ورشه الاخلاص لله ((وليكن شعارنا نتكاتف لا نتشاجر ))

السبب في ارتفاع الفرنك هو الخبر
الذي حصل ان البنك المركزي السويسري اخرج مرسوم بضمان جميع الودائع المقومة بالفرنك وتحويل جميع الاحتياطي من اليورو الى الفرنك.

التوقيع

خير الكلام ماقل ودل - جزاك الله كل خير

التوقيع

لو ممكن اقول رايى الشخصى فى الموضوع دة

اولا انا شايف ان اللى بيحصل دة مش كويس يعنى القصد من مشاركة الاراء والتوصيات هوة الاستفادة والعمل للمصلحة العامة واكيد سوق الفوركس مهما كان قوة المحلل فانة لا يخضع لاى شروط يعنى زى البحر ممكن يثور وممكن يكون هادئ
على العموم انا بالنيابة عن كل الاخوة لو تفضلوا انا بعتذر للاخ عمرو كتير لانة انسان محترم وفعلا يحاول يفيد الناس
بس الخير من عند الله وما هو الا اداة لتحقيق هذا الخير

كلمة اخيرة (( اذا جائكم خير فمن عند الله واذا جائكم شر فمن انفسكم ))
على فكرة انا حسابى اصلا كان فية 200 دولار والحمد للة اصبح 650 دولار ولكن طمعى ادى الى خسارتى خسارة كبيرة حتى اصبح رصيدى 75 دولار وباذن الله هبدا من جديد لان اكيد لو فى خير لي ولاهلى من هذا العمل فلن يمنعة احد قط

والله الموفق لكم ولنا جميعا

وبأذن الله الصفقة تتعدل وتكسبوا كلكو ان شاء الله امين

التوقيع

اقتباس:

المشاركة الأصلية كتبت بواسطة flymero

خليك فنفسك ...... ومتتدخلش فى اللى ملكش فية ............... من غير زعل

السلام عليكم ورحمه الله وبركاته
هلا والله فيك
اخوي بالبداية اسلوبك هذا مرفوض بينا ثاني شي
اتمني تتقبل كلام الاخوه بصدر رحب وتاكيد ان مافى احد غريب
بينا فجميع اخوه متسوين وانا احكي معك كالاخ لك
ايضا الاخوه سون رد علي مشاركتك بكل سعه رحب وزوق
فاتمني لك اسلوب افضل واساال الله التوفيق والصبر بالمجال لانك اذا مابتقدر تصبر
وتدير راس المال بشكل صحيح فانصيحة لوجه الله ما تضيع وقتك بالفوركس

التوقيع

اهلا بالأخ العزيز ميدو انا لى الشرف وجودك بالورشه , انا اعرفك من ايام ورشه الانتحار بس للأسف مكانش فى بنا كلام , بشكر الظروف السعيده اللى خليتنا نتشرف بمعرفتك .

ان شاء الله اللى جاى احسن ورصيدك بأداره راس مالك الحكيمه يرجع تانى لنفس المبلغ وعليه ربح .

وفعلا من عميق قلبى اشكرك على (( اذا جائكم خير فمن عند الله واذا جائكم شر فمن انفسكم ))

انا اؤمن تماما بما تقول

التوقيع

أهلا وسهلا بيك فى بيتك اللى ان شاء الله اتمنى تكون سعيد معنا لاما ان شاء الله تتعرف على كل واحد فينا بشخصيته اللى بتميزه عن غيره .

واعتذر لك لو كنت السبب فى تعب أعصابك من امبارح لغايه الان , بس من الواضح ان حضرتك لسه متعرفش نظام شغلنا يمكن علشان هو غريب شويه على ناس كتير شغاله فى الفوركس

وبعدين حضرتك مش ساذج ولا حاجه ( حشاك طبعا ) هى العمليه وما فيها ان حضرتك لسه متعرفنيش علشان كده مش واثق فى شغلى , بس لاما تتعرف على اكيد هتفهمنى اكتر وتعرف طريقه تفكيرى .

انا هيكون لى عظيم الشرف انى اتعرف على حضرتك لو الظروف تسمحلك وانت حابب .

وبالنسبه للصفقه بالله عليك تحت اى سبب من الاسباب متقفلهاش على خساره وتابع معانا سياسه الشغل على الصفقات المسلبه واعمل باك للصفحات السابقه لمعرفه طريقه شغلنا

وأهلا وسهلا بيك تانى فى وسط اخواتك اللى 100% لاما تقرب منهم هتحبهم

لك منى كل الحب والود والاحترام

التوقيع

لا إله إلا الله الحليم الكريم، لا إله إلا الله العلي العطيم، لا إله إلا الله رب السموات السبع رب العرش العطيم

اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كل شيء قدير.

هبني اللّهم الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك.

اللهم آت نفسي تقواها , وزكّها, أنت خير من زكّاها , أنت وليّهاومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك ".

اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا

التوقيع

بدأنا ببسم الرزاق يعنى

رزق القلوب بالعلم والإيمان فإن القلوب مفتقرة غاية الافتقار إلى أن تكون عالمة بالحق مريدة له متألهة لله متعبدة، وبذلك يحصل غناها ويزول فقرها.
ورزق البدن بالرزق الحلال , والرزاق الذي لا تنفد خزائنه يرزق من يشاء
اذن من هذا المنطلق لابد لنا ان نعلم علم اليقين ان كل شئ فهو منه

*** الفرصه الذهبيه هى وصول السعر لقاع تاريخى لم يصله ايدا من قبل
نراجع الشارت اليومى والاسبوعى والشهرى لنرى معا معنى الفرصه الذهبيه

الهدف الاول كنت اقصد به الشغل القادم سيكون على هذا الزوج

***** (( مراعاه رأس المال علشان غدر الزمن لو حصل فى الأمور امور ))

الجمله مش محتاجه تعليق
أول تعزيز بنفس قمه اللوط

التوقيع

واضح يا اخي ان طبيعة عملك في الطيران تعودت على السرعه في اتخاذ القرار
وبصدق لقد ترددت في الرد على مشاركتك اللتي كانت بمثابة قذيفه من العيار الثقيل لكل المتابعين
وارجو ان تقدم اعتذارك للدكتور عمرو خير الناس والذي لم يتردد لحظه في اسعادهم
ولنفترض جدلا انك خسرت هذه الصفقه وبالرغم انه لاتوجد خسائر بالورشه
الم تحقق من وراءه ربحا من قبل
عندما تربح لا نرى مشاركه والمشاركه اللتي تقوم بكتابتها يكون بها تجريح ولمين للدكتور عمرو صاحب الخلق العالي والمثل الاعلى في التعامل بالموقع كله
اعتقد انك مدين له بالاعتذار
وبالرغم انه لا ينتظر اعتذارك ولكنه حق عليك ويجب ان تؤديه
ولكم جميعا خالص التحيه لكل من تحدث بشان هذا الموضوع

التوقيع

السلام عليكم
الأخوة الاعزاء ............. والله احرجتونى وانا فى غاية الخجل والكسوف ومن وقت مكتبت هذه المشاركة السيئة سامحنى الله على سوء حديثى وتسرعى الشديد فى التخبط بهذا الرجل الدكتور عمرو ........ بجد اخجلنى تسامحك وانا اعلن على الملأ بأنى اخطأت فى حقك وفى حق اخوة اخرين .......... وتسرعت جدا لكن للاسف كنت متضايق ومتعصب وقت مكتبت المشاركة واسأت لك وللاخوة الأفاضل ........ بجد انتو اكرم منى .... وحقكم عليا جميعا

معلش انا اتسرعت يا اخوانى واخطأت والله غفور رحيم بس للاسف الشديد انا بحاول انى اشتغل فى الفوركس لكن للاسف مش ماشى معايا خالص ومليش نصيب فى المكاسب ودايما نصيبى الخساير وحتى لما بقرر احط توصية بتقولو انها موثوقة للاسف بيبقى حظى انها بتخالف التوقع اللى عمرة مبيخيب ....... شكلى فقرى بقى
عموما انا بعتذر ليكم وللاخ اللى احرجتة وللدكتور عمرو ولكل من اسأت اليهم
وبالنسبة للاخ الفاضل الوفائى ......... كنت بكتبلك رسالة على الخاص بس تراجعت
انا والله لو تصدقو انا مليش مشاركات فى المنتدى كتير ومبنفذش توصيات خالص ويمكن مرتين او 3 وحظى بيطلعو خسرانين ...... وصدقنى لو كنت كسبت فى توصية من اى شخص كنت هشكرة مش هنكر والله
وعموما بجد انا فى غاية الاحراج وخصوصا انها مش اول مرة اتسرع واهين حد عموما عفا الله عما سلف
وارجو منكم تقبل اعتذارى ........ وياريت اللى مش مسامح يبلغنى ........ وكما احتاج لنصائحكم
وشكرا لخلقكم الكريم