الخلاصة
هتفتح الشارت
اى زوج..هنحط فى الاعتبار نوعين من الازواج
نوع حركته بطيئة متوسطة زى يورو دولار او دولار ين او باوند دولار و ده هنحددله مستويات كل 20 نقطة
نوع حركته متوسطة سريعة زى مجنون او يورو نيوزيلاندى او باوند نيوزيلاندى الخ الخ و دول هنحددلهم مستويات كل 25 او 30 نقطة حسب الباك تست
هنحدد المستويات ازاى؟!!
بمؤشر Sweet Spots Gold ارفقته فى المرفقات
قبل ماشرح الطريقة عايز اقول عيبها و مميزاتها
عيبها انها محتاجة شغل 24 ساعة و عشان كده ضرورى اكسبرت
ميزتها انك ماشى ورا السعر مابتفتيش ولا بترهق نفسك فى احتمالات غير مؤكدة
طيب هنتداول ازاى دلوقتى بالشارت و مستوياته
نبص عالصورة و نركز فى الحروف
افتح الصورة تتبع الكلام اللى هقوله عشان تبقى عايش الحدث
رقم واحد فى الصورة هو ان السعر بدأ فى اليوم ده ما بين مستويات 109.60 و 109.80
احنا هنعمل ايه بقى
هنعلق امرين باى ستوب عشان لو طلع عند 109.8 و سل ستوب عشان لو نزل عند 109.6
و التيك بروفيت المستوى اللى جاى مع صفقة جديدة من نفس المستوى عشان نبقى حجزنا الارباح خطوة بخطوة
امشى معايا بقى واحدة واحدة عشان اقولك احنا هنعمل ايه و هنكسب كام و السعر لما يعكس علينا هنتصرف ازاى
ملحوظة مهمة..احنا مابنغلقش اى صفقة مخدتش الربح الا لما يجيلها تعزيزها اللى يعوض خسارتها و يكسب
انما مابنستخدمش وقف خساير نهائى
تعالا معايا بقى اما اقولك
اليوم بدأ و السعر فى النص بين المستويين المذكورين
السعر طلع لفوق اخدنا شراء راح نازل اخدنا بيع
كده معانا شراء و بيع
راح طلع تانى لمستوى الشراء و هنا انا كاتبلك N "Nothing" مش هناخد اوامر جديدة لنفس الاتجاه
كده صفقة الشراء زيرو..و صفقة البيع خسرانة 20 نقطة
سيب صفقة البيع خليها ماتجيش جنبها ولا تبصلها
السعر طلع للمستوى اللى بعده اخدنا ربح الصفقة و فتحنا واحدة جديدة
طلع للمستوى اللى بعده اخدنا ربح الصفقة و فتحنا الجديدة
طلع اخدنا و فتحنا
طلع اخدنا و فتحنا إلخ....
فضل يطلع بيك بدون ارتداد لمستوى سفلى و انت وراه عمال تكسب مستوى ورا مستوى لحد ما راح لـ 111.40
اخدنا صفقة شرا عند 111.40 راح نازل للمستوى اللى تحته
هنا بقى هنعمل ايه
احنا معانا صفقة بيع من 109.60 و السعر طلع ل111.40 و بعدين نزل ل111.20
يعنى الصفقة اللى معايا دى على 109.60 خسرانة لو قلنا النقطة بدولار يبقى 160 نقطة
يعنى الصفقة خسرانة 160 دولار او لو ميكرو لوت يعنى 16 دولار خسارة
هنا بقى هتتصرف ازاى
السعر طالما نزل مستوى بعد اخر قمة 111.40 هنحسب كام مستوى انعكس على صفقة البيع
اللى عند مستوى 109.60
هنلاقى السعر انعكس على البيع بـ8 مستويات اللى هما ال160 نقطة ما بين اخر قاع بيعنا عنده و خسرانين لحد المستوى الجديد اللى هنبيع عنده عند 111.20
هنا بقى هنبيع اد ايه؟!!
هنبيع صفقة هنضرب الصفقة المفتوحة فى عدد المستويات يعنى لو فاتح صفقة بـ 0.01 او اياً كان حجم اوردرك اللى هنبهك برضه فى اخر الموضوع لادارة راس المال ازاى
يبقى هتضربه فى عدد المستويات ال8 يبقى 0.08
هنضيف عليهم 0.01 اللى هو صفقة البيع العادية عشان نزل لمستوى سفلى
يبقى هنبيع 0.09
المفروض بقى اللى يحصل ايه
المفروض اللى يحصل ان السعر ينزل للمستوى اللى بعده
بحيث ان يبقى عندى صفقتين بيع
واحدة بحجم 0.09 كسبانة 20 نقطة بـ 18 دولار
و واحدة 0.01 خسرانة 140 نقطة اللى هما سالب 14 دولار
هنا عندى فرق ربح 4 دولار و اقفل الصفقتين و افتح بيع جديد بـ 0.01 إلتزاماً بالنظرية
والله عايز تقفل صفقتين البيع على ربح
و قصادهم 8 صفقات شرا كسبت كل واحدة لو بحجم 0.01 يبقى 2 دولار مكسب لكل واحدة
يعنى 8 صفقات كسبوا 16 دولار و صفقتين البيع كسبوا 4 يبقى 20 دولار
و معانا صفقة شرا من مستوى 111.40 خسرانة 4 دولار يبقى اجمالى ربح 16 دولار فى الدورة دى
و ده فى حالة واحدة انك حابب تقفل كل اوامرك و تستنى تدخل من يوم جديد او صفقات جديدة
لو مش حابب
انت كسبت 20 دولار و معاك صفقة شرا خسرانة هنتصرف معاها بالظبط زى ماتصرفنا مع البيع
يعنى لو السعر بعد ما لمس مستوى سفلى و ارتد لمستوى علوى هنشترى صفقة بحجم عدد المستويات الفرق بين المستوى الحالى و صفقة الشرا الخسرانة و نزود عليهم صفقة دخول التتبع العادية
دى النظرية بكل بساطة
بس فى حاجة حصلت دلوقتى....هو ان السعر لما ارتد للمستوى السفلى مانزلش للمستوى اللى بعده ده انعكس تانى لفوق و بكده معايا صفقتين بيع خسرانين
هنعمل ايه بقى؟!!!! هقولك
هنشتغل بنفس النمط و بنفس الطريقة
السعر لما يطلع تانى هنشترى و لما ينزل هنبيع و نحسب المستويات و نبيع بفرق حجم المراكز اللى مفتوحة خسرانة
و ده اللى هشرحهولك فى الرد الجاى
و اللى هتكتشف فيه اننا فى الدورة دى ماكسبناش 20 دولار بس
لا كسبنا اكتر
مع انعكاس سعرى بسيط ميوصلش ل15% او 20% من اجمالى المحفظة
بس قبل مانخش على الرد التانى و تكملة الشرح
بوجه نداء للإخوة المتفلسفين و الكارهين لتشغيل الدماغ
ماتحاولش انك تدوس عالكيبورد و ترد عالموضوع ده
اقفل الصفقة و روح لمحفظتك حقق ملايينك فى سلام
=================================
يتبع