يبقى عمر والا عمر دة بقى ساحر مش انسان طبيعي عشان يكون له القدرة على التواجد فى اماكن مختلفة بأيبيهات مختلفة فى وقت واحد ههههه

لازم نضرب الشركة فى مقتل عن طريق مواضيع كبيرة نهاجم فيها اكسنس و الدعم بتاعهم

لكن موضوع واحد فى منتدي واحد نحشد فيه !! مش هنوصل لحاجة


و الله العظيم مستعد انضم ليكم بس نحاول نغير الطريقة شوية لانها قديمة جدا

ولا تنسوا اتباع ال4 خطوات

اذا نفذنا ال4 خطوات صح اوعدكم اننا هنقدر نحد شوية من تدفق العملاء للشركة دي و نمنع سحبها للبساط من الشركات الاخري

مرة تانية و تالتة


انا لا يهمني اكسنس ولا FXDD ولا غيرهم

انا بضارب مع الشركة اللى تريحني


لكن لما اشوف تعمد للاساءة لشركة محددة و اشخاص محددين مع ضعف الاسلوب لازم اقول رأيي

ياريت تفضوها سيرة و تعملولنا موضوع مثبت يقول ان اى شركة المنتدي بيرعاها هي افضل من اكسنس

و ان اكسنس هى اكثر شركة نصابة فى العالم


انتم احرار المنتدي منتداكم لكن بصراحة بعد اللى انا شايفه دة انا فقدت احترامي لاشخاص كنت احترمهم و فقدت ثقتي بشركات كنت اثق فيها

الفوركس اصبح حروب بلا نزاهة

لاافهم ماتقول تحدث بالعربيه وليس لهجتك

عشان لما بقول اني بفهم شوية فى امور التسويق و التسويق المضاد

من فترة كان فى منتدي مجاور عمل مواضيع مثبتة مخصوص للتحذير من شخص بعينه و هو بالمناسبة محلل فني معروف

لكن دون ذكر اسماء

اتضح بعد ذلك ان الغرض كان الاساءة للشخص دة لانه واخد المضاربين لصفه

السوق فيه ياما كتير


اوعوا تصدقوا من يدعي الاخلاص و انه يقعد يعمل موضوع طويل عريض لوجه الله

اوعوا تصدقوا اللى اسلوبه ردئ فى وصف الاشخاص و الاساءة ليهم

اوعوا تصدقوا ان مفيش حد له مصلحة من اى هجوم ممنهج على شركة بعينها او اشخاص بعينهم.


ما تصدقش الا نفسك و تجربتك انت سواء مع شركات او اشخاص او محللين

و الله العظيم اللى عمري ما هحلف بيه كذب لاى غرض دنيوي ان السوق دة مش نزيه

و ان فعلا فى هجمات مضادة و تجييش و حشد بيحصل ضد شركات و ضد اشخاص


و مش بس اكسنس ولا غيرها لكن الحشد و التجييش بيحصل ضد شركات تانية برضو لما تبدأ تعلو و تأخذ مكانة تشكل خطرا على مصالح الاخرين.


و اللهم بلغت اللهم فأشهد.

اقتباس:

المشاركة الأصلية كتبت بواسطة ابداء

لاافهم ماتقول تحدث بالعربيه وليس لهجتك

اعتذر لو كلامي مش مفهوم بالنسبة لحضرتك

بس معلش تعالي على نفسك شوية و اقرأ كلامي بتمعن

.
.

المشاركة التى افزعت المعرفات الوهمية المتعددة العامله مع اكسنس
مشاركة تحتوى على عدة اسئلة لم يتم الاجابة عليها حتى الان
وتم التهرب منها ومحاولة اظهار الاسئلة على انها حرب تنافسية ضد الشركات

الاسئلة التى لم يتلقى أحد اجابتها حتى الان هنا فى هذه المشاركة
http://forum.borsaat.com/t1059695-6.html#post2335477

لن نقبل اى دفاع عن الشركة قبل الاجابة على الاسئلة المطروحة

ومن يظن ان الشركة جيدة فنتحداه ان يجيب على الاسئلة
وبلاش فزع كده ورعب ... ده نقاش مش حرب

لن يتم الرد مرة اخرى فى هذا الموضوع الفارغ قبل الاجابة على الاسئلة المطروحة

التوقيع

اخي الكريم
بالرغم من المواضيع التي تتحدث بسلبية عن الشركة
مع احترامي لك انت تحلم بأن تسقط شركة بحجم اكسنس بغض النظر كانت نصابة او غيره

لكن وعي المتداول أفضل بكثير من أن تسقط الشركة لانها بالأساس قائمة على ايداعات المتداولين فكيف تسقط شركة انت وغيرك ندعمها.

لابد ان يكون المتداول يثق بالشركة التي يتاجر معها وان امواله بأمان

لكن ان تفضحها هنا وهنا وهناك صدقني كلام بالهوا
تحياتي

يعطيك العافية اخوي ماقصرت بالنسبة لي شخصيا ارى اكسنس من الشركات المميزة ولديها دعم فني جيد .

موضوع اكثر من رائع اخي tahsen

و لو اتمسح او اتغير فيه حاجة يبقى هغير رايي تمامااااا عن بورصات و مصداقيته

فى ناس فاكرة ان هما دايما اللى صح و بيتهموا اى عضو اتهامات فارغة ولا ليها اى اساس من الصحة

تحياتي ليك يا غالي و على اسلوبك المحترف و فعلا هي دي الحقيقة

nobody is perfect