رد: توصيات ابو جواد 2011
اقتباس:
المشاركة الأصلية كتبت بواسطة tibi_tec
شكرا على تعاونك معي
طيب كم السبريد الي لازم اخصمو ؟؟ وكيف ؟؟ وهل بس لعمليات البيع ؟؟ وشكرا
أخي الكريم الموضوع جداً سهل أول شي بدك ياك تحفظ هالجملة متل اسمك علشان لا تتلخبط بعدين : (في أوامر الشراء نضيف السبريد على نقطة الدخول وفي أوامر البيع نخصم السبريد من نقطة الدخول) طيب ... بنجي على المرحلة التانية السبريد هو الفرق بين سعر البيع والشراء الموجود عندك في شاشة التداول يعني مثلاً سعر البيع للباوند حالياً 1.6174 راح تلاقي سعر الشراء للباوند 1.6177 الفرق بينهم 3 نقاط ( طبعاً الفرق يختلف من شركة لأخرى ) لذلك الحل بسيط جداً ... اتصل على شركتك واسألهم السؤال التالي : هل فروقات السبريد بين العملات ثابتة ؟ إذا كانت ثابتة كويس كتير .. أما إذا كانت متغيرة (مثل الشركة عندي) المفروض تعرف أقصى تغيّر للسبريد للعملات اللي بدك تدخل فيها ... طيب عرفنا السبريد ثابت ولا متغيّر للعملات اللي بدك تدخل فيها بنرجع ع القاعدة الأساسية اللي قلتلك تحفظها مثل اسمك (في أوامر الشراء نضيف السبريد على نقطة الدخول وفي أوامر البيع نخصم السبريد من نقطة الدخول) وبنشوف نقاط الدونت كلوز لحبيبنا أبوالجود اليوم قال بيع للباوند من نقطة 1.6195 إذن بنخصم السبريد من النقطة هذه ( 1.6195 - السبريد وليكن 3 ) = 1.6192 وهيك بيكون اتفعلت عندك الصفقة لأنو السعر وصل أكثر من 1.6192 يا رب أكون أفدتك بشغلة ... لا يروح تعبي ع الفاضي 
التوقيع
( مع أبوالجود ... توكلنا على رب العالمين واطمأنت نفوسنا إلى توجيهاته )
أهم المواضيع وعمل الاستراتيجيات والملاحظات والخلاصة والزبدة في الصفحات التالية :
الصفحة الأولى، الصفحة 141، الصفحة 143، الصفحة 217، الصفحة 254، الصفحة 360، الصفحة 635 (درر أبو جواد)، الصفحة 636 (ملف خاص لتطوير استراتيجية يورو رن)، الصفحة 694 (شرح للتبريد وقمم وقيعان يورو رن)، الصفحة 879 (ملف دونت كلوز والتعامل معها) 
1790Likes
