`·.¸¸.·´♣♣ ورشة بورصات العربية المتحدة ♣♣`·.¸¸.·´

المشاركة الأصلية كتبت بواسطة Mostafa Elyamny

هنتكلم عن زوج

اليورو دولار

الفريم الاسبوعي



لو لاحظنا على الفريم الاسبوعي ان شمعة الاسبوع الحالي ارتدت بقوة من ترند هابط ونزلت لغاية دلوقتي حوالي 250 نقطة بس هنشوف السعر هيتعامل ازاي مع الترند الصاعد ( الخفيف ) وكمان فيه دعم في منطقة السعر الحالية بس انا مش راسمه على الشارت يعني لو كسر السعر الترند الصاعد الخفيف ده يبقى هيكمل مسيرة الهبوط أما لو قدر يطلع تاني ويكسر الترند الهابط يبقى الدولار هيطير لفوق وده احتمال بعيد إلي حد ما وطبعا زي ما شايفين ان الترند العام للسعر هابط انما الترند الحالي صاعد ي كانت قرايه سريعة للويكلي .

هنتكلم عن

فريم الدايلي



لو اتكلمنا عن السعر من خلال فريم اليوم هنقول ان السعر لوقتي في عنق الزجاجة يعني ايه يعني السعر دلوقتي في المنطقة الحرجة من المثلث المتكون على الشارت وده بيدينا اشارة عن أحتمالية تحرك حاد للسعر سواء الهبوط او الصعود خلال الفترة اللي جاية وهنحدد سواء كان هبوط او صعود عن ريق كسر احد ضلعي المثلث واللي بتصور انه يكون السفلي وكمان شمعة اليوم لو اغلقت هيكون اتكون نموذج الغربان الثلاثة هو مش مثالي قوي بس هيدينا اشارة بالهبوط غدا .

أما عن فريم

الاربع ساعات



هنلاقي ان السعر كسر مستوي 38 فبيو وده بيشير ان السعر في طريقة للوصول إلي مستوي 50 فبيو تقريبا عند 1.3731 بعد اعادة الاختبار بالشمعة الصاعدة الحالية واعتقد ان كسر المستوي ده هيكون سهل إلي حد ما على السعر علشان السعر تعب مع المستوي اللي قبله ( وعلى رأي المثل أضرب مستوي 38 يخاف مستوي 50 )

ايه رأيكم نتكلم شوية نفسي

طبعا انتم عارفين ان الاسبوع اللي قبل اللي فات كان فيه صعود ملحوظ للزوج طيب والاسبوع ده الدولار شد حيله وكان فيه هبوط للزوج طيب وده هياثر ازاي على السعر انا هقولكم

دلوقتي في سلعة اسمها (س) كانت كويسة في السوق والناس كانت بتشتريها بس الجودة بتاعت السلعة دي انحفضت فبالتالي الناس هتبطل تشتريها او المبيعات هتقل انما لو رجع الناس بعد فترة ورجعوا يشتروا السلعة دي تاني يبقى اكيد جودتها ارتفعت وعلشان كده الطلب على السعلة هيزيد من جديد وبالتالي سعرها هيزيد وده اللي حصل مع الدولار في الايام اللي فاتت علشان كده ممكن نشوف صعود للدولار امام اليورو وباقي العملات

أما اساسيا

انهارده كان فيه ضربتين للدولار اولهم كان معدلات البطالة اللي زادت وبالتالي بتأثر بالسلب على الدولار والتانية العجز في الميزان التجاري وعلشان كده هنفكر مليون مرة قبل ما نبيع الزوج

,,,,,,,,,

المشاركة الأصلية كتبت بواسطة Mostafa Elyamny

منكم نستفيد يا استاذ خالد

بس على فكرة الميزان كان فيه عجز الرقم بالسالب يا غالي وفي زياده في معدلات البطالة وده بيدل على سوء الاحوال الاقتصادية الامريكية في الفترة الحالية

ولو مش واخد بالي حاجة ياريت تقول علشان انا نايم خالص

,,,,,,,,,,

المشاركة الأصلية كتبت بواسطة Mostafa Elyamny

تمـــــــــــام

معلومة نحطها عندنا في الدفتر علشان مننسهاش

شكرا يا استاذ خالد وياريت يكون في تفاعل زي كده علشان الكل يستفاد

مرة تانية شكرا يا استاذ خالد وان شاء الله في ميزان حسناتك


,,,,,,,,,,,