رد: ورشة عمل الدورات السعريه - اكتشاف و فرص
اقتباس:
المشاركة الأصلية كتبت بواسطة Eng.Mohamad
طبعا الحمد لله تحقق هدف اليورو و هو نهاية الدورة الصاعدة
1.3329
هانحسب النقاط لاحقا ان شاء الله
الان اسمحولي احط التوصيات و ارفق الشارتات غدا لاني بقاوم النوم بالعافيه
هانشتري اليورو من السعر الحالي 1.3345
هدفنا 200 نقطة باذن الله
النقطة المحوريه الجديدة لليورو هي زاوية 360 عند 1.3329
اذن ستوبنا كالعادة اغلاق اسفل تلك المنطقة بشمعه ساعه اغلاق كامل
و ساعتها هانبيع بهدف 200 نقطة ايضا ان شاء الله و هيكون ستوبنا ايضا اغلاق فوق النقطة المحوريه بتاعتنا
هاشرح التفاصيل بالشارت غدا باذن الله في الاجازة سيكون لنا حديث مطول باذن الله
100 نقطة حتى الآن على وشك الحلو اخي سفاري
طبعا ببساطة سبب الدخول هو الاغلاق فوق زاوية 360 للدورة الصاعدة من القاع 1.2871
و نحن نعمل بالاغلاقات
في هذه الاحوال لو الدورة مظبوطة السعر لازم يرجع يختبر زاوية 360
لذلك انا عملت بالاسباب
اخدت شراء بناء على الاختراق
و حطيت نقطتي المحوريه زاوية 360
فكده هايبقى عندي حاجة من اتنين
يا اما انه هايكسرها لتحت و يغلق تحتها
ساعتها هايلاقيني واقف له بالمرصاد عشان امشي معاه بيع في طريقه
الحاجة التانيه انه مقدرش يكسرها و يطير يعمل دورة تانيه جديده
و ده اللي حصل بالفعل
اذن فانا هدفي هو زاوية 180 للدورة الجديدة
و رقم 180 يقابل رقم 540
اذن نقطة 540 هي هدفي و هي عند 1.3561
برضه نعمل حساب السبريد و كم نقطة و نعمل حساب ان اليورو خاين و ممكن يقلب في اي لحظة
فهاننزل 15 نقطة من هدفنا باذن الله
يبقى كده انا عايز 1.3545
و منطقة دخولي هي 1.3345
اذن 200 نقطة كما ذكرت بالتوصية تماما
و طبعا لازم نأمن نفسنا جدا و نحط ستوب لوس على منطقة الدخول بتاعتنا عشان نضمن ان لو السعر رجع للنقطة المحوريه تاني اننا مش خسرانين
بالعكس هانستنى الاغلاق يا نشتريه تاني يا نبيعه
المهم لا تراجع و لا استسلام و لا تنازل عن ال 200 نقطة باذن الله القدير
يا رب تكون المعلومة وصلتك اخي سفاري و تحياتي لك