رد: ◄ الـــــــيــــــــ(Eur/Usd)ــــــــــــورو ►
يعنى بسم الله ماشاء الله تحليلات ولا اروع و اجمل من عباقره الصالون
اسمحولى اخد المايك بدى اياه فى موضوع
رقميا على فريم الساعه زاوياه 360 و ديه نهايه دوره عند السعر 1.3783 ( و صلها و ما ارتد مناها ) و رقميا على فري الدايلى زاويه 288 و ديه عند السعر 1.3720 (وصلها و ارتد منها تانى يوم)
و رقميا على فريم الويكلى زاويه 180 و ديه عند سعر 1.3605 و ديه اقواهم على الاطلاق
السعر نزل الفتره الى فاتت لحد ما وصل لزاويه 180 على الوكيلى و ما ادراك ما الوكيلى اتكرهب منها باللمس و هرب على فوق
نظيرا لو حصل ارتداد من ال180 بيروح السعر يسلم على الزاويه 90 و الى هى عند 1.4797 علشان يقدر ينزل تانى و يتفاهم مع ال 180 الى كهربته و الكلام ده يتفق تماما مع
الشكل الى رسمه حسونه عمليا ممكن يوصل هناك و
ممكن يكتفى بمنتصف الطريق يعنى ما بين ال 180 و 90 يعنى ما بين السعر 3720 و 4797 ,, ده لحد دلوقتى ما اعرفش ايه سببه و لسه ببحث فيه
طيب لو ده تم لا تتوقعوا ان يكون الصعود كدا زى الطلوع من الحمام لان دخول الحمام مش زى طلوعه ليه
لان ديه زاويه ويكلى قولنا ,,, يعنى حنشوف هبوط و صعود لما نقول يا بس و لكن حيغلب على الاتجاه العام الصعود باذن الله
و الكلاسيكى على
لسان زعماء الصالون من عزام باشا و علوش شابا و خالد باشا العوينى و غيرهم كثير بيقول ان فيه مقاومات كتيره حتقابل السعر و هو ده الى يوازيه من الناحيه الرقميه ان فيه دورات كتيره حيقوم بيها السعر ما بين هبوط و صعود و ما احلى الارتدادات
اذا هناك توافق كبير بين الرقمى و الكلاسيكى من ناحيه المبدا لا يبقى الا توفيق الله و وعونه
عذرا على الشرح المطول بس لما بلاقى الكلاسيكى بيتفق مع الرقمي بيحصل عمليه انشكاح فى المزاج و بدور علي مايك
خلاص انا خلصت المايك
مش حعرف اقول اسبوع موفق و لكن بالخطه ديه نسئل الله شهر موفق بعون الرحمن مليئا باارتدادات و الاختراقات
و نتابع زعماء الصالون لتذكيرنا باماكن الاترتدادات باذن الله
التوقيع
سبحان الله و بحمده سبحان الله العظيم
أبو إياد