رد: افتتاح ورشة عمل استراتيجية لا دموع بعد اليوم
أنا شايف ان الاخطاء النهاردة بسبب الاستعجال واننا لازم نفتح صفقة النهاردة والا تبقى الورشة فشلت .. وده غلط طبعا
وده أول خطأ وبسبب كدة ما التزمناش بالاستراتيجية
الاستراتيجية أساسها ان المجموعة الخضراء تقطع موفينج 55 ما فيش فرصة نزلت النهاردة
فيها الشرط ده .. انا كنت بجرب ان المجموعة الخضراء لما تقطع الموفينجات الحمرا ايه اللي
ممكن يحصل .. بس مش ده أساسنا .. عشان كدة ومن أول دلوقت عايزين التزام
تام بالأساسيات ولو فات يوم بحاله من غير ما تظهر فرصة حقيقية .. مش مشكلة
المهم الشروط تتحقق
ثاني خطأ اننا دخلنا في صفقة من غير ما نعرف مدى قوة النقطة اللي دخلنا منها
ممكن يكون كلامنا صح والهدف هيتحقق بس مش النهاردة بكرة ان شاء الله
زي EUR/CHF والــ GBP/CHF صحيح انه حقق الهدف الاول .. شوفوا الشارت ده
المفروض في الفرصة اللي فاتت اننا ننتظر حتى يتم اغلاق شمعة فوق مستوى فيبو
وأوعدكم ساعتها ان الهدف هيتحقق في اقل من ساعة وممكن في شمعة واحدة كمان
وده اللي انا متوقعه لأن اختراق المستوى قرب خلاص - ان شاء الله - طبعا .
عشان كدة احنا هنزود حاجة جديدة في الاستراتيجية وهي خطوط فيبوناتشي
وده هيكون زي الفلتر ويعرفنا مدى قوة نقطة الدخول .. زي ما وضحت قبل كدة
في حاجة تانية جت في بالي من فرصة صديقي delpiero في فرصة الدولار فرنك
الفرصة فيها العيوب اللي انا قلت عليها لأن الشروط لم تطبق حرفيا .. مش مشكلة احنا النهاردة كنا بنجرب ومش مشكلة نغلط لغاية ما نوصل للصيغة الاحسن
المهم اللي انا لاحظته ان السعر احترم مستويين قوي كدعم ومقاومة
فأنا عملت حاجة كدة هي اني رسمت فيبوناتشي وهمي وخليت المستويين اللي احترمهم السعر منطبقين مع الرسمة اللي انا عملتها ... عارفين ممكن تفيدنا بايه ؟؟؟
ممكن من خلالها نتوقع السعر رايح فين .. وكمان ممكن يرتد من المنطقة اللي احنا اتوقعناها ( مستوى فيبو 0 % ) وكمان هيرتد على الاقل لغاية مستوى 23 وممكن اكتر
لو الفكرة دي طلعت صح .. يبقى احنا عارفين السعر رايح فين بالضبط وهيعمل ايه
وده مش شوية .. هو ده الفوركس ..... عشان كدة بشكر الاخ delpiero على انه لفت نظري لكدة .. ودي فايدة الورشة .
على العموم احنا هنستنى الدولار فرنك ونشوف هو رايح فين ..
وان شاء الله من دلوقت هنطبق الاستراتيجية حرفيا .. مع
اضافة خطوط فيبو (مكسب النهاردة )
وان شاء الله الجاي أحسن
بالنسبة لليور ين هنسيبها لاخر الاسبوع .. لأنها مطبقة الشروط كلها وكمان الشمعة
فوق مستوى فيبو بس لأنها على شارت الدايلي هنستنى عليها شوية
منتظر اراؤكم ..
بالتوفيق