رد: تحديد الاتجاه لليوم القادم بنسبة 95% يوميا باذن الله
فعلا الشيت صار يتوقف كثير ....
وإحنا بعد التجربة إكتشفنا المجهود الرائع للأخ محمد على هاد الشيت وصارت تجارتنا مهما كانت الطريقة أو الاستراتيجية مربوطة بهذا الشيت ....
هذا الإنقطاع للشيت بخلينا نفكر بالأكبر..ماذا لو توقف الأخ محمد عن متابعة هذا الموضوع ؟؟!!!
زي أي موضوع مشهوور على المنتديات تغيرت ضروف صاحبه وما ضلش قادر يتابع , ,,,
يا أخ محمد المحترم ....
أولا: إنت صاحب الملكية الفكرية لهاد الشيت ومعك حق تفكر اني ما أعطي لحد عشان أحافظ على ملكيتي .
ثانيا: كل أصحاب الإختراعات في العالم سابقا وحاليا( تلفون , تلفزيون , كمبيوتر, سيارة, لمبة, وووووووووووو) كلهم أصحاب ملكية فكرية وإختراعاتهم ما إنحجبت عن البشرية لكن تم إيجاد حل توافقه عليه كل البشر منذ الأزل انه معنى تسجيل الملكية هو انه صاحب الإختراع هو الوحيد الي له الحق بالانتفاع ماديا منه(يعني انه صاحب الاختراع يجني فلوس مقابل نشر اختراعه للبشر)
ثالثا: أنا بقترح والقرار إلك انك تستعين بمبرمج يعمل من الشيت نسخ غير قابلة للنسخ ولا تعمل الا على جهاز واحد (زي نسخ الأنتي فايروس مثلا لما تشتري الاصلي بتكون ما بتتزلش الا على جهاز واحد او اثنين حسب الشركة )
رابعا:تبيع الشيت الغير قابل للنسخ لمن رغب مع اسم مستخدم وباسوورد بمبلغ انت تراه مقبول ويصبح دخل لك مقابل تعبك في الشيت
خامسا: تستمر في عرض الشيت أيضا من خلال هذا الموضوع ,وهكذا الغير راغبين بالشراء يمكنهم المتابعه ايضا وأيضا الناس الجدد تستطيع التعرف على فكرة الشيت وتجريبه من خلال هذا الموضوع قبل ان يقرروا ان هذا الشيت مهم جدا لهم ويجب أن يقتنوه (يعني رح يكون هذا الموضوع ورشة عمل وتوصيات ومركز مبيعات للشيت)
سادسا: من خلال استمرار هذا الموضوع أي تطور يحدث على الشيت ونجربه ونأكده تقوم بتطوير الشيت بناءا على هذا التطوير وهذا له فائدتين: 1.رح تضمن انه الناس الي رح تشتري الشيت رح تضل تتابع الموضوع لانه عملية التطوير والتجريب مستمرة
2. التطويرات الي بتعملها والكل بقتنع فيها وعلى اساسها حدثت الشيت ممكن تبيع هذا التحديث بسعر رمزي لمن اشترى الشيت قبلا.
أرجوا انه نسمع ردك أخي محمد.....
الأخوة الكرام....
ممكن اذا أحد عنده إقتراح أخر يحكيه أنا بس كنت بحاول أفكر بطريقة نخلي الأخ محمد مستفيد من تعبه وبنفس الوقت نحن ما نبني تجارتنا واستراتيجياتنا وخبرتنا بالتجارة على هاد الشيت وبالاخر يجي يوم ويتوقف.
تحيااااتي للجميع