رد: @@ كافيه الفوركسية - مناقشة رحلة 100 دولار الى 30 الف دولار @@
اقتباس:
المشاركة الأصلية كتبت بواسطة محمد سنوسي احمد
طيب فرصه وحضرتك موجود علي السريع كدا.....مش انت شايف ان اي حد يبيع اليورو دولار دلوقتي يبقي غلطان غلط كبير ولا ايه؟؟
ليه غلطان ياباشا عندك ترند هابط على الدايلى على الاقل لازم يرد منه دة غير ان اليورو لازم يريح شوية حتى لو هيطلع وهيكسر لازم ينزل عشان ياخد باور يطلع بيه تانى
لان مش هيطلع زى القطر
طبعا دة وجهة نظرى انا مش لام تاخد بيها
تحياتى
اقتباس:
المشاركة الأصلية كتبت بواسطة محمد عبد المحسن
السلام عليكم يا شريف باشا يا حبيب قلبي وتحية كبيرة لمعلم الكافية حمادة وسلامي كمان لوائل مع انه مقصر شوية في المشاركات هو الجنرال رد على موضوع الاسكاليبنج ولا لأ يا اخوانا؟
اهلا بيك يا لورد اسف مشفتش موضوعك فى الكافيه يمكن تاه فى وسط الزحمة على اى حال لا اعترف بالاسكاليبنج
الشغل الصح تحلل وتفهم وتجيب نقطك
وانتا مستريح مع الاحترام الشديد لمستخدمين هذا الطريقة
فكل شيخ ليه طريقة
اقتباس:
المشاركة الأصلية كتبت بواسطة aboamr
اسمح لى ياجنرال القى الف تحية وسلام على الكلام ده لانى بصراحة ماشفتش حد شايل هم الناس زايك وبرغم كده كتير مش بيسمع الكلام معلش استاذى استحمل الشباب لسة خبرتهم قليلة فى الحياة ومش عارفين ان الفرصة لم تعد موجودة بكثرة زى زمان انا دخلت الكافيه لما لاقتيك موجود فقلت القى تحية خاصة وفى نفس الوقت اسلم على الناس الموجودة فى الكافيه وسماح الكرسى بتاعى على باب الكافيه والقهوة سادة بن يمنى محوج اعانك الله ياجنرال وغفر لوالديك ولك وللمسلمين اجمعين قول امين ياباشا
ياباشا ايه الكلام الكبير دة انا اصغر
مما تتخيل ولكن كل الا بتمناه ان الناس دة تعدى
من الهم الا هى فيه لان عارف الظروف وعارف هما فيهم ايه
وعارف ان كل واحد فيهم
نفسه فى قشاية يتعلق بيها وانا معاهم
بردوا عاوز قشاية اتعلق بيها
ومبداى دايما يا نعيش عيشه فل يا نموت احنا الكل
وانا معاهم على الحلوة والمرة
دعواتك يا لورد
اقتباس:
المشاركة الأصلية كتبت بواسطة kamizidan
يا سلام على الدرس الرائع من الاخ شريف
الصراحة كلام رائع وعندك حق في كل كلمة
وان شاء الله سنضل في رحلتنا بالالتزام ومنتظرين باقي المفاجئات
وان شاء الله ربي حيكرمنا
دعواتك يا لورد وبالتوفيق للجميع
اقتباس:
المشاركة الأصلية كتبت بواسطة mrbody
اللهم أغفر لوالدك وأدخله فسيح جناته وكفر عنه ذنوبه
أعتقد إن والد حضرتك مش محتاج داعنا طول ماحضرتك عايش
ففى الحديث الشريف قول النبي صلى الله عليه وسلم (إذا مات العبد انقطع عمله إلا من ثلاثة صدقة جارية أو علم ينتفع به من بعده أو ولد صالح يدعو له)
حضرتك شايل هم شباب كتير أوى والله هم مايتلم
كل دا على أكتاف حضرتك
بهدق سامى جدا ونبيل وهو العمل على النهوض بالشباب
أعتقد الحديث منطبق على حضرتك
الله يبارك فيك ويعزك اشكرك
واتمنى انى اكون كدة
دعواتك يا لورد
اقتباس:
المشاركة الأصلية كتبت بواسطة محمد عبد المحسن
الله عليك يا جنرال والله العظيم كبير وفعلا الكبير كبير وفعلا يا أخواني بلاش طمع علشان مش بعد مثلا ما الواحد يوصل 1000 دولار ممكن يرجع لنقطة البداية تاني او حسابه يتصفر ربنا يوفق الجميع، وياريت كلنا نعمل بالنصيحة ان من تأني نال ماتمنى وربنا معانا كلنا وصدقني يا جنرال يا شريف يا معلم
إني أحبك في الله
وانا بحبك فى الا احبتتنى فيه ودة احلى حاجة
دعواتك يا لورد
اقتباس:
المشاركة الأصلية كتبت بواسطة waoool
والله يا جنرال مافيش اكتر من الكلام اللى قولته
معانى مختلف معاك فى حاجة ويمكن تكون غلط بس للاسف اتربيت عليها واتعودت عليها فى حاجات كتير فى حياتى
ماتقولش لحد الشمعة دى بتلسع
لا سيبه يحط ايده فى النار ويتلسع علشان يعرف ويتعلم
وجحا كان ماشى بالمبدأ ده لما ضرب ابنه بالقلم وهو بيقوله تاخد الفلوس دى وتجيب الحاجات دى ولو اتأخرت دقيقة واحدة هتاخد القلم ده وراح ضاربه
سألوه ليه عملت كده قالهم علشان موش هستفاد حاجة لو اديتله القلم بعد مايتأخر
دلوقت جرب القلم فهيخاف ياخد التانى
وانا فعلا بحس ان اللى موش ملتزم يستاهل فعلا كل اللى يجراله بس والله فعلا الناس دى بتصعب على الواحد
وتعب وسهر الليالى واننا نقوم بالليل علشان بس نبص على الشارت ومايجلناش نوم لو لقدر الله صفقة مسلبة لحد ماتقفل على خير كل ده والله حرام يضيع على الفاضى
بس انت بتعمل اللى عليك يا جنرال وزيادة والكل يشهد وبتنصح الناس وبتعيد وتزيد فى الكلام وبتقولها بدل المرة الف
وربنا يشهد على انك بلغت الناس وكل واحد عقله فى راسه
تعرف انى لما بشوف كلامك يا جنرال بحس ان جوايا طاقة تانى انى اسهر مليون سنة قدام
بالله عليك يا جنرال كل فترة كده تحمسنا علشان لو حد فينا الهمة جواه قلت شوية يرجع تانى زى الاول واحسن
واحنا معاك يا جنرال لنهاية الرحلة بأذن الله واحنا موش مستعجلين ولا حتى بعد مليون سنة
وربنا ييسرلنا الاحوال ولا نملك الا الدعاء والالتزام التام
اللهم يسر لنا امورنا وسهل لنا احوالنا
وربنا يباركلك يا جنرال ويرحم والدك ويغفر لوالدك ويرحمه ويدخله الجنة
اللهم امين
والله ياعم وائل انا عارف انهم مش هيحسوا بالشئ الا لما يتلسعوا بس ادينى
قولت افكر تانى وانبه تانى
الفرصة مش بتيجى كتير والله
و اقسم بالله فى ناس بتكلمنى من بلاد تانية عشان موضوع العرض دة وبحلف ليهم ان الموضوع مش فى ايدى وان الموضوع خلص
فقولت افكر الناس بالنعمة الا فى ايدهم
يمكن يفقوا شوية من الوهم الا عايشين فيه
وربنا يكرمك ويكرمنا ويكرم الكل
دعواتك يا وائل
وعليك يا لورد
اقتباس:
المشاركة الأصلية كتبت بواسطة ronny
الله يباركلك يا جنرال والله انا مبسوط جدا بشخصيتك الجميله دي ووجه نظرك الي ان دلت فا بتدل علي خبرتك وبساطتك في كل حياتك ما شاء الله ربنا يبارك فيك ويرحم والديك
انا للاسف مش من المتابعين الدائمين لمشروع حضرتك الخيري العظيم بس انا بجد بحترمك بشده واتمنا ليك التوفيق لان حضرتك دلوقتي بيستفيد من وراك كتير كتير كتير
وممكن تكون فاتح بيوت والله ال 10 دقايق الي بتحلل فيهم التوصيه دول بيساوي كتير كتير كتير عند ربنا لان نتيك سليمه وصافيه
انا احب اوجه لحضرتك سؤال مش عارف هل دا مسموح ليه ولا لاء بس انا طمعان في كرم حضرتك ؟
انا مش طمعان في الأسترتجيه الي حضرتك ماشي عليها لاني حاليا ببني لنفسي استراتجيه وحاسس ان الواحد لازم يعتمد علي نفسو في كل حاجه وانا كل شغلي حاليا بيعتمد علي موجات الليوت والحمد مش بتخذل دايما
بس اكيد الواحد لازم يسعي ويعرف اكتر ويتعلم ويشوف الي افضل منو ويستفيد منو وانا من هنا بسأل حضرتك انت ايه اعتمادك الاساسي في التحليل
يعني فيوناتشي هيرمونك يووت مثلا ايه الأساس عندك وايه زمن الشارت الأساسي عندك وايه الشارتات الي لازم تبصلها لما تيجي تاخد قراراك
وانا حاليا مليش خبره غير في اليوت هل ياتري دا يكفي ولا لازم اخد خبره في حاجات تانيه مع العلم مش معني اني بقول معنديش خبره يبقا معرش الحاجات التانيه بتستخدم اذاي لا اعرف كل حاجه كويس بس مش بعتمد عليها
اتمنا اكون متعدتش حدودي بس انا طمعان في كرمك مش اكتر .......ومحتاج توجيهك
بالتوفيق ان شاء الله لحضرتك
التوقيع
خاطب الله تعالى داود وقال: يا داود أنت تريد وأنا أريد فإن رضيت بما أريد أعطيتك ما تريد وإن لم ترضى بما أريد أتعبتك فيما تريد ثم لا
يكون إلا ما أريد فإنى فعال لما أريد
الله عليك 
رد: @@ كافيه الفوركسية - مناقشة رحلة 100 دولار الى 30 الف دولار @@
