اقتباس:
المشاركة الأصلية كتبت بواسطة 0BID
يا اخت Drom مين هيثم الشامي ممكن تحكيلنا الحكاية اذا مافي ازعاج
ولا فيها ازعاج ولا حاجه وهقولك حكايته لتأخد عبره من تجربه غيرك
بص هيثم الشامي هو شخص نصب على ناس كتير في مصر والبلاد العربيه
وكان فاتح موقع وليه مكتب في القاهره وهو اصله من بورسعيد
وبدايه من سنه 2009
عمل مشروع عباره عن اسثمار في الفوركس بربح 60 في الميه شهريا
يعني لو اديته 1000 جنيه يستثمرهم ليك في الفوركس بتاخد كل شهر نسبه 60 في الميه
يعني 600 جنيه كل شهر
بس اتشهر بموقعه وبأه ليه في كل بلد عربي وسيط
وفضل على الحال ده لحد هروبه في شهر 12 /.2009
وبيقولوا هرب ب200 مليون دولار
واتقبض عليه اخيرا بيشتغل في كافي في شرم الشيخ
على حسب الاشاعات اللي سمعتها عنه
واتحكم عليه برد فلوس المودعين وخمس سنين سجن ده في جريده اليوم السابع
طبعا مش واثقين في اي معلومه عن كده
ومافيش اي جريده نشرت ليه حاجه
اختك حظها صعب شويتين لاني عرفته قبل النصب بشهر
سلمته الفوس من هنا طار من هنا
وخسرت معاه 5000 جنيه من غير ما اخد اي ارباح والحمد لله
يمكن يكون مبلغ سهل لناس كتير حطوا مبالغ كبيره معاه ربنا معاهم يارب
لكن مش سهل بالنسبه لي
بس الحمد لله على كل حال
تيجي في الفلوس احسن ماتيجي في حاجه تانيه
وربنا بيعوض بأذن الله
فنصيحه لكل المبتدئين لا تصدقون اي حد يقولك ادير حسابك انسى
اشتغل بأيدك واتعلم وتابع هنا مع اخونا ابو جواد واتعلم منه
انت مش اقل من اللي هيدير حسابك ليك عقل تعرف تشغله لو صبرت شويه وعلمت نفسك صح
ادي حكايته وحكايتي مع بدايه الفوركس
التوقيع
لا اله الا الله ........... محمد رسول الله