رد: ضيف جديد ويريد الابحار بكم الى جزيرة الملايين ( فهل انتم مستعدون )
اقتباس:
المشاركة الأصلية كتبت بواسطة ابومراد.
بسم الله الرحمن الرحيم
بدايتا سوف اعرفكم ببعض الامور التي تخص الاستراتيجيه التي سوف نعطيكم منها التوصيات والتي سوف نبدا بها الرحله اولا انا لدي 3 استراتيجيات وكلها مضمونه 100% ان شاء الله 1ــ الاستراتيجيه التي سوف اعطيكم منها التوصيات وهي اول اكتشافي والاقوى لانها تنفع لجميع العملات 2ــ استراتيجية الباوند دولار خاصه بهذا الزوج فقط ولا تنفع لباقي الانواج 3ــ استراتيجية الذهب والفضه خاصه بهما فقط كل الاستراتيجيات تبدا ارباحها من 40% الى 120%
التوصيات التي سوف نبدا بها ارباحها من 40% ال 90% باذن الله
كل استراتيجياتي معمول لها باك تيست من 35 عام وهي ثابته معى السوق والحمد لله
وكلها رقميه من الطراز الاول
بالنسبه الى طريقتنا الاولى هي الاصعب لان الارقام التي تستخدم هي ارقام شهر كامل معى بعض الحسابات الجذريه للسعر فانا كنت احتاج الى ساعه كامله لاستخراج النتائج وهذه النتائج خاصه في قرار البيع او الشراء يعني هل ابيع اليوم ام اشتري
فذهبت الى عدة مبرمجين ليصنعوا لي مؤشر وللاسف لم اجد بل كلهم يقولون صعبه او معقده والاخر يقول تحتاج الى اسبوعان عمل فانا كان شرطي هو 8 ساعات فقط لماذا حتى لا يحضى بالمؤشر ابدا
وبعث الله الي بعض الخبراء الذين ارسلوني الى شخص امريكي في واشنطن فذهبنا اليه واخبرنا بالتفاصيل فاعطيته ارقام عمله معينه قد دونتها عندي حتى لا يستطيع ان يفهما اساسا وبالفعل بعد 8 ساعات انتظار استطاع مله بقوة وكان المؤشر يعرض بعض الخطوط احيانا مقص واحيانا مثلثات واشكال غريبه فقلت له لماذا فقال هذه العلامات مبرمجه لحفظ الارقام عند عدم التهديج او التهيج فقلت كيف فقال بعض الكلام الذي لا يفهم يمكن انه يمشيها علي عشان يلم المبلغ
المهم انا جربت المؤشر على جميع العملات معى فحص يدوي فلقيته مضبوط تماما والحمد لله على كل شي
فقد سهل علي الصعب والحمد لله
سبب وضع التفاصيل كامله وانا اعلم انها لا تعني لكم شي في موضوعي ولكن احببت ان اقول لكم ان اي استراتيجيه او طريقة عمل تجدها ممتازه ومضمونه والضامن الله لا تظن بان صاحبها سو يعرضها عليكم لا بفلوس ولا مجان وليكن في علمكم جيدا حاول ان تصل لما قد وصلوا اليه
في رحلتنا سوف تكون التوصيات على شكل شارت سوف ارفقه لكم واعاود الحديث بعد صلات الظهر ان شاء الله استودعكم الله تتصدق ان انا حكيت القصه دي قبلك ايوه والله في منتدي تاني مع اختلاف بسيط في بعض التفاصيل بس انا سافرت روسيا مش واشنطن
يا راجل هو انت الارقام معاك كلها كده :-
خبرة 13 سنة وبعدين بقو 9 سنين
باك تست 35 سنة (قول كلام غير ده) وطريقة رقمية (ارجو احترام العقليات الموجودة في المنتدي يا سعادة المليونير المحترم ولا داعي للسخرية من الناس)
ربح 40-120% (لسه بتستخدم اسلوب السخرية برده)
ارقام شهر كامل وبعدين تفضل تحسب ساعة (علي اننا يدوب لسه بنفك الشفرة ومش عارفين حاجة في اي حاجة)
والله من شغلك علي التشارت اقدر اقول انك تعرف اكسل كويس خالص ومن الممكن انك تعمل فايل وتضع فيه كل الحسابات دي وتخلص علي الاقصي في 5 دقائق مش ساعة (ده لو انت بتقعد تحسب ساعة فعلا في الفوركس مش حاجة تانية)
برده اسلوبك كله من اوله لاخره اسلوب ابهار مش اكتر وده اسلوب يستخدمه صنف من 4 اصناف من البشر في الفوركس :-
1-واحد لسه عامل استراتيجية جديدة وعملها باك تست حوالي اسبوع بحاااااااله وجابت نتائج كويسة فشاف البحر طحينة وداخل بقي متهياله ان الملاييين بتنادي عليه (كلها كام يوم ويفوق وهينتقل علي المرحلة التانية)
2-واحد لسه جديد برده زي الاولاني بس بيعمل دعاية لنفسه باسلوب سئ للغاية بس مسيره مع الوقت اسلوبه يتحسن شوية (حاول تشوف الناس في المنتديات التانية بتقول ايه وجاريهم احسن من اللي انت فيه ده)
3-واحد عاوز يبيع مؤشر وخلاص بس بيرمي كلام من تحت الترابيزة (وارد برده)
4-مليونير فعلا وعاوز يفيد الناس (بس ثانية واحدة المفروض انت ملياردير او علي الاقل مالتي مليونير مش مليونير بس علي كلامك و 35 سنة باك تست وعلي الاقل 3 سنين شغل بطريقتك الذهبية)
والحمد لله قدرت استنتج شوية حاجات مهمة جدا من اسلوبك
1- انت مش مليونير ولا حاجة واحتمال تكون مديونير (80%)
2-مبتدئ عموما خبرة لا تتجاوز 3 سنين (90%)
3-الرحلة اللي بتقول عليها هتبدا الاتنين وهتنتهي الثلاثاء مش بسبب الاعضاء لكن لانك حققت الهدف المطلوب ووصلت اللي عاوز تقوله
سيبني بقي اخد نفسي بعد الكتابة دي كلها نفسي اتقطع خلاااااص بسببك