المركزي المصرى | الازمة المالية انتهت واصبحت فى التاريخ

السلام عليكم ورحمه الله وبركاته


تدفقت اخبار عاجله بجميع الجرائد الاخبارية الالكترونية اليوم الثلاثاء منذ قليل بعنوان الازمة المالية انتهت
حيث قال طارق عامر محافظ المركزي المصرى بالمؤتمر الصحفي بمقر مجلس الوزراء انه استعرض الوضع المالى خلال اجتماعه مع رئيس الوزراء ( شريف اسماعيل )حيث اضاف ان الازمة المالية كانت بالماضي واصبحت فى سجلات التاريخ والعام القادم سيحدث طفرة

واضاف ان الاحتياطي النقدي العام الماضي كان فى مشكلة حقيقية وان الان اصبح تاريخيا مع ارفاقه الدلائل بقوله انه تدفقت اكبر الصناديث الاستثمارية فى العالم 8 مليار دولار وهناك 23 مليار دولار استطاع الجهاز المصرفى جذبهم من السوق المصرى و 15 مليار من مؤسسات التمويل الدولية وانه تم جذب 45 مليار دولار خلال 6 اشهر ولا يوجد مشكلة فى النقد الاجنبي

واوضح انخفاض الواردات وصلت الى 3.8 مليار دولار فى مارس الماضي وسوف نقوم بزيادة الانتاج المحلى وان المصانع المصرية تنافس الخليج

واشار طارق ان المركزي يستهدف تدفق النقد فى الاقتصاد بدون معوقات ولا قيود داخل وخارج البلاد وانه سيتم سداد 750 مليون للشركات الأجنبية فى اول يونيو اما بالنسبة للمشروعات الصغيرة اضاف انه من العدل ان تصل الاموال الى كل مستويات المجتمع والشباب الجاد موضحاً ان المركزي وفر 10 مليار فى العام الماضي لدعم الفائده .



الف مبروك يا شباب
ونتمنى للاقتصاد المصرى المزيد من التطور والنجاح والغاء التعويم

التوقيع

كن عظيماً ودوداً قبل أن تكون عظاماً ودوداً

مش الراجل ده اللى قال قبل كده الدولار هينزل لـ 5 جنيه تقريبا ورجع قال كنت بهزر
عادى بعد كام شهر هيرجع يقول كنت بهزر

التوقيع

اقتباس:

المشاركة الأصلية كتبت بواسطة ابو بكر المصري

هي الازمة مالية ولا اقتصادية يا طارق . على العموم الميه تكدب الغطاس . انا حاسس ان في كارثة حتحصل .قول يا عم طارق قول هو الكلام عليه جمرك .

اقتباس:

المشاركة الأصلية كتبت بواسطة أحـمـد

مش الراجل ده اللى قال قبل كده الدولار هينزل لـ 5 جنيه تقريبا ورجع قال كنت بهزر
عادى بعد كام شهر هيرجع يقول كنت بهزر

واضح ان فى اجماع بعدم قبول كلام السيد طارق
بعد هزاره مع الشعب مسبقا بان الدولار هيبقى ب 4


ده واقع

التوقيع

كن عظيماً ودوداً قبل أن تكون عظاماً ودوداً

عن نفسي متفائل ان اللى جاي افضل من اللى عدي.

مبارك ترك لنا ديون و فقر و عشوائيات و ظلم و فساد و الكثير من الازمات الاقتصادية و السياسية.

يعني الشيلة مش سهلة

فى عاصمة ادارية جديدة بتتعمل و مشاريع اسكان ضخمة بتخلص و مشاريع ري و زراعة و اقتصاد ان شاء الله سيتعافي من محنته

لكن اللى قاعد حاطط ايده على خده و يقول ان البلد بتقع و البلد بتفلس و الكلام الفاضي دة هو مقتنع بكدة لقلة حيلته

اخر احصائية عن معدل البطالة فى مصر انخفض بسبب اعداد العمالة فى المشاريع الجديدة من مهندسين و عمال و موظفين.

القادم ان شاء الله افضل ... تفاءلوا.

انا شايف ان ده شغل عشان انتخابات السيسى عشان الناس تنزل تانى تنتخبه بعد انخفاض شعبيته فلازم كام تصريح من هنا على كام تصريح من هنا يحسسو المواطن ان الامور تمام

لسه من اسبوعين الريس كان بيقول : الدين العام قفز من 700 مليار جنيه إلى 3.4 تريليون جنيه
و عامل هاشتاج ابدع و انطلق مش فاهم ازاى يعنى

التوقيع