رد: توصيات ابو جواد 2011
مسا الخير على الجميع
طبعاً والله رايح مشوار هلأ مع الأهل والعائلة
ما خلاني أدخل إلا مشاركات بعض الاخوة الله يهدينا ويهديهم !
بالزمة والضمير ...
الي بيدخل الحين برة من الأعضاء الجدد ... شو راح يئول ؟
والله حرام عليكم اللي بتعملوه هادا
معئولين إنتو على هالأسئلة الغريبة ، والتردد الغريب ، والخوف العجيب !!
معلش يا جماعة سامحوني على صراحتي
بس بدي أحكي ليس من منطلق الدفاع عن حبيبنا أبوالجود أو توصياته ، فهي منارة للجيمع بدون استثناء ، وأنا بعرف ناس من سوريا وأنا بالكويت حالياً بيكلموني عليها وهم مش مشاركين معانا هنا ، بيدخلو بياخدو المفيد وبيخرجو ... وصلى الله وبارك ... وحساباتهم في اخضرار مستمر ، بالعكس قد يكونو دبّلو الحسابات كذا مرة بدون حتى ما يشاركو معانا هنا !
والغريب العجيب إنو نحنا هنا شغالين خوف ورعب وتخويف للجميع ، لأ والأدهى من هيك بيدخل ( س ) من الناس بيئول : أنا حقفل على الخسارة دي ! وعذرا من الأخ الحبيب إنو ما راح أذكر اسمه ، بس ليش هيك ؟ شو اللي راح تقفلو على خسارة ؟ أبوالجود قالك تبيع من هالنقطة ؟ ولا إنت دخلت من راسك أو بتوصية من محلل آخر ؟؟
والله العظيم أنا بخجل لما بشوف هيك مشاركات
وأنا قلتها سابقاً ، وأعيدها مرة أخرى وثالثة :
الي مش عارف حاجة يسأل ... بس قبل ما يسأل ... لازمو تهيئة نفسية وفكرية وثقافية في منتدى المبتدئين ... ولازم ديمو لمدة لا تقل عن شهر .... وبعدين أي شي خلاف ذلك الجميع أكيد راح يكون بالخدمة بدءاً من أخوكم الفقير إليه تعالى نهاية برأس الهرم كبيرنا أبوالجود ( ولا كبير إلا الله عز وجل ) ...
واللي داخل من راسو يتحمل نتيجة خطئو !
طيب والله العظيم اليوم حصل معاي موقف بخصوص اليورو رن ... لحد الآن ميت من الرعب إنو أبوالجود يشوفو ويعطيني كم كلمة في العضم علشانو ... والاخوان اللي شاركونا صباحا بيعرفو الموقف تماما ... ومع ذلك أنا دخلت واعتذرت علانية وإنو أنا بستاهل الي حصلي وضرب 4 صفقات بالاستوب عندي بسبب خطأ مني ...
بس مو معنى هذا أدخل على الملأ وأقول : خلاص رح أسكر الصفقة بخسارة 4 عقود ، وأرمي الكلام وكأنو أبوالجود هو السبب في خسارتي !!
ورجااااااء حاااااااار للمرة المليون
اللي بيخاف تعكس عليه التوصية ، لا يشتغل فوركس أبداً
يعني معئول من انعكاس 10 نقاط بنصير نصيح : أبوالجود وينك ... أبوالجود الحئنا ؟؟
طيب بلاه الفوركس من أساسو !
لا حول ولا قوة إلا بالله العلي العظيم
والله فار دمي وما قدرت أمسك حالي
لأ واللي بيخليك ما تستوعب اللي عم بيصير ...
إنو إجمالي التوصيات جابت المرابح وبلا فخر
بالإضافة إلى اليورو رن لليوم ... مرابح خيالية
لا حول ولا قوة إلا بالله العلي العظيم
والله كان الله في عونك حبيبنا أبوالجود
لي مشاركة أخرى
بس انتظروني قليلاً !!!
التوقيع
( مع أبوالجود ... توكلنا على رب العالمين واطمأنت نفوسنا إلى توجيهاته )
أهم المواضيع وعمل الاستراتيجيات والملاحظات والخلاصة والزبدة في الصفحات التالية :
الصفحة الأولى، الصفحة 141، الصفحة 143، الصفحة 217، الصفحة 254، الصفحة 360، الصفحة 635 (درر أبو جواد)، الصفحة 636 (ملف خاص لتطوير استراتيجية يورو رن)، الصفحة 694 (شرح للتبريد وقمم وقيعان يورو رن)، الصفحة 879 (ملف دونت كلوز والتعامل معها)