خطة تداول واستراتيجية العظماء برعاية الزعيم هارد

المشاركة الأصلية كتبت بواسطة خالد العوينى

يسعد صباحو الزعيم
اعذرنى على عدم المتابعة المستمرة بس قبل النوم لازم امر اشوفك عامل ايه
ما شاء الله شعلة نشاط واداء رائع ونتائج كبيرة نمسك الخشب

المشاركة الأصلية كتبت بواسطة mostafa s

السلام عليكم ورحمه الله وبركاته
بقولك ايه يا هارد انت دلوقتى بتعلمنا خطه العمل اللى المفروض نمشى عليها وخطه العمل ديه منها جزء اساسى وجزء فنى المفروض ان من ضمن خطه العمل تكون فى استراتيجيه صح اه صح يا سيدى لخص عايز تقول ايه بلاش مجاملات يا عم انا مش بجامل ولا حاجه انا بس كنت عايز تكتمل الاستفاده للناس اه اعمل بقى حجتك الناس واتلكك وتلاقيك انت اللى عايز تستفاد لوحدك وبتجيبها فى الناس الغلابه اه يا عم وفيها ايه لما اكون عايز استفاد بس مش لوحدى اكيد فى ناس كتير عايزه ونفسها تستفاد واكيد فى ناس كتير محتاجينك معاهم

انا صدعتك طبعا بس كل الحكايه ان فى ناس فاتحه ورش عمل كتير وفى ناس بتعمل استراتيجيات كتير والناس ديه بتكسب منها بس لما يعرضوها على الناس الناس ديه متعرفش تكسب منها !!!!!!!!!!
انا سالت نفسى السؤال ده ولقيت الاجابه ........
الاجابه ان كل ورش العمل والاستراتيجيات بيشرحوا طريقه الاستراتيجيه مثلا ادخل بيع من كذا ولما يحصل كذا واشترى من كذا وهكذا .. ايه يا عم اللى بتقولو ده مش فاهم حاجه وضح كلامك ولخص يا عم الكتكوت ..
حاضر يا سيدى يعنى عندك هارد الزعيم مثلا اكيد تسمع عنه ده اشهر من اللوز والموز
ده حبيبى انت اللى هتقولى عليه انت تعرفه انت ؟؟؟
اه يا سيدى اعرفه انت سخن عليا كده ليه تعرف انه فتح ورشه جديده بتعتمد على التحليل الفنى والاساسى هو بيحاول يفهم الناس طريقه شغله بس لحد دلوقتى بيشرح اساسى بس
اه تصدق فعلا اول مره تقول حاجه صح .. يعنى انا كنت عايز اوصل للتوليفه السحريه اللى بيشتغل بيها على الشارت معرفتش كل ما اجى اعملها تكون نقصه ملح .كر كر كو
لا خفيف ياد
بتكلم بجد نفسنا نعرف يا زعيم بتحلل فنى ازاى يعنى بتعتمد على ايه فى الشارت بعيد عن التحليل الاساسى
يعنى احنا بنشوف فى شارتاتك نماذج هارمونيكا .. عايزين نعرف شغلك عليها عباره عن ايه
بنشوف فى الشارت موفينجات عايزين نفهمهم ونفهم بتعتمد عليهم فى ايه ..
عايزين نعرف بتمشى كل ده مع مستويات فيبو ازاى وليه وامتى وازاى
متيقلى وصلت يا زعيم
تقبل مرورى والكلام الكتير ده
شكرا يا غالى ليك ولكل الناس اللى بتفيد غيرها

المشاركة الأصلية كتبت بواسطة mostafa s

الله المستعان يا صديقى
ربنا يقدم اللى فيه الخير

المشاركة الأصلية كتبت بواسطة hard_pom

عليكم السلام ورحمة الله وبركاته
لذيذ اوي الحوار دا
تعرف يا درش انت حطيت ايدك على هدفي الاسمى من هذه الورشة
اولا بالنسبة لتحليلي الفني واضح تماما من الشاراتات اني اعتمد على البساطه الشديده جدا بلمسات كيلاسيكيه
اما بالنسبة للهدف الاسمى من خطة التداول واستراتيجة العظماء للوصول لطريقة تفكيرهم
وهي تعليم الناس وبث فيهم وتنمية حس المضارب
انا بحاول اوصلكم الطريقة واحده واحده فني واساسي واخباري وان شاء الله الناس تستفاد
ادعيلي اوصل لهدفي يا درش
اما بالنسبة للاستراتيجيات فجميعها ناجحة حتى التي اثبتت فشلها ولكن كيفية استخدامها وربطها مع تحليلاتك هي دي الي بتكلم عليها (حس المضارب)
وتمنياتي بالتوفيق للجميع ان شاء الله

المشاركة الأصلية كتبت بواسطة hard_pom

امين يارب ....
تعالى بقه يا برنس نتكلم في حاجة مهمه جدا وياريت الناس الي متابعة بصمت تتفاعل معانا
لان افضل طريقة للوصول للفكره والتواصل هي طبعا الحديث (الكلام)

النقطة الي هنتكلم فيها وهي الاتجاه العام للعملات .. هنشوف كل عمله ونشوف الاراء والاتجاه العام لو هناخد اسوينجات

ساطلق لكم العنان لاختيار العمله الي هنبدأ بيها .. منتظرين تفاعل الناس معانا
عاوز احس ان فيه بشر بدل الصحرا دي

المشاركة الأصلية كتبت بواسطة el-yamny

ان شاء الله توصل لهدفك يا ابو حميد

تقبل مروري

المشاركة الأصلية كتبت بواسطة el-yamny

ايه رأيك لو نبدأ بالزوج

الدولار / فرنك

او اي منهم علي حسب راحتك

.................