رد: شركة windsor brokers مطلوب التوضيح
اقتباس:
المشاركة الأصلية كتبت بواسطة eeelnagm
اولا الوكيل بتاع ويندسور هنا يا سمسمه هو وائل اللى مكتبه فى المنيل مش فاكر اسم المكتب كان تقريبا لاجشري حاجه كده يعنى الرفاهيه بس ده الشئ الوحيد اللى الواحد ماينفعش يشوفه مع الشركه دي عموما هو راجل ذوق بس لغاية ما الواحد يحط الفلوس فى الحساب ولكن بعد كده كله اي كلام لا في دعم ولا توصيات ولا اي شئ مش بس كده انا عملت ايداع فعلا من خلاله للشركه وفوجئت بنظام الشركه القاتل الشركه بتاخد فوق الاسبريد عموله خمسه في المائه على كل صفقه المفروض بقى انها بتديها للاستاذ وائل ده يعنى الوكيل او تقريبا بتديله معظمها طبعا انا عايز اقولك ان ده سرقه عيني عينك مش بس كده .
النقطه الاهم بقى اذا كنتى بتهتمي بحرمانيه الاموال والارباح الناتجه عن هذه الشركه فاحب اقولك ان الشركه لا تطبق النظام الاسلامي نهائيا وبالتالي مش عايز اقولك ان الفوائد بتعد ليل ونهار على اي صفقه بتبات وده كان ليه تاثير سلبي جدا جدا عليه لما عرفت ان الحساب مش اسلامي ذى ما كنت فاهم وانه بس اسلامي فتره عشر ايام او مده من هذا القبيل بعد كده بيتحسب فوائد وتقريبا كمان مضاعفه الموضوع بصراحه ان الشركه دي شركه فشله فعلا
دخولي فى هذه الشركه كان عن طريق شخص كنت للاسف اثق فيه ولكن اكتشفت بعد ذلك انه كان مجرد مصلحه وفائده عايده عليه من وراء الخمسه فى المائه اللى بقوليك عليها فوق الاسبريد وطبعا سبب دخولي هذه الشركه الاساسي انى كنت في بداية طريقي فى الفوركس وكنت بعتمد على نصائح الاصدقاء للبدء فى هذا المجال لكن بعد هذا الموقف قررت الاعتماد على نفسي كليا فى كل شئ حتى فى مخاطبة الدعم الفني للشركات الخاصه بالمتاجره . لان الوكيل دائما مشغول ومش فاضى في معظم الوقت ايا كانت الشركه لو انتى بتشتغلي هناك انا اكيد قبيلتك واعرفك كويس عموما تقبلي فائق احترامي وانصحك شوفي وكيل لشركه محترمه اشتغلي معاه وموفقه بامر الله
صاحب الشركه اسمه دكتور وائل و مساعده الميمون دكتور خالد ولكن شكله لا يوحى بالدكتره ...
مره كنت فى الشركه فى لقاء مع الدكتور وائل وكان حاضر التمرجى خالد ,, ومن ضمن ما جاء فى اللقاء :
سأشير لنفسى ب تامر وللدكتور وائل ب الدكتور و للدكتور خالد ب التمرجى تمييزا ليس الا وليس تقليلا من شأنه
تامر : ما هو الدعم الذى ستوفره لى شركتكم مقابل فتح حسابى عن طريقكم ؟ هل هناك توصيات ؟
الدكتور : بصوت حماسى) يا بيه انا لو متأكد من السوق ما كنت اشتغل لنفسى وخلاص ... ولا كنت وجعت قلبى
و فى جزء اخر من اللقاء
التمرجى (بلهجه ساخره) متحدثا عن المتداولين : أصل العميل ابو الف دولار ده لو شاف ربح 10 دولار بيقفل وياخده ,,, لكن اما بيشوف الخساره 400 او 500 دولار بيسبهم لغاية ما يخسر الحساب كله ,,, ويرجع الشهر اللى بعده يعمل ايداع تانى ,,, وبرررررضه يخسره
انتهى اللقاء
بيته مفتوح من الناس اللى بتخسر ومع ذلك بيسخر منهم
انا كنت رايحلهم اتفرج بناءا على توصية من واحد معرفه,,, طبعا لم افتح حسابى معاهم وفتحته مباشرة مع ويندسور ...
شركة محترمه كما تفضل الأخوه فى المشاركات بالاضافه ان لها حسابات بنكيه فى بنوك فى القاهره ,,, يعنى لن تتحمل اى مصاريف تحويل وكذلك انخفاض مصاريف السحب بنسبه كبيره