رؤية دكتورة منى

باختصار يا جماعه سواء المدعو منى واحد او واحده فانه هو ومجموعه معاه من الحيتان تقوم بالتصريف علي الغلابه اللي بيسمعوا الكلام ومص دمهم ربنا يخرب بيتهم شغل قذارة وقله ادب عمتا ربنا يمهل ولا يهمل

وياتري يادكتوره ناويه تخشي باسم مين المره دي

ياريت يا جدعان اللى معاه الميل بتاع الدكتوره منى يكتبه
وشكرا

السلام عليكم ورحمة الله وبركاتة
انا عايز بس اقول حاجة الدكتورة مني بتكتب توصية بس هي ضربت حد علي ايدة انة يشتري او يبيع
الموضوع في ايدينا نحن المفروض انتم دخلتم البورصة لية علشان الدكتورة مني تقولك بيع واشتري ولا انت اللي تشوف اي اسهم افضل
الوضوع يا جماعة انها بتكتب وجهة نظرها وانتم لكم الحرية في اختيار الاسهم وشراها وبيعها اما انكم تحملوها حاجة هي ملهاش ذنب فيها حرام الظلم وبعدين كل الاسهم واقعة في الارض كل الشاشات حمراء في حد يقولي علي سهم واحد طلع اي قرش وهي مقالتش علية
الاسهم كلها زفت يعني معني كدة ان الخيبة علي الاسهم كلها يعني ان شاء الله في امل والدنيا هتخضر ولو سمحتم متلقوش اللوم علي حد انتم السبب فية
انا بوصي بسهم وانتم احرار تخدوا بالنصيحة من عدمة ممسكتش هي ايد كل واحد وقالت بيعوا واشتروا كل واحد يتحمل نتيجة خسارتة لوحدة
طيب الدكتورة مني مش هتكتب تاني اكيد بعد كدة في خسارة هتلقوا علي مين بقي الخسارة اللي جاية
قبل ما تلقوا الناس بالاتهامات ارجو اننا نتأني ونتقي الله
والسلام عليكم ورحمة الله وبركاتة

السلام عليكم ورحمة الله وبركاتة يا د/ مني
انا بقولك متزعليش الناس خسرانة وبيبصوا تحت رجليهم ومش لاقيين حد يصبوا فية غضبهم الا انت مع اني مش موافقهم علي اي كلام اتقال
وربنا يعوض علي كل خسران . وربنا يقويكي ويوفقك في حياتك مع ان البورصة فوق وتحت
وبقولك تاني متزعليش انت مش السبب في حال السوق حتي اعظم الاقتصاديين متنبقوش بالخيبة اللي الاسواق كلها فيها
حتي مبارك متنبقش بالثورة
وعليكم السلام ورحمة الله وبركاتة

الناس المحاسيب اللي بتدافع اللي بيوصى وعمال خبير يا يبقي قد التوصيه او يمتنع لان الناس مش ناقصه والتوصيه دى مسئوليه هيتحاسب امام الله عليها باختصار يحدد ارقام مهمه الناس تشتغل عليها ووقف خسارة يتم تعليته كلما صعد السهم