رد: مسابقات الحسابات التجريبيه
اقتباس:
المشاركة الأصلية كتبت بواسطة Rock
هلا اخى ستار
مسابقات الحسابات التجريبية للاسف مش بلاقى ليها اى فايده ترجع لينا كأعضاء.
فقط بترجع لثلاث فائزين ومش بنشوف وشهم تانى زي ماقال ابو انس كده " راحوا الجيش "
وتوقع ان فى ممارسات بيعملوها غير واضحة وصعب اكتشافها بيكسبوا على اثرها المسابقة
ولو روحت قولتلهم ده حساب حقيقى نفذ فيه اللى شوفته هنا
( يقولك الحقيقى غير التحريبي )
طيب حضرتك انت بتستخدم اى من الطرق
الجملة المزعومه ( دعوم ومقاومات - ترندات)
ولا يعرف وقتها يعملك 1 % من اللى عمله اصلآ على الحقيقي
فده يؤكد ان ده تداول وهمى لا اكثر
انما اللى بيتعب طوال الشهر وبيشرح طريقة تداوله ووضع شارتات بها شرح لطريقة تحليله للسوق هو ده اللى يستحق جائزة بورصات كافضل استراتيجية او ورشة عمل
اقتباس:
المشاركة الأصلية كتبت بواسطة أحـمـد
يعنى وهما اصحاب الورش حد بيشوف وشهم غير مع المسابقات ؟
ياروك انا شايف المنتدى كده افضل بدون مسابقات
كلنا موجودين بدون اى مصالح بنشارك ارائنا وتحليلاتنا
والله والله الموجودين الان فى المنتدى لا يريدون اى جوائز احنا بنحب بورصات وده سبب وجودنا
طيب امتى نزعل ؟
لما نلاقى ناس مش بنشوفها غير وقت المسابقات (يلمو الغله) ويخلعو
صدقنى المسابقات هى ظلم للاعضاء القديمة النشطة اكثر منها مكافئة لاعضاء المنتدى
اللى بيخدو الجوائز ويخلعو
بورصات من غير مسابقات احلى
موضوع قديم بخصوص هذا الامر
http://forum.borsaat.com/t998759.html انا كنت شايف بس ان ده ممكن ينشط المنتدى فانا ايضا مثلكم احب المنتدى و تقربيا لا يمر يوم من دون ان ادخله و اشاهد المواضيع و الجديده و القديمه
اما بخصوص الافاده فانا شايف يا اخ روك زى ما قال الاخ احمد لم يكن لها فائده و ده مش سببه بس ان اللى بيكسب بيختفى بعد ما المسابقه تنتهى و ياخذ الجائزه بل بسبب الاعضاء الاخريين
فمنهم و من قبل ما المسابقه تبدا و هو بيقول الورشه الفلانيه افضل كفايه انه استاذ فلان و يكون متعصب جدا للورشه مع العلم ان اغلب من ربحوا المسابقات لم يضعوا الا كلام مبهم و غير واضح و اذا سالتهم عن نقطه محدده فيكون الرد بالوعد بانه سيشرحها فى اقرب فرصه و طبعا لا يحدث(هذا حدث معى شخصيا اكثر من مره)
اما النصف الاخر فينتظر انتهاء المسابقه و يعرف من الورشه التى حققت اعلى نقاط فيبدا بمتابعتها و يحاول ان يستفسر عن نقاط معينه فلا يجد الرد من احد