رد: اسهل استراتيجيه ممكن ان تراها يوما
اقتباس:
المشاركة الأصلية كتبت بواسطة عمرو ابراهيم
وعليكم السلام ورحمه الله وبركاته
ماشاء الله تبارك الله مبروكين عليك حبيبي مصطفي
وان شاء الله دايم يارب ارباح يالغالي
واتمني تركز علي اسلوب عمل او اسلوبين لعدم التشتيت يالغالي
ايضا معي سوال هل بتسوي وضع الاوامر بشكل يدوي ؟
اخويا الكريم عمرو ابراهيم
شكرا وربنا يباركلنا فى عمرك يا غالى
بالنسبه لموضوع الاساليب انا فاتح 3 ورش عمل فى المسابقه وكمان بتابع موضوع الزعيم هارد بس الحمد لله مفيش تشتيت لانى بعرف افصل بين كل حاجه يعنى كل موضوع مختص بذاته طبعا الموضوع فيه تعب كتير بس انا واخد بالى والحمد لله تعالى
انا بضع الاوامر بشكل يدوى لان اهدافها بتكون مختلفه على حسب نوع الشمعه اللى بتحط اوامرك على الهاى واللو بتاعها وده الجديد فى الاستراتيجيه وكنت ناوى اقوله بليل بس بما انك سالت هقوله
مثال صفقه الاسترلينى استرالى حاطط لها هدف 50 نقطه فى حاله ان كل الاوامر 20 نقط هدف بس
وده ليه ؟؟؟؟؟؟؟؟ بص على الشارت وانت تعرف ......
هتلاقى ان شمعه امس اللى شغالين عليها شمعه انعكاسيه الفرق بين الهاى واللو صغير والفرق بين الاوبن والكلوز صغير برده
قارن بقى بي الشموع ديه فى اوقات سابقه وشوف الشموع اللى بتيجى بعديهم وشوف لو كنت حطيت امر معلق شراء مثلا فى الشمعه ديه واتفعل كان هيجبلك كام نقطه هتلاقى من 50 الى 100 نقطه
يارب تكون وصلت
وعلى فكره يا جماعه الطريقه ديه مضمونه لله الحمد بنسبه 99.9% وده شغلى على الحقيقى باختار الفرص المناسبه اللى زى كده
ياريت تكون الفكره وصلت
وياريت يكون فى تفاعل اكتر من الناس لان الطريقه الحمد لله فيها خير كتير بالنسبه لسهولتها ومش متعبه ابدا ابدا بس ياريت يكون فى افكار جديده
اخى عمرو ينفع ارفق استراتيجيه تانيه هنا فى الموضوع وهى عباره ايضا عن اوامر معلقه وبنفس سهوله الاستراتيجيه ديه واشتغل بيهم هما الاتنين ولا لازم استراتيجيه واحده بس
شكرا