ورشة الفرص الحية على طريقة ايشيموكو

الف شكر لردك ياابوابراهيم
انا ليا كذا ملاحظه
حضرتك ساعات بتاخد اشارات شراء مثلا مش بتعتمد على تقاطع التنكان سن مع الكيجون سن ساعات بتبقى الاشارات مثلا شراء لو خرج السعر من الغيمه وممكن تبقى اشارات شراء لو مثلا السعر اخترق التنكان سن والكيجون سن يعنى معنى كده ان مش التقاطع بس هو الاشاره كلامى ده صح ولا غلط؟
ثانيا لاحظت بردو ان بعض الاشارات اللى بتاخدها سواء كانت بيع او شراء ساعات بتاخدلها اشارات تاكيديه من على نفس الشارت زى الشيكو سبان لما يتحول من فوق لتحت السعر او العكس امتى اعمل كده وامتى اعتمد على اشاره واحده بس؟
السؤال الثالت عايز اعرف ايه اساسات وضع الهدف ؟
ورابعا ايه اساسات وضع الوقف؟
انا عارف انى اسالتى كتيره بس عارف انك انسان كريم بدليل انك اتعلمت حاجه صح فمبخلتش بيها على حد وشكرا ليك مره تانيه

لا شكر على واجب

شوف
المؤشر بيوفر ست انواع من الفرص منها ما يعتمد على التقاطعات و منها ما يعتمد على اختراق الغيمة و غيره من الاشارات فالدخول يبقى حسب نوع الاشارة المتوفرة

و بالنسبة للاشارات التأكيدية هي ليست تأكيدية بهذا المعنى و انما كلما اجتمعت الاشارات كلما كانت فرص نجاح الفرصة اقوى
اما الشينكوسبان و تقاطعه مع لاسعر فهو ايضا من ضمن الاشارات و ممكن العمل به لوحده كأستراتيجية و على فكرة اي نوع من الاشارات ممكن تعاملها لاستراتيجية منفصلة

اساسيات وضع الهدف و الستوب بتعتمد على نفس خطوط المؤشر مثل الحد العلوي و السفلي للغيمة او خط الكيجون سن
غالبا نحدد الوقف بشكل ثابت اما الهدف فاذا لم نجد ما يعيق تقدم السعر فنمشي معه بوقف متحرك

و اي سؤال انا بالخدمة

شكرا ليك ردك يااخ ابو ابراهيم
طيب ممكن تصححلى الكلام اللى استنتجته ده؟
اشارات الشراء مثلا
1- اختراق السعر للتنكان سن تحت الغيمه ساعتها يكون الهدف الاول عند خط الغيمه السفلى واذا تم اختراقها يكون خط الغيمه العلوى هو الهدف التانى واذا كمل السعر واخترق خط الغيمه العلوى نبقى اشاره جديده بتقول نكمل اما اذا فشل فى اختراق اى خط م نخطوط الغيمه يبقى معناه انتهاء الصفقه؟
2-اختراق السعرلاعلى لكل من خطين الكيجون سن والتنكان سن يبقى بردو اهدافه زى الشرح بتاع النقطه 1
3-اختراق السعر لخط السحابه السفلىلاعلى والهدف خط السحابه العلوى
4-اختراق السعر خط السحابه العلوىلاعلى والهدف يكون خط التنكان سن
5-تقاطع التنكان سن مع الكيجون سن من اسفل لاعلى ومعرفه قوه الاشاره من خلال موقع التقاطع اذا كان اسفل او داخل واو اعلى من الغيمه وطبعا اشارات البيع عكس الكلام ده
النقطه التانيه لو عندى اشارتين متفقتين على فريمات مختلفه احط الهدف بتاعى على الفريم الاكبر صح؟
اكيد كلامى ده محتاج لتصحيح كتير منك واسف للاطاله ياابوابراهيم وشكرا

خد راحتك و اسأل ما شئت

بالنسبة لموضوع الغيمة فعند دخول السعر للغيمة يعني دخوله في مرحلة تذبذب او سير افقي لذلك لا اعتمد ان السعر دخل الى السحابة و انما اعتمد ان السعر خرج منها لأن حدود السحابة تمثل خطوط دعم و مقاومة قوية فالاعتماد دائما على الخروج من السحابة و ليس الدخول فيه

باقي الرد في الاقتباس

شكرا لتصحيحك وافادتك الكبيره دى
نكمل كلامنا
كلامك واضح بخصوص اختراق الغيمه والدخول فيها يعنى الاشارات بتاعت الغيمه هى عباره عن شراء فى حاله الخروج من الغيمه واختراقها خط الغيمه العلوى والعكس صحيح للبيع طيب بالنسبه للاشارات دى الهدف بيبقى فين؟ والوقف بردو فين؟
ةهل هناك اشارات تانيه غير اللى قلتها؟
وشكرا

بالنسبة للهدف لو كانت طريق السعر فاتحة و مفيش معوقات كخطوط المؤشر الاخرى يبقى انتقل للفريم الاكبر و اشوف برضه اذا كان هناك ما يعيقه و لو برضه طريقه فاتح امشي معاه مثلا شوف اخر صفقة يورو دخلناها كانت طريق السعر فاتحة للنزول و مفيش معوقات يبقى امشي معاه بستوب متحرك و اسيبه لأعد مدى ممكن و لو اننا قفلنا صفقتنا عشان ما ندخلش في دوامة الاخبار انما لو احتفظنا فيها كان الربح 200 نقطة و لسه مفيش حاجة تعيق هبوطه
يعني الهدف لو مفيش معوقات اسيبه مفتوح

اما الوقف فزي ما قلتلك من قبل
استعمل خطوط المؤشر نفسه لتحديد الوقف تحتها او فوقها و لو انت دخلت صفقتك اعتمادا على السحابة فهذا لا يعني انك تحصر نفسك بس فيها انما تستعمل باقي الخطوط للمساعدة في تحديد الوقف و الهدف
بالنسبة للاشارات فهي

الشينكوسبان مع السعر
التنكان سن مع الكيجون سن
التنكان سن مع السعر
الكيجون سن مع السعر
السعر مع السحابة
شكل السحابة( و هذه لا اعمل عليها لأني لم الاحظ انها مفيدة و لا داعي لها حتى اني عمري ما تناولتها بشرح المؤشر نهائيا)

كلامك واضح جدا ياابوابراهيم وبجد متشكر جدا للافاده وربنا يوفقك فى المسابقه يارب

سؤال كده على الماشى
هو اقل فريم ممكن اشتعل عليه هو الساعه ومافوق ولا ممكن فريمات اقل؟
وماهى افضل العملات من خلال خبرتك لاستخدام المؤشر واللى انت بتفضلها؟

لا شكر على واجب و انا بالخدمة
و اشكرك على لاتشجيع و لو اني مش همي نتيجة المسابقة قد مهو اني انمي الحساب بشكل صحيح فبالنهاية هو حساب حقيقي و اي ربح يعتبر كأني ربحان المسابقة

ممكن تشتغل على اي فريم يناسبك من الدقيقة الى الشهري و طبعا كل فريم له وقفه و هدفه و يختلف من فريم لاخر و لكن ممكن تطبق على اي فريم تريده
و بصراحة اني اتعامل مع المؤشر على كل العملات دون استثناء و لكن انا شخصيا لا احب العمل بالكروسات الثانوية فلا انظر اليها