هشرح جزء من طريقة الدخول
الاول لو في اي حد مش عارف مؤشر الاشيموكو يتحط ازاى يقولي
انا بحب جدا الفريمات الصغيرة زي الربع ساعه والنص ساعه
هو اشارات الساعه والاربع ساعات قوية جدا وبتدي تاكيد اكتر وهدف اكتر اكيد بس انا بعشق الفريمات الصغيرة وكمان هي بدايات الترند وفيها الخير كله المؤشر بنسبه 90 % بيدي اشارات صحيحه
اهم حاجه عندي نقطة الدخول بتاعتنا احنا هندخل عند اختراق السعر لحد السحابه السفلي او العلوي مع تاكيد كل الخطوط بتاعتنا
- مثلا السعر اخترق الحد العلوي للسحابه بشمعه قوية وركزو علي شمعه قوية سواء في اختراق السعر او في الشمعه الي قبلها علطول +ان يكون الخط الاحمر (التنكن) والخط الازرق(الكيجن) قريبين من بعض والخطين دول مهم جدا انهم يكونو قريبين من بعض وقت الدخول لان كل ما كان الخطين قريبين بيكون الصعود أو النزول اقوي + طبعا السحابه المستقبليه تكون صعود + خروج الشينكو(الخط الاخضر) من السحابه في اتجاه السعر وكل ما كان الشينكو (الخط الاخضر) ابعد عن السعر كل ما كان تاكيد اكتر
انشاء الله لما السعر بيخترق السحابه علي فريم الربع ساعه + التاكيدات دي كلها مش هيدينا اقل من 30 نقطة انشاء الله
- بس قبل ما ندخل اي تريد هنشوف هل في اي نقطة مقاومة علي الفريم الاكبر ولا لا
مثلا في اشارة شراء قوية علي الربع ساعه ندخل علي فريم النص ساعه ونشوف هل في اي مقاومات ( سحابه مستوية او كيجن مستوي لفترة طويلة )ولا لا لو مفيش يبقي ندخل
بالتوفيق