خطة تداول واستراتيجية العظماء برعاية الزعيم هارد

المشاركة الأصلية كتبت بواسطة hard_pom

اخبار يوم الاتنين


اولا ليه اساسا لازم نتهتم بالاخبار ومين دول الي بينزلو الاخبار وهل بيكون فيه لعب فيها ولا لا

الاخبار تعتبر هي المحرك الاساسي للسوق والي بينزل الاخبار دي عبارة عن دول لتشرح لنا حالة الاقتصاد وهو دا هدف التحليل الاساسي يعني بيدرس اقتصاد الدول مثل اخبار البطالة و التضخم وغيرها وهنعرف مع بعض ايه هي الاخبار دي وهل لازم اكون بعرفها وبعرف ترجمتها ولا لا وازاي اعرف اقراها وازاي اقدر استفيد منها بس واحده واحده وبالمتابعة هنعرف كل شئ ان شاء الله
اما بالنسبة للاخبار وهل بيكون فيها خداع بالارقام او لا ... اكيد طبعا وكلنا عارفين ان ممكن يكون الخبر سلبي للعملة وتلقيها بتقوي .. طب ازاي وازاي نستفيد منها وامته نطمع وامته لا .. متقلقوش هنعرف كل حاجة في وقتها ..؟؟

ندخل بقه على اخبار يوم الاتنين
اول خبر على الاسترالي ومقياس للتضخم وزيادة تعتبر سلبية للعملة فيعتبر التضخم مؤشر هام جدا لانه بياثر في اقتصاد الدول فانه يسبب ارتفاع وانخفاض لمستوى المعيشة زي ما بشوف بشكل اوضح في الدول العربية ..

الخبرالثاني وهو حديث لرئيس البنك المركزي الامريكي برنانكي وطبعا كلنا عارفينه وكلامه الملون وعادتا ما بيبان التأثير بعد الخبر بفترة غير طويلة

الخبر الثالث وهو اعلانات البطالة وما ادرك ما تاثير البطالة على جميع العملات

الخبر الرابع وهو الفقر البشري ..

الخامس ثقة المستثمر ..

السادس رخص البناء و طبعا عارفين سبب الازمة الاقتصادية وتأثير اخبار البناء على العملات ..

السابع مؤشر مديري المشتريات ..

الثامن تقرير الخزانة ...

هنعرف مع كل خبر ازاي نقدر نستفيد منه وازاي نربط بين كل عملة وخبرها وتحليلها الفني وكيفية اختيار الزوج الي هنشتغل عليه وبادارة راس مال سليمة

اي سؤال انا موجود وتحت امركم